إزاي تزود عُمرك
إزاي تزود عُمرك؟
****************
بتحس أن الوقت بيجري بسرعة؟
فيه حاجات عملتها من أكتر من سنة وحاسس أنك لسه عاملها قريب ومش مصدق أن الزمن جري بسرعة كده؟
يومك بيخلص بسرعة وبتحس أنه يوم متكرر زي كل يوم؟😞
===============================
كتير مننا بيحس أن الوقت بيمر بسرعة جداً وبيفتكر المواقف اللي حصلت من سنة أو أكتر كأنها حصلت من أسبوع واحد أو شهر بس فبالتالي بيحس أن مفيش بركة في الوقت وأنه بيبقى عايز يعمل حجات كتير بس مش لاقي ليها أي وقت.
لما قرأت في الموضوع ده توصلت لتجربة غريبة قام بيها عالم فرنسي سنة 1962 اسمه مايكل سيفر.
التجربة ببساطة هي انه قرر يعيش في كهف معزول لمدة شهرين 😳 علشان يقيس الإحساس بالزمن ، كان بيقضي يومه انه يصحى ويكلم المساعدين بتوعه وبعدين ياكل وينام 😴 وهكذا من غير ما يكون معاه أي حاجة يقيس بيها الزمن زي ساعة أو منبه.
التجربة انتهت يوم 14 سيبتمبر بس حسب تقديره للزمن افتكر لما المساعدين وصلوا للكهف أنه يوم 20 أغسطس يعنى فقد الإحساس بحوالي 3 أسابيع من الزمن.
لما حلل التجربة بعد كده اكتشف ان أكتر حاجة بتضيع الزمن والإحساس بيه هو الروتين، يعني علشان يومه كان روتيني بشكل كبير مبقاش يحس بالوقت لدرجة أنه فقد إحساس ب 3 أسابيع من التجربة اللي استمرت شهرين فالأحداث اللي حصلت في شهرين كان عنده إحساس أنها حصلت في 5 أسابيع بس 🤨.
ده خلاني افتكر لما اسافر مثلا او اعمل حاجة مختلفة عن الروتين العادي الإحساس بوقت السفر ده بيبقى كبير ، يعني ممكن أسبوع سفر احس بعد كده لما افتكره انه شهر علشان بيحصل فيه تجارب جديدة وخبرات مختلفة.
برضه إحساسي أن أطول مدة زمنية مرت عليا كانت من اولي ابتدائي لحد 5 ابتدائي لان في الفترة دي كان أي حاجة بتعلمها او اعرفها بتبقى حاجة جديدة لكن بعد كده الأيام بقت تمر وتجري بسرعة.
معظمنا بيتفاجىء مثلاً لما نبقى في شهر رمضان وبنحس أن رمضان اللي فات كأنه من شهر او مدة قصيرة.
ده خلاني اتأكد أنه علشان نحس ببركة في الزمن وأن عُمرنا يبقى أطول هي أننا على قد ما نقدر نخرج عن الروتين والأعمال المتكررة، ده هيحصل لما كل فترة نتعلم حاجة جديدة، ممكن نتعلم لغة الجديدة أو رياضة جديدة أو أي حاجة إحنا نفسنا نتعلمها، وقتها بس هنحس بالوقت بشكل مضبوط وأن عُمرنا بقى أطول.
****************
بتحس أن الوقت بيجري بسرعة؟
فيه حاجات عملتها من أكتر من سنة وحاسس أنك لسه عاملها قريب ومش مصدق أن الزمن جري بسرعة كده؟
يومك بيخلص بسرعة وبتحس أنه يوم متكرر زي كل يوم؟😞
===============================
كتير مننا بيحس أن الوقت بيمر بسرعة جداً وبيفتكر المواقف اللي حصلت من سنة أو أكتر كأنها حصلت من أسبوع واحد أو شهر بس فبالتالي بيحس أن مفيش بركة في الوقت وأنه بيبقى عايز يعمل حجات كتير بس مش لاقي ليها أي وقت.
لما قرأت في الموضوع ده توصلت لتجربة غريبة قام بيها عالم فرنسي سنة 1962 اسمه مايكل سيفر.
التجربة ببساطة هي انه قرر يعيش في كهف معزول لمدة شهرين 😳 علشان يقيس الإحساس بالزمن ، كان بيقضي يومه انه يصحى ويكلم المساعدين بتوعه وبعدين ياكل وينام 😴 وهكذا من غير ما يكون معاه أي حاجة يقيس بيها الزمن زي ساعة أو منبه.
التجربة انتهت يوم 14 سيبتمبر بس حسب تقديره للزمن افتكر لما المساعدين وصلوا للكهف أنه يوم 20 أغسطس يعنى فقد الإحساس بحوالي 3 أسابيع من الزمن.
لما حلل التجربة بعد كده اكتشف ان أكتر حاجة بتضيع الزمن والإحساس بيه هو الروتين، يعني علشان يومه كان روتيني بشكل كبير مبقاش يحس بالوقت لدرجة أنه فقد إحساس ب 3 أسابيع من التجربة اللي استمرت شهرين فالأحداث اللي حصلت في شهرين كان عنده إحساس أنها حصلت في 5 أسابيع بس 🤨.
ده خلاني افتكر لما اسافر مثلا او اعمل حاجة مختلفة عن الروتين العادي الإحساس بوقت السفر ده بيبقى كبير ، يعني ممكن أسبوع سفر احس بعد كده لما افتكره انه شهر علشان بيحصل فيه تجارب جديدة وخبرات مختلفة.
برضه إحساسي أن أطول مدة زمنية مرت عليا كانت من اولي ابتدائي لحد 5 ابتدائي لان في الفترة دي كان أي حاجة بتعلمها او اعرفها بتبقى حاجة جديدة لكن بعد كده الأيام بقت تمر وتجري بسرعة.
معظمنا بيتفاجىء مثلاً لما نبقى في شهر رمضان وبنحس أن رمضان اللي فات كأنه من شهر او مدة قصيرة.
ده خلاني اتأكد أنه علشان نحس ببركة في الزمن وأن عُمرنا يبقى أطول هي أننا على قد ما نقدر نخرج عن الروتين والأعمال المتكررة، ده هيحصل لما كل فترة نتعلم حاجة جديدة، ممكن نتعلم لغة الجديدة أو رياضة جديدة أو أي حاجة إحنا نفسنا نتعلمها، وقتها بس هنحس بالوقت بشكل مضبوط وأن عُمرنا بقى أطول.
تعليقات
إرسال تعليق