طوبى لمن يتعطف على المسكين

من كام سنة، كان فيه مركب هجرة غير شرعية غرقت ومات فيها شباب كتير، استضافوا وقتها والد أحد الشباب اللي ماتوا، طبعاً فقد الابن مصيبة كبيرة، المذيع سأل الأب، عمرك هتفكر تعملها تاني وتبعت حد من ولادك في مركب زي كده، المذيع كان مستني إجابة بديهية من أب فقد ابنه وأكيد ندمان .. الأب جاوب وقال أيوة، أمال ناكل منين !!
الإنسان مهما كان حجم الخطر اللي بيواجهه، ففي احتياجات أساسية مش هيقدر يستغنى عنها، الأكل والشرب أبسطها ..
فمتكلمش واحد عايش يومه بالعافية، عن فيروس احتمال يموته ..
دي الكارثة، إن في طبقة استحالة تحذيراتك توصلهم، استحالة خوفك يتنقلهم، استحالة هيشاركوك اهتماماتك لأن الخوف على الحياة بالنسبة له رفاهية
تخيل عامل شغال باليومية، يوم ما يقعد عياله هيجوعوا .. هو أصلاً يمكن معندوش في الحتة اللي عايش فيها ميه نضيفة وصابون، فكلور إيه وكحول إيه اللي ممكن تكلمه عنه
هو الكابوس بالنسبة له إن الحياة تقف، ويوميته تتقطع لأي سبب .. إنما خافوا أنتم من الفيروسات براحتكم
الحقيقة إن الفقر مر، زي الجهل ماهو مر .. الفقر قاتل، الفقر هيكون له رأي قوي في سير الأحداث الفترة اللي جاية ....
طوبى لمن يتعطف على المسكين فى يوم الرب ينجيه 🙏

تعليقات

إرسال تعليق

المشاركات الشائعة من هذه المدونة

نبات الزوفا

نسمع عن نبات الزوفا في الكتاب المقدس وفى مزمور 51 نقول"طهرني بالزوفا" ؟ ذكرت الزوفا تسع مرات في العهد القديم (خر 12: 22، لا 14: 4 و6 و49، عد 19: 6 و18، 1 مل 4: 13، مز 51: 7)، ومرتين في العهد الجديد، فنقرأ في إنجيل يوحنا: "وكان إناء موضوعاً مملوًّا خلاً، فملأوا اسفنجة من الخل ووضعوها علي زوفا وقدموها إلي فمه" (يو 19: 29). ويقول الرسول في الرسالة إلي العبرانيين: "لأن موسي بعد ما كلم جميع الشعب بكل وصية بحسب الناموس، أخذ دم العجول والتيوس مع ماء وصوفاً قرمزياً وزوفا ورش الكتاب نفسه وجميع الشعب، قائلاً: هذا هو دم العهد…." (عب 9: 19و20). وكان الرب قد أمر موسي قائلاً: "خذوا باقة زوفا واغمسوها في الدم الذي في الطست ومسوا العتبة العليا والقائمتين بالدم الذي في الطست" (حز 12: 22)، وكان هذا أساس الفصح. والإشارة في المزمور الحادي والخمسين: "طهرني بالزوفا" (مز 51: 7) تشير بكل وضوح إلي رش دم الحمل لأنه "بدون سفك دم لا تحصل مغفرة" (عب 9: 22). وفي وصف الكتاب لحكمة سليمان، يقول إنه "تكلم عن الأشجار من الأرز الذي في لبنان إلي الز...
قراءة المزيد

انا بكره امى 1

صورة
أيوه متستغربوش كنت طفل عمره 12 سنه لما حصل خلاف حاد بين والدي ووالدتي نتيجة أزمة مادية كان بيمر بيها بابا ماما كانت بتصرخ في وش بابا جامد وبتتهمه أنه عاجز يكون راجل ويتحمل مسئولية بيت شوفت دمعة في عين بابا ساعتها رفض ينزلها وساب ماما ومشي من البيت لما شوفت في عيونه نظرة حزن وقلة حيله منح وعجز وهو مش عارف يتصرف ليلتها ماما زعقت فيا وطلبت مني أدخل أوضتي نمت بصعوبة وانا حزين على الحالة اللي وصل لها بابا وماما ولما صحيت كان بابا رجع من بره وسألني عن ماما قولتله معرفش هي راحت فين.. يمكن نزلت تشتري شوية طلبات من بره وجايه.. ماما اتاخرت ومرجعتش ..واكتشفنا بعد كدا انها سابت جواب بخط ايدها بتقول فيه سامحني مش هقدر اكمل معاك.. انا هبعد وهعيش حياتي واحاول اعوض نفسي عن اللي فات من عمري معاك ماما اتخلت عني وبعدت في اكتر وقت انا محتاجها فيه ليه كدا انا بحبك ..حرام عليكي بابا دور عليها في كل مكان لكنها اختفت وملهاش اثر تعب نفسيا جدا.. كنت بشوفه بينهار كل يوم وهو بيحاول يبان متماسك قدامي رفض يتجوز وقرر يعيش عشاني انا وبس كنت الابن الوحيد.. رعاني كويس وكملت تعليمي واتخرجت.. ...
قراءة المزيد

فورة

قليل اللي يسمع باسم فورة فورة هو غلام جدعون كل ما ذكر عنه هو ايتين فقط في سفر القضاة 7 وَكَانَ فِي تِلْكَ اللَّيْلَةِ أَنَّ الرَّبَّ قَالَ لَهُ: «قُمِ انْزِلْ إِلَى الْمَحَلَّةِ, لأَنِّي قَدْ دَفَعْتُهَا إِلَى يَدِكَ. 10وَإِنْ كُنْتَ خَائِفاً مِنَ النُّزُولِ, فَانْزِلْ أَنْتَ وَفُورَةُ غُلاَمُكَ إِلَى الْمَحَلَّةِ, 11وَتَسْمَعُ مَا يَتَكَلَّمُونَ بِهِ, وَبَعْدُ تَتَشَدَّدُ يَدَاكَ وَتَنْزِلُ إِلَى الْمَحَلَّةِ». فَنَزَلَ هُوَ وَفُورَةُ غُلاَمُهُ إِلَى آخِرِ الْمُتَجَهِّزِينَ الَّذِينَ فِي الْمَحَلَّةِ. فورة برغم انه شخصية مجهولة ومختفية لكن هنتعلم منها كتير 1- فورة المعين فورة كان غلام جدعون وكان ملازم له وبرغم ان جدعون زي ما قال على نفسه انه وحيد وبلا قوة في عشيرته لكن فورة كان ملازم ليه لمساعدته 2- فورة المشجع اية 10 من سفر القضاة 7 تظهر فورة المشجع 10وَإِنْ كُنْتَ خَائِفاً مِنَ النُّزُولِ, فَانْزِلْ أَنْتَ وَفُورَةُ غُلاَمُكَ إِلَى الْمَحَلَّةِ, تخيلوا جدعون اللي ظهرله ملاك الرب وقال له انك هتخلص بني اسرائيل واعطاه اكتر من علامة يقول له لو كنت خايف خد فورة معاك يشجعك ...
قراءة المزيد