بحبك يا بلدى مصر


ماكتبتش في السياسة او عن احوال مصر من فترة طويله . وعارف ان فيه ناس هاتطلع تقوللي أني عايش برا مصر  ومش حاسس بحاجه. وعلشان اوفر عليكم وعلي نفسي وجع القلب انا هجيب من الاخر .

يوجد سلبيات كثيرة يجب الإشارة اليها والعمل علي إصلاحها ، ولكن يجب ان نعترف انه أيضا توجد ايجابيات كثيرة يطول الحديث عنها جدا جدا .

قلبي واجعني علي تران وصنافير لان عقيدة الجيش هي التراب ، ولكن ان رئيس مصر كان رئيس المخابرات الحربية قبل ان يكون وزير دفاع او رئيس جمهوريه يخليني اعتقد بل اجزم انه عنده أسباب ومعلومات واشياء كثيره ليست متوفرة لدي بعض اجهزة الدولة فما بالكم باشخاص مثلي يستحيل ان تصل اليهم كميه المعلومات التي تساعد وتبرر الحكمه في اتحاد قرار تيران وصنافير ، قلبي لسه بيوجعني لكن عندي ثقة ان القرار له خلفيات أمنيه وسياسيه عميقه جدا .

التظاهر والمطالبة بتغيير النظام  حق لكل مواطن ولكن علي هذا المواطن ان يسعي بقوه لشراء خيمه جيده لان الخيام التي تعطي للاجئين لا تحمي من برد ولا حر ولا تستر عوره .علشان كده اشتري خيمه محترمه .

اشتري جزمه متينه ومايوه  لان خيارات اللجوء عندك صعبه جدا علشان موقع مصر الجغرافي فمثلا :-
١- مش هتروح السودان لان اهل السودان لاجئين عندك
٢- مش هتروح ليبيا علشان ليبيا متبهدله ومحدش عارف مين اللي بيحكم ولا الناس بتآكل وتشرب ازاي
٣- لا الأردن يحتمل وجودك لان عدد المصريين هناك اكثر من الأردنيين أصلا ولا فلسطين هترحب بيك بالعكس دول ممكن جدا يقتلوك علشان ياخدو الخيمه

٤- السعوديه لا تستقبل لاجئين ولا الإمارات ولا دول الخليج لو قدرت توصل هناك . العراق محتاج اللي يشيله والكويت مش طايقاك واليمن متقطع بالحروب.

٥- مفيش قدامك غير جنوب أوروبا عن طريق البحر واستعد للموت في البحر وانت بتهرب من الأوضاع المذريه اللي حطيت فيها بلدك.او تفضل ماشي الي العمق الأفريقي ومفيش دوله مستقره علشان تنصب خيمتك الا جنوب أفريقيا ، ده طبعا لو قبلوك وطبعا مع الفرض الجدلي انك لسه عايش .

علشان كده الجزمة لازم تبقي متينه والخيمة من نوع كويس علشان هتمشي كثير وتتبهدل كثير  وتلعن في كل لحظه الساعة السوداء اللي انت ناديت بيها باسقاط النظام او انك سمحت لشوية عيال مش فاهمين هما بيقولوا ايه ومجرد بيقلدوا حاجات مش فاهمين معانيها ، طبعا ناهيك عن التيارات الآخري زي حازمون والإخوان والسلفيين وحماس اللي هتخش تبرطع في بلدك اللي انت بجهلك ضيعتها.

واستني دورك مع المفوضيه العليا للاجئين علشان توزعك علي دولة اجنبيه ويمكن تيجي امريكا وتقعد تتحسر علي مصر واللي حصل فيها.وانت بتدور علي شغل علشان تأكل عيش مع انك في مصر كنت قاعد علي القهوة ومش عاوز تشتغل الا بشهادتك وتكون وظيفه محترمه يا كده يا بلاش.

النصيحه المهمه اللي ممكن اقولها للاخوه المواطنين اللي في سني وأكبر مني ، لو ابنك او بنتك عاوز يتظاهر للتعبير عن رأيه شجعه ولو قال ارحل او الشعب يريد .... اضربه او اضربها علي قفاه او قفاها وأسحبهم للبيت علشان اللي ما يتعلمش من الدرس يبقي غبي وما يستاهلش يعيش ، لما يكتب عن الديمقراطيه ويكتبها " ديموقراطية" يبقي لازم يتنيل يتعلم الاول .

قال جون كينيدي الرئيس الأمريكي المقتول " ان صوت غير واعي في أمور مصيريه هو خنجر في ظهر الديمقراطيه"

ورجاء اخير قبل ان انهي هذا المقال ، من فضلكم حافظوا علي مصر ... انا اتحرق شوقا لترابها ولا أستطيع زيارتها . حافظوا علي مصر علشان مفيش مكان هياخد ١٠٠ مليون لاجيء .

