الحياه مشاركة بتيجى نتفق

علشان نعرف اذاي نربي ولادنا ونعلمهم صح ونتعلم احنا كمان
قررنا زوجتي وانا نربي بنتنا في العالم ده بطريقه نحافظ بيها علي كل حاجه
فقررت اكتب بوست اسمه (علمت واتعلمت)
✔️علموا ولادكم ان اي تعليم خارج الكتاب المقدس هو مش صح واوعي تقول كلمه (عادي وايه يعني ما كله كده).
مش عادي تلبسي قصير او اي شئ يبين جسدك. لان جسدك وزنه.. جسدك هيكل ربنا خلي لبسك يبين انك بنته. اوعي تقولي عادي اعمل ايه.. اصل احنا في فرح. اصل ده عيد. تعاليم ربنا مافيهاش حجج. وعلمناها من صغرها انها تنقي لبسها بعين المسيح
✔️ علموا ولادكم ان يكون في حدود في حياتهم. مش أي حد يقرب منهم.. مش اي حد يخش حياتهم.. مش أي حد يقتحم حياتهم بحجه الصداقه حتي لو بنت لبنت مش بس ولد وبنت. قلنالها الحدود تحميكي من غدر الايام. لان في يوم وليله الصديق مايبقاش صديق و الحبيب ممكن مايبقاش حبيب فالحدود هاتحميكي وتحمي مشاعرك ولو اتجرحتي فالحدود هاتبقي شفا لاي الم ممكن تمري بيه
✔️ علموا ولادكم ان الكنيسه مكان صلاه وعباده وانهم من حقهم يختاروا اب اعترافهم حسب راحتهم النفسيه من جواهم. وان الكنيسه هي مصدرهم في علاقتهم بربنا
✔️علموا ولادكم ان  نجاحهم في علاقتهم بربنا هايخليهم ناجحين في حياتهم وحتي لو حصل فشل في حياتهم علاقتهم بربنا هاتسندهم
✔️علموا ولادكم انهم يبقوا ليهم شخصيه مايقبلوش اهانه ونقولهم محبه. ولا نعلمهم انهم يكرهووا اللي جرحهم ونقولهم ده حقك.. لا علموهم يرفضوا اي جرح من اي حد وبفضلوا يصلولهم. علموهم ان علاقتهم باصدقائهم تكون أساسها المسيح.. خروجهم أساسه المسيح. هزارهم وكلامهم أساسه المسيح. غبر كده يبقي مافيش صداقه ولا محبه لان المحبه لا تفرح بالاثم.. ولو الصداقه مش هاتمشيكي في طريق السما يبقي دي مش، صداقه
✔️علموا ولادكم ان العالم ممكن يشوف ده كبت لكن في الحقيقه هي دي الحريه
✔️علموا ولادكم انهم يصلوا وزي ماتتعبوا معاهم في مذاكرتهم لازم تقعدوا تقروا معاهم الإنجيل علشان يكبر علي الحياه دي
✔️علموا ولادكم مش مهم اي حاجه المهم هما.. مش مهم الفلوس المهم هما.. حضني واحتوائي اهم.. علموا ولادكم اه لازم تنجحوا بس مش علي حساب صحتكم. علموا ولادكم ان قرارتهم اللي تريح نفسيا وروحيا اهم بكتير من الناس هاتقول علينا ايه
🚫🚫ولما بقيت كاهن قولتلها اوعي تعملي الصح علشان انتي بس بنت ابونا اعملي الصح لانك بنت ربنا وبس
🙏انا بقي اتعلمت ايه في ال ١٢ سنه دول
👨‍👩‍👦عرفت المسيح اكتر واحنا بنربي بنتنا عشت الايه اللي بتقول (اذا كنتم وانتم اباء اشرار تعرفون ان تعطوا ابنائكم عطايا جيده فكم وكم ابوكم اللي في السما) عرفت حب ربنا من حبي لبنتي.. اذا كنت انا واب وحش وخاطي. بخاف عليها مش بحب اشوف دمعه منها مش بحبها تبقى عيانه مش بحب حد يزعلها. بفضل أجمل فيها قصاد الناس حتي لو بتغلط. مش، بحب أكسفها قصاد حد. امال بقي ربنا بيعمل معايا ايه
❤️خدوا بالكم من أولادكم علموهم واتعلموا من تربيتهم. خلي المسيح الأول والاخر جوه بيتكم

