محبة بعد عداوة

محبة بعد عداوة
البابا كيرلس و الرئيس عبد الناصر

بعد اختيار البابا كيرلس بابا للاسكندرية بعد القرعة الهيكلية للجلوس على كرسي مارمرقس   

وللأسف بعض الناس لم يعجبهم ذلك فأرسلوا برقيات الى عبد الناصر وقالوا له فيها لا نريد هذا الراهب الدجال الساحر بطريركاً علينا
يعنى ايه يعطي الناس قطناً بزيت !

وللأسف وجد عبد الناصر كومة من التلغرافات كلها ذم في الراهب مينا المتوحد

فما كان من الرئيس جمال إلا أن استعان بفوزي عبود وهو مسيحي وكلفه قائلا : شوفلي حكاية الراجل السحار ده وال ها تعملوه بطرك عليكم

ولما كان فوزي عبود لا يعرف أبونا مينا المتوحد

شخصياً ،،فاتصل بالدكتور كمال رمزي ستينو وعرض عليه الأمر وقال له أيضاً وايه حكاية القطنة أم زيت ال بيقولوا عليها دي

فقال الدكتور كمال رمزي : ده راجل طيب جدا وراجل من رجال الله والانجيل والكتاب المقدس بيقول :أمرض أحد بينكم ليدعو رجال الكنيسة ويدهنونه بزيت وكمان صلاة الايمان تشفي المريض وعموما تعالى بنفسك أوريهولك وذهبا كلاهما وحضرا قداساً لأبونا مينا المتوحد وظهر لهما أنه شخصا ً محبوباً من الكل وعليه مهابة الله ..فقال فوزي عبود لكمال رمزي :صحيح يا ما في الحبس مظاليم ...وقال أنا ها أروح للرئيس وأقوله على الحقيقة

وذهب للرئيس وقال له: الموضوع مختلف ياريس عن ال وصلكم من التلغرافات

الرئيس :بقى ياراجل تصدق أن قطنة بزيت تخفف المرضى !!

فوزي عبود: الصراحة يا ريس الموضوع ده مش داخل دماغي برضه

وشاءت العناية الإلهية أن يمرض ابن فوزي عبود وأصيب بحمى شديدة ولم تفلح الروشتات أن تشفيه ...فرفع فوزي عبود سماعة التليفون واتصل بكمال رمزي وقال له :أنا عايز قطنة بزيت من عند أبونا مينا علشان ابني يخف

فقال كمال رمزي : تعالى معايا وأنا أجيب لك قطنة

فذهبا كلاهما وانتظرا حتي نهاية القداس ولما كان أبونا مينا يبخر بالشورية واقترب من كمال رمزي ستينو وقال له : حاضر يا عم حاضر ها أبعت لك قطنة بالزيت علشان الراجل ده ال ما بيصدقش إن القطن أبو زيت له مفعول في الشفاء

ثم وجه كلامه إلى فوزي عبود : هو لازم ربنا يشدك من ودانك يا ابني علشان تصدق

وأرسل أبونا مينا القطنة مع شماس وقال له : ادي القطنة  دي يا ابني للاتنين الأفندية ال واقفين في الكنيسة ورا

ولما عاد فوزي عبود إلى المنزل دهن ابنه المريض والذي فشل الطب في طرد الحمى من جسده وما هي الا لحظات إلا وقام ابنه معافاً وقد فارقته الحمي الي غير رجعة.

 رد فعل الرئيس جمال عبد الناصر ف مقابلة البابا كيرلس
كان الريس مش طايق البابا ولكن بالعافية اتحدد معاه ميعاد للمقابلة
ولما راح البابا للريس ومعه بعض رجال الكنيسة .دخل عليه عبد الناصر و زعق له ايه ده انت جاى وجايبلى عصاية الكلاب معاك.عايز ايه انت؟هما الاقباط عايزين ايه؟انت جاى ليه؟؟
البابا رد : هى دى المقابلة بتاعتنا؟هى دى القهوة بتاعتى؟
وراح البابا رفع راسه وبص لفوق وقال احكم يارب للمظلومين
وخرج البابا من عند الريس ومشي
عزمى سواق البابا سأل البابا
قابلت الريس ؟
قابلته يا عزمى ياابنى
وقعدت معاه وقولتله على كل حاجة يا سيدنا؟
البابا قاله اسكت يا عزمى ياابنى..ياللا بينا على مصر القديمة
وصل سيدنا الى كنيسة الشهيدة بربارة
 نزل البابا وخبط بالصليب على الباب
والبابا وقف امام ستر الهيكل وصلى وبعدها قال  يرضيكي يا بربارة ياىابنتى يرضيكي يقول على العصاية بتاعتى عصاية الكلاب وطردنى وقاللى امشي؟؟
ورجع سيدنا على البطرخانة
الساعة 9 مساءا لقوا كبير الياوران جاى وبيسال على البابا كيرلس !
رد عليه تلميذ البابا - سليمان رزق - وقاله مش هاقدر اخبط عليه دلوقت
قاله كبير الياوران
يعنى ايه اروح اقول للريس ما قدروش يخبطوا عليه؟....خبط خبطة خفيفة كده
فوجئوا ان البابا طالع وماسك ف ايده عصايتين وبيقول لكبير الياوران ينفع اجى معاك كده؟
قاله ينفع ينفع يا سيدنا حتى لو عايز تجيب كل العصيان اللى عندك
وصل البابا عند الريس وجده قاعد بملابس غير رسمية وف حالة إعياء تصل الى الموت
البابا مد ايده على قلب الريس ودعك قلبه وقال للريس احنا بنقول ان قلب الريس فى يد الله وانا باخد بركة
ومن وقتها الريس قال للبابا انت ابويا وولادى ولادك وانت تيجي ف اى وقت انت عايزه ..ومن ذلك الوقت بدأت علاقة صداقة قوية بين عبد الناصر والبابا كيرلس السادس ...