حافظوا علي مصر  علشان مالكمش مكان غيرها


تعليقات

إرسال تعليق

المشاركات الشائعة من هذه المدونة

نبات الزوفا

نسمع عن نبات الزوفا في الكتاب المقدس وفى مزمور 51 نقول"طهرني بالزوفا" ؟ ذكرت الزوفا تسع مرات في العهد القديم (خر 12: 22، لا 14: 4 و6 و49، عد 19: 6 و18، 1 مل 4: 13، مز 51: 7)، ومرتين في العهد الجديد، فنقرأ في إنجيل يوحنا: "وكان إناء موضوعاً مملوًّا خلاً، فملأوا اسفنجة من الخل ووضعوها علي زوفا وقدموها إلي فمه" (يو 19: 29). ويقول الرسول في الرسالة إلي العبرانيين: "لأن موسي بعد ما كلم جميع الشعب بكل وصية بحسب الناموس، أخذ دم العجول والتيوس مع ماء وصوفاً قرمزياً وزوفا ورش الكتاب نفسه وجميع الشعب، قائلاً: هذا هو دم العهد…." (عب 9: 19و20). وكان الرب قد أمر موسي قائلاً: "خذوا باقة زوفا واغمسوها في الدم الذي في الطست ومسوا العتبة العليا والقائمتين بالدم الذي في الطست" (حز 12: 22)، وكان هذا أساس الفصح. والإشارة في المزمور الحادي والخمسين: "طهرني بالزوفا" (مز 51: 7) تشير بكل وضوح إلي رش دم الحمل لأنه "بدون سفك دم لا تحصل مغفرة" (عب 9: 22). وفي وصف الكتاب لحكمة سليمان، يقول إنه "تكلم عن الأشجار من الأرز الذي في لبنان إلي الز...
قراءة المزيد

انا بكره امى 1

صورة
أيوه متستغربوش كنت طفل عمره 12 سنه لما حصل خلاف حاد بين والدي ووالدتي نتيجة أزمة مادية كان بيمر بيها بابا ماما كانت بتصرخ في وش بابا جامد وبتتهمه أنه عاجز يكون راجل ويتحمل مسئولية بيت شوفت دمعة في عين بابا ساعتها رفض ينزلها وساب ماما ومشي من البيت لما شوفت في عيونه نظرة حزن وقلة حيله منح وعجز وهو مش عارف يتصرف ليلتها ماما زعقت فيا وطلبت مني أدخل أوضتي نمت بصعوبة وانا حزين على الحالة اللي وصل لها بابا وماما ولما صحيت كان بابا رجع من بره وسألني عن ماما قولتله معرفش هي راحت فين.. يمكن نزلت تشتري شوية طلبات من بره وجايه.. ماما اتاخرت ومرجعتش ..واكتشفنا بعد كدا انها سابت جواب بخط ايدها بتقول فيه سامحني مش هقدر اكمل معاك.. انا هبعد وهعيش حياتي واحاول اعوض نفسي عن اللي فات من عمري معاك ماما اتخلت عني وبعدت في اكتر وقت انا محتاجها فيه ليه كدا انا بحبك ..حرام عليكي بابا دور عليها في كل مكان لكنها اختفت وملهاش اثر تعب نفسيا جدا.. كنت بشوفه بينهار كل يوم وهو بيحاول يبان متماسك قدامي رفض يتجوز وقرر يعيش عشاني انا وبس كنت الابن الوحيد.. رعاني كويس وكملت تعليمي واتخرجت.. ...
قراءة المزيد

فورة

قليل اللي يسمع باسم فورة فورة هو غلام جدعون كل ما ذكر عنه هو ايتين فقط في سفر القضاة 7 وَكَانَ فِي تِلْكَ اللَّيْلَةِ أَنَّ الرَّبَّ قَالَ لَهُ: «قُمِ انْزِلْ إِلَى الْمَحَلَّةِ, لأَنِّي قَدْ دَفَعْتُهَا إِلَى يَدِكَ. 10وَإِنْ كُنْتَ خَائِفاً مِنَ النُّزُولِ, فَانْزِلْ أَنْتَ وَفُورَةُ غُلاَمُكَ إِلَى الْمَحَلَّةِ, 11وَتَسْمَعُ مَا يَتَكَلَّمُونَ بِهِ, وَبَعْدُ تَتَشَدَّدُ يَدَاكَ وَتَنْزِلُ إِلَى الْمَحَلَّةِ». فَنَزَلَ هُوَ وَفُورَةُ غُلاَمُهُ إِلَى آخِرِ الْمُتَجَهِّزِينَ الَّذِينَ فِي الْمَحَلَّةِ. فورة برغم انه شخصية مجهولة ومختفية لكن هنتعلم منها كتير 1- فورة المعين فورة كان غلام جدعون وكان ملازم له وبرغم ان جدعون زي ما قال على نفسه انه وحيد وبلا قوة في عشيرته لكن فورة كان ملازم ليه لمساعدته 2- فورة المشجع اية 10 من سفر القضاة 7 تظهر فورة المشجع 10وَإِنْ كُنْتَ خَائِفاً مِنَ النُّزُولِ, فَانْزِلْ أَنْتَ وَفُورَةُ غُلاَمُكَ إِلَى الْمَحَلَّةِ, تخيلوا جدعون اللي ظهرله ملاك الرب وقال له انك هتخلص بني اسرائيل واعطاه اكتر من علامة يقول له لو كنت خايف خد فورة معاك يشجعك ...
قراءة المزيد