المانيا الجميلة والنظام
يُقال ان في ألمانيا اللي بيوصل الشغل الأول بيركن عربيته في الآخر، علشان اللي يوصل متأخر يركن في الأول فيوفر وقت وتأخيره ميطولش.
الشقيري عمل تقرير رائع في اليابان عن ازاي تحجز دورك في طابور الإستاد، ناس بتحط ازازة مياة، تكتب اسمها باللزق، يسيب شنطة، عشرات الآلاف بيعملوا كدا وكل واحد مكانه يظل محجوز.
لو انا اخدت مكانك هتاخد مكان حد تاني هياخد مكان حد ثالث ومع انه في عقلك مجرد مكان فرد إلا انه درب من دروب الفوضى.
يا ما كلنا هتكنا ادوار في طوابير، السينما، المدرسة، الجامعة، تذكرة المستشفى، حتى في الجيش وانا رايح اعمل اوراقي كان الطابور بيتركبله مواصله، تركب ميني باص تقوله آخر الطابور، انا اتمشيت كدا فواحد بيقولي مجدي!! جريت حضنته وبوسته وسلمت على عائلته كلها (وانا اول مرة اشوفه في حياتي) بس اختصر عليا وقت ودا المغزى😌
* نظرية الطابور جوهرها ايه بقى يا سيدي؟!
عدد مقدمي الخدمة اقل من عدد طالبيها.
فهنا طالب الخدمة بيضطر للإنتظار تبعاً لأولوية الوصول، بعض الأماكن الحكومية غالباً بتبدي بعض الحالات على مبدء اولوية الوصول زي المعاقين وكبار السن وفي حالة المستشفيات (الحالات الحرجة).
----
شغل المصريين: دا مصطلح بنقابله في كل خطوة، الفهلوة في البيع والشراء، الاشتغالة مع مقدمين الخدمات وانت مش صاحبي انت اخويا وانا اسيح دمي لأجل عيونك، وانا بخلص ورق الاقامة في الكويت دخلت غرفة انتظار تفوق الألف شخص بعضهم بييجي ويروح بقاله كذا يوم مش عارف يحصل دور، انا في 10 دقائق كنت مخلص ومروح ومن غير طابور او رقم ولا واسطة بالمناسبة.
- بيقولي Esam على الفهلوة وقت المرض، انك ممكن تاخد مكان واحد في مستشفى ويكون حالته اخطر منك فتحصله مضاعفات قد تؤدي لتلف عضو او حتى موت، لمجرد ان القدر حط فهلوتك او وساطتك قبله لحرصك على اظهار مدى براعتك او قدرتك لكسر القاعدة (فوجدتها نصيحة واجبة او انذار واجب بمدى اهمية ادراكك للي حواليك بقدر اهتمامك بنفسك)
- الشر اللي بنشوفه صغير بداخلنا هو السبب في الشر الكبير اللي بنعاني منه، الفساد والضلال والجهل مجرد نتاج طبيعي لعدم الكفاءة وتكبير الدماغ والفهلوة.
- عُمرك في اي مجال او مكان مهتاخد حقوقك الا بعد تلبية واجباتك، التزم بمكانك وبوقت وصولك وباحترامك لوقت غيرك وحياته واسبقيته في السعي، عامل كما تحب ان تُعامل.
#في_الظلمة_نور
الشقيري عمل تقرير رائع في اليابان عن ازاي تحجز دورك في طابور الإستاد، ناس بتحط ازازة مياة، تكتب اسمها باللزق، يسيب شنطة، عشرات الآلاف بيعملوا كدا وكل واحد مكانه يظل محجوز.
لو انا اخدت مكانك هتاخد مكان حد تاني هياخد مكان حد ثالث ومع انه في عقلك مجرد مكان فرد إلا انه درب من دروب الفوضى.
يا ما كلنا هتكنا ادوار في طوابير، السينما، المدرسة، الجامعة، تذكرة المستشفى، حتى في الجيش وانا رايح اعمل اوراقي كان الطابور بيتركبله مواصله، تركب ميني باص تقوله آخر الطابور، انا اتمشيت كدا فواحد بيقولي مجدي!! جريت حضنته وبوسته وسلمت على عائلته كلها (وانا اول مرة اشوفه في حياتي) بس اختصر عليا وقت ودا المغزى😌
* نظرية الطابور جوهرها ايه بقى يا سيدي؟!
عدد مقدمي الخدمة اقل من عدد طالبيها.
فهنا طالب الخدمة بيضطر للإنتظار تبعاً لأولوية الوصول، بعض الأماكن الحكومية غالباً بتبدي بعض الحالات على مبدء اولوية الوصول زي المعاقين وكبار السن وفي حالة المستشفيات (الحالات الحرجة).
----
شغل المصريين: دا مصطلح بنقابله في كل خطوة، الفهلوة في البيع والشراء، الاشتغالة مع مقدمين الخدمات وانت مش صاحبي انت اخويا وانا اسيح دمي لأجل عيونك، وانا بخلص ورق الاقامة في الكويت دخلت غرفة انتظار تفوق الألف شخص بعضهم بييجي ويروح بقاله كذا يوم مش عارف يحصل دور، انا في 10 دقائق كنت مخلص ومروح ومن غير طابور او رقم ولا واسطة بالمناسبة.
- بيقولي Esam على الفهلوة وقت المرض، انك ممكن تاخد مكان واحد في مستشفى ويكون حالته اخطر منك فتحصله مضاعفات قد تؤدي لتلف عضو او حتى موت، لمجرد ان القدر حط فهلوتك او وساطتك قبله لحرصك على اظهار مدى براعتك او قدرتك لكسر القاعدة (فوجدتها نصيحة واجبة او انذار واجب بمدى اهمية ادراكك للي حواليك بقدر اهتمامك بنفسك)
- الشر اللي بنشوفه صغير بداخلنا هو السبب في الشر الكبير اللي بنعاني منه، الفساد والضلال والجهل مجرد نتاج طبيعي لعدم الكفاءة وتكبير الدماغ والفهلوة.
- عُمرك في اي مجال او مكان مهتاخد حقوقك الا بعد تلبية واجباتك، التزم بمكانك وبوقت وصولك وباحترامك لوقت غيرك وحياته واسبقيته في السعي، عامل كما تحب ان تُعامل.
#في_الظلمة_نور
تعليقات
إرسال تعليق