تعليقات

إرسال تعليق

المشاركات الشائعة من هذه المدونة

انا بكره امى 1

صورة
أيوه متستغربوش كنت طفل عمره 12 سنه لما حصل خلاف حاد بين والدي ووالدتي نتيجة أزمة مادية كان بيمر بيها بابا ماما كانت بتصرخ في وش بابا جامد وبتتهمه أنه عاجز يكون راجل ويتحمل مسئولية بيت شوفت دمعة في عين بابا ساعتها رفض ينزلها وساب ماما ومشي من البيت لما شوفت في عيونه نظرة حزن وقلة حيله منح وعجز وهو مش عارف يتصرف ليلتها ماما زعقت فيا وطلبت مني أدخل أوضتي نمت بصعوبة وانا حزين على الحالة اللي وصل لها بابا وماما ولما صحيت كان بابا رجع من بره وسألني عن ماما قولتله معرفش هي راحت فين.. يمكن نزلت تشتري شوية طلبات من بره وجايه.. ماما اتاخرت ومرجعتش ..واكتشفنا بعد كدا انها سابت جواب بخط ايدها بتقول فيه سامحني مش هقدر اكمل معاك.. انا هبعد وهعيش حياتي واحاول اعوض نفسي عن اللي فات من عمري معاك ماما اتخلت عني وبعدت في اكتر وقت انا محتاجها فيه ليه كدا انا بحبك ..حرام عليكي بابا دور عليها في كل مكان لكنها اختفت وملهاش اثر تعب نفسيا جدا.. كنت بشوفه بينهار كل يوم وهو بيحاول يبان متماسك قدامي رفض يتجوز وقرر يعيش عشاني انا وبس كنت الابن الوحيد.. رعاني كويس وكملت تعليمي واتخرجت.. ...
قراءة المزيد

جندى ارجنتينى

اتصل جندي أرجنتيني بوالدته من مقر كتيبته وكان عائداً للتو من جزر فوكلاند بعد انتهاء الحرب ، وطلب منها أن تسمح له بأن يحضر معه إلى المنزل أحد رفاقه الذي تعرض لبتر بعض أعضائه نظراً لأن عائلته تسكن في مكان بعيد وهو بنفس عمره 19 عام إلا أنه قد خسر إحدى ساقيه وأحد ذراعيه وفقد بصره أيضاً وعلى الرغم من سعادة الأم بعد عودة ابنها حياً من الحرب إلا أنها أجابته بفزع قائلة بأنها لن تتحمل رؤية ذلك الشاب ورفضت أن تستقبله في بيتها. صمت ابنها ثم قطع الإتصال واطلق رصاصة على نفسه فقد كان هو ذلك الجندي الأبتر لكنه لم يرد أن تتحمل والدته عنايته طيلة حياته مجاملة له. غابرييل غارسيا ماركيز . قصة قصيرة الجندي الأبتر.
قراءة المزيد

نبات الزوفا

نسمع عن نبات الزوفا في الكتاب المقدس وفى مزمور 51 نقول"طهرني بالزوفا" ؟ ذكرت الزوفا تسع مرات في العهد القديم (خر 12: 22، لا 14: 4 و6 و49، عد 19: 6 و18، 1 مل 4: 13، مز 51: 7)، ومرتين في العهد الجديد، فنقرأ في إنجيل يوحنا: "وكان إناء موضوعاً مملوًّا خلاً، فملأوا اسفنجة من الخل ووضعوها علي زوفا وقدموها إلي فمه" (يو 19: 29). ويقول الرسول في الرسالة إلي العبرانيين: "لأن موسي بعد ما كلم جميع الشعب بكل وصية بحسب الناموس، أخذ دم العجول والتيوس مع ماء وصوفاً قرمزياً وزوفا ورش الكتاب نفسه وجميع الشعب، قائلاً: هذا هو دم العهد…." (عب 9: 19و20). وكان الرب قد أمر موسي قائلاً: "خذوا باقة زوفا واغمسوها في الدم الذي في الطست ومسوا العتبة العليا والقائمتين بالدم الذي في الطست" (حز 12: 22)، وكان هذا أساس الفصح. والإشارة في المزمور الحادي والخمسين: "طهرني بالزوفا" (مز 51: 7) تشير بكل وضوح إلي رش دم الحمل لأنه "بدون سفك دم لا تحصل مغفرة" (عب 9: 22). وفي وصف الكتاب لحكمة سليمان، يقول إنه "تكلم عن الأشجار من الأرز الذي في لبنان إلي الز...
قراءة المزيد