تعليقات

إرسال تعليق

المشاركات الشائعة من هذه المدونة

نبات الزوفا

نسمع عن نبات الزوفا في الكتاب المقدس وفى مزمور 51 نقول"طهرني بالزوفا" ؟ ذكرت الزوفا تسع مرات في العهد القديم (خر 12: 22، لا 14: 4 و6 و49، عد 19: 6 و18، 1 مل 4: 13، مز 51: 7)، ومرتين في العهد الجديد، فنقرأ في إنجيل يوحنا: "وكان إناء موضوعاً مملوًّا خلاً، فملأوا اسفنجة من الخل ووضعوها علي زوفا وقدموها إلي فمه" (يو 19: 29). ويقول الرسول في الرسالة إلي العبرانيين: "لأن موسي بعد ما كلم جميع الشعب بكل وصية بحسب الناموس، أخذ دم العجول والتيوس مع ماء وصوفاً قرمزياً وزوفا ورش الكتاب نفسه وجميع الشعب، قائلاً: هذا هو دم العهد…." (عب 9: 19و20). وكان الرب قد أمر موسي قائلاً: "خذوا باقة زوفا واغمسوها في الدم الذي في الطست ومسوا العتبة العليا والقائمتين بالدم الذي في الطست" (حز 12: 22)، وكان هذا أساس الفصح. والإشارة في المزمور الحادي والخمسين: "طهرني بالزوفا" (مز 51: 7) تشير بكل وضوح إلي رش دم الحمل لأنه "بدون سفك دم لا تحصل مغفرة" (عب 9: 22). وفي وصف الكتاب لحكمة سليمان، يقول إنه "تكلم عن الأشجار من الأرز الذي في لبنان إلي الز...
قراءة المزيد

انا بكره امى 1

صورة
أيوه متستغربوش كنت طفل عمره 12 سنه لما حصل خلاف حاد بين والدي ووالدتي نتيجة أزمة مادية كان بيمر بيها بابا ماما كانت بتصرخ في وش بابا جامد وبتتهمه أنه عاجز يكون راجل ويتحمل مسئولية بيت شوفت دمعة في عين بابا ساعتها رفض ينزلها وساب ماما ومشي من البيت لما شوفت في عيونه نظرة حزن وقلة حيله منح وعجز وهو مش عارف يتصرف ليلتها ماما زعقت فيا وطلبت مني أدخل أوضتي نمت بصعوبة وانا حزين على الحالة اللي وصل لها بابا وماما ولما صحيت كان بابا رجع من بره وسألني عن ماما قولتله معرفش هي راحت فين.. يمكن نزلت تشتري شوية طلبات من بره وجايه.. ماما اتاخرت ومرجعتش ..واكتشفنا بعد كدا انها سابت جواب بخط ايدها بتقول فيه سامحني مش هقدر اكمل معاك.. انا هبعد وهعيش حياتي واحاول اعوض نفسي عن اللي فات من عمري معاك ماما اتخلت عني وبعدت في اكتر وقت انا محتاجها فيه ليه كدا انا بحبك ..حرام عليكي بابا دور عليها في كل مكان لكنها اختفت وملهاش اثر تعب نفسيا جدا.. كنت بشوفه بينهار كل يوم وهو بيحاول يبان متماسك قدامي رفض يتجوز وقرر يعيش عشاني انا وبس كنت الابن الوحيد.. رعاني كويس وكملت تعليمي واتخرجت.. ...
قراءة المزيد

مكرم اسكندر

ولد مكرم اسكندر نيقولا في  19 يوليو 1942 م. بمدينة المنصورة. ولكن والده أصلاً من دمياط. من أسرة عريقة ومتدينة. فهو من عائلة القديس سيدهم بشاي. تنيح والده المهندس إسكندر نقولا وتركه في سن الرابعة من عمره، فتولى عمه الأستاذ ألفونس نقولا تربيته ورعايته بدمياط. تلقى دراسته الأولى في بورسعيد، ثم جاء إلى الإسكندرية حيث حصل على بكالوريوس الهندسة (قسم كهرباء) بتقدير امتياز عام 1963 م. من جامعة الإسكندرية وكان عمره في ذلك الوقت أقل من 21 سنة. عُيِّنَ معيدًا بكلية الهندسة بالإسكندرية. وتقدم في الدراسة للحصول على درجة الماجستير في الهندسة الميكانيكية. فحصل على درجة الماجستير في يوم 28 مايو 1968 م. اما عن الناحية الروحية تأثر نيافته بالقمص بيشوي كامل، والقمص تادرس يعقوب ملطى. أيضا تأثر نيافته بقداسة البابا شنوده الثالث -كما يقول نيافته- "خصوصًا أثناء القداس الإلهي الذي كان يصليه بروحانية عجيبة.. ورأيت فيه صورة الراهب الحقيقي".  كان لكلمات قداسة البابا شنوده عن حياة التكريس في مؤتمرات الخدام بكنيسة مارمينا بالمندرة – الإسكندرية تأثيرها العميق، والشعور بالدعوة الخاصة لحياة التكري...
قراءة المزيد