دى مش الكانولا يا ابونا دا أثر المسمار

دى مش الكانولا يا ابونا دا أثر المسمار ..

روحتلها المستشفى لانى عرفت بتعبها والمها .. وهى خادمه فاضله ..
تخيلت انى رايح اطمن عليها واعزيها بكلمتين ..
لقيتها بتقولى انا فعلا متألمه بس بص هنا شايف ايه وفردت ايدها مزرقه خالص فوق كف ايدها قولتلها ايه ده .. دا من الكانولا ؟ قالتلى شكونى كتير .. بس دى مش الكانولا دا اثر المسامير ف ايديه ..
اتفاجئت بالكلمة نزلت علي زى الصاعقه قالتلى صدقنى وفردت ايدها التانيه عشان توريلى المسامير ف ايديها الاتنين ..
.. وازاى لما حطولها الاستره حست بوجع الحربه ف جنبه ..
وحكتلى ازاى ف أشعة الصبغه مددو ايديا ورجلى مشدودين كأنى بتصلب .. عارف كان فيه نار  بتتحرك ف جسمى كله ..

وانا قاعد معاها افتكرت ابويا الراهب لما روحت معاه يعمل عمليه ف ايده واتفاجئت بيه بيطلب من الدكتور ميديهوش بنج وكنت انا باردو ف ذهول منه ..
حاولت معاه ..
قالى ف هدوء .. بقالى سنين بتأمل ف الام المسيح سيبنى ادوقها ..
مرت دقايق العمليه ف الم لا استطيع أبدا أن أنساه ..

ماكنتش عايز اقوم من القعده معاها وانا شايف ف المها المسيح ..
وياللعجب خرجت بعد أن قبَّل المسيح يدي انا الكاهن 😥
وانا وقفت مصلياً قبَّلت رأس المسيح وتمنيت لو اُقبّل اثار المسامير ف يديه ورجليه ..

تعليقات

إرسال تعليق

المشاركات الشائعة من هذه المدونة

نبات الزوفا

نسمع عن نبات الزوفا في الكتاب المقدس وفى مزمور 51 نقول"طهرني بالزوفا" ؟ ذكرت الزوفا تسع مرات في العهد القديم (خر 12: 22، لا 14: 4 و6 و49، عد 19: 6 و18، 1 مل 4: 13، مز 51: 7)، ومرتين في العهد الجديد، فنقرأ في إنجيل يوحنا: "وكان إناء موضوعاً مملوًّا خلاً، فملأوا اسفنجة من الخل ووضعوها علي زوفا وقدموها إلي فمه" (يو 19: 29). ويقول الرسول في الرسالة إلي العبرانيين: "لأن موسي بعد ما كلم جميع الشعب بكل وصية بحسب الناموس، أخذ دم العجول والتيوس مع ماء وصوفاً قرمزياً وزوفا ورش الكتاب نفسه وجميع الشعب، قائلاً: هذا هو دم العهد…." (عب 9: 19و20). وكان الرب قد أمر موسي قائلاً: "خذوا باقة زوفا واغمسوها في الدم الذي في الطست ومسوا العتبة العليا والقائمتين بالدم الذي في الطست" (حز 12: 22)، وكان هذا أساس الفصح. والإشارة في المزمور الحادي والخمسين: "طهرني بالزوفا" (مز 51: 7) تشير بكل وضوح إلي رش دم الحمل لأنه "بدون سفك دم لا تحصل مغفرة" (عب 9: 22). وفي وصف الكتاب لحكمة سليمان، يقول إنه "تكلم عن الأشجار من الأرز الذي في لبنان إلي الز...
قراءة المزيد

انا بكره امى 1

صورة
أيوه متستغربوش كنت طفل عمره 12 سنه لما حصل خلاف حاد بين والدي ووالدتي نتيجة أزمة مادية كان بيمر بيها بابا ماما كانت بتصرخ في وش بابا جامد وبتتهمه أنه عاجز يكون راجل ويتحمل مسئولية بيت شوفت دمعة في عين بابا ساعتها رفض ينزلها وساب ماما ومشي من البيت لما شوفت في عيونه نظرة حزن وقلة حيله منح وعجز وهو مش عارف يتصرف ليلتها ماما زعقت فيا وطلبت مني أدخل أوضتي نمت بصعوبة وانا حزين على الحالة اللي وصل لها بابا وماما ولما صحيت كان بابا رجع من بره وسألني عن ماما قولتله معرفش هي راحت فين.. يمكن نزلت تشتري شوية طلبات من بره وجايه.. ماما اتاخرت ومرجعتش ..واكتشفنا بعد كدا انها سابت جواب بخط ايدها بتقول فيه سامحني مش هقدر اكمل معاك.. انا هبعد وهعيش حياتي واحاول اعوض نفسي عن اللي فات من عمري معاك ماما اتخلت عني وبعدت في اكتر وقت انا محتاجها فيه ليه كدا انا بحبك ..حرام عليكي بابا دور عليها في كل مكان لكنها اختفت وملهاش اثر تعب نفسيا جدا.. كنت بشوفه بينهار كل يوم وهو بيحاول يبان متماسك قدامي رفض يتجوز وقرر يعيش عشاني انا وبس كنت الابن الوحيد.. رعاني كويس وكملت تعليمي واتخرجت.. ...
قراءة المزيد

مكرم اسكندر

ولد مكرم اسكندر نيقولا في  19 يوليو 1942 م. بمدينة المنصورة. ولكن والده أصلاً من دمياط. من أسرة عريقة ومتدينة. فهو من عائلة القديس سيدهم بشاي. تنيح والده المهندس إسكندر نقولا وتركه في سن الرابعة من عمره، فتولى عمه الأستاذ ألفونس نقولا تربيته ورعايته بدمياط. تلقى دراسته الأولى في بورسعيد، ثم جاء إلى الإسكندرية حيث حصل على بكالوريوس الهندسة (قسم كهرباء) بتقدير امتياز عام 1963 م. من جامعة الإسكندرية وكان عمره في ذلك الوقت أقل من 21 سنة. عُيِّنَ معيدًا بكلية الهندسة بالإسكندرية. وتقدم في الدراسة للحصول على درجة الماجستير في الهندسة الميكانيكية. فحصل على درجة الماجستير في يوم 28 مايو 1968 م. اما عن الناحية الروحية تأثر نيافته بالقمص بيشوي كامل، والقمص تادرس يعقوب ملطى. أيضا تأثر نيافته بقداسة البابا شنوده الثالث -كما يقول نيافته- "خصوصًا أثناء القداس الإلهي الذي كان يصليه بروحانية عجيبة.. ورأيت فيه صورة الراهب الحقيقي".  كان لكلمات قداسة البابا شنوده عن حياة التكريس في مؤتمرات الخدام بكنيسة مارمينا بالمندرة – الإسكندرية تأثيرها العميق، والشعور بالدعوة الخاصة لحياة التكري...
قراءة المزيد