كان حدانا فى البلد

صباح الورد

💐 كان حدانا في البلد ...

💐 كانت الناس بتنام بعد العشا , إيديهم خشنة و مشققة ، بيناموا مهدودين و مبتسمين ، لا سمعوا عن أمراض نفسية ولا يعرفوا  المهدئات ، ولا لعنوا الظروف  ، ولا الدكتور قال لهم محتاجين تطلعوا شرم أسبوع

💐حدانا في البلد .... .
كانت الضحكه بتطلع من القلب و معها  كلام حلو , صباحك نادي , خلّي عنك , العوافي , من يد ما نعدمهاش .

💐حدانا في البلد ...
كنت لو ماشي وشايل حاجة بتتاكل جايبها من الأرض لازم تعزم ع الناس اللي بتقابلك , خد لك شوية بصل أخضر لسه بطينهم أهم , خدي لك كرنبة يا خالة .

💐 كان أي راجل بشنب ملو هدومه ، يقول لأي ست أكبر منه يا خالة حتى لو ماتقربلهوش  ، لو كان عندها ألف فدان يقول لها يا خالة ، ولو بتبيع جرجير قدام الجامع يقول لها يا خالة .

💐حدانا في البلد ...
كان العم بيتقال له أبوك فلان , روح هات كذا من بيت أبوك فلان , اللي هو عمك , و الجد بيتقال له سيدي فلان و أي راجل عجوز بيتقال له يا سيدي

💐حدانا في البلد ...
كان الإبن حتى لو كان أستاذ في الجامعة يبوس إيد أبوه و أمه و عمه الكبير و خالته الكبيره , يوطي و يبوس ضهر إيدهم مش يبوس خدهم .

💐حدانا في البلد ...
كان لو حد تعب البلد تتقلب , ولو حد مات كله يعزي و يجهز أكل للضيوف اللي جايين يعزوا من برة البلد ( كل بيت يجهز أكل ) , و في الفرح كله يحضر من غير كارت دعوى  , من غير قاعة , البلد بتبقى هي القاعة ...

💐حدانا في البلد ...
في طرمبة ميا  عمرها أكبر من عمر دول و شجرة عمرها أكبر من عمر أمريكا .

💐حدانا في البلد ...
وشوش بتعرف تبتسم و عواجيز في ملامحهم خريطة بلد , و عيال صغيرة بتاخد الحكمة والفلسفة من القعدة مع الأجداد ( لما بيقعد مع سيده ، و ستُه )

كان وكان وكان .... الله يلعن  عوجة اللسان ، على بليز  ، ع  الماسكات و الوشوش المزيفة 🌺

تعليقات

إرسال تعليق

المشاركات الشائعة من هذه المدونة

انا بكره امى 1

صورة
أيوه متستغربوش كنت طفل عمره 12 سنه لما حصل خلاف حاد بين والدي ووالدتي نتيجة أزمة مادية كان بيمر بيها بابا ماما كانت بتصرخ في وش بابا جامد وبتتهمه أنه عاجز يكون راجل ويتحمل مسئولية بيت شوفت دمعة في عين بابا ساعتها رفض ينزلها وساب ماما ومشي من البيت لما شوفت في عيونه نظرة حزن وقلة حيله منح وعجز وهو مش عارف يتصرف ليلتها ماما زعقت فيا وطلبت مني أدخل أوضتي نمت بصعوبة وانا حزين على الحالة اللي وصل لها بابا وماما ولما صحيت كان بابا رجع من بره وسألني عن ماما قولتله معرفش هي راحت فين.. يمكن نزلت تشتري شوية طلبات من بره وجايه.. ماما اتاخرت ومرجعتش ..واكتشفنا بعد كدا انها سابت جواب بخط ايدها بتقول فيه سامحني مش هقدر اكمل معاك.. انا هبعد وهعيش حياتي واحاول اعوض نفسي عن اللي فات من عمري معاك ماما اتخلت عني وبعدت في اكتر وقت انا محتاجها فيه ليه كدا انا بحبك ..حرام عليكي بابا دور عليها في كل مكان لكنها اختفت وملهاش اثر تعب نفسيا جدا.. كنت بشوفه بينهار كل يوم وهو بيحاول يبان متماسك قدامي رفض يتجوز وقرر يعيش عشاني انا وبس كنت الابن الوحيد.. رعاني كويس وكملت تعليمي واتخرجت.. ...
قراءة المزيد

جندى ارجنتينى

اتصل جندي أرجنتيني بوالدته من مقر كتيبته وكان عائداً للتو من جزر فوكلاند بعد انتهاء الحرب ، وطلب منها أن تسمح له بأن يحضر معه إلى المنزل أحد رفاقه الذي تعرض لبتر بعض أعضائه نظراً لأن عائلته تسكن في مكان بعيد وهو بنفس عمره 19 عام إلا أنه قد خسر إحدى ساقيه وأحد ذراعيه وفقد بصره أيضاً وعلى الرغم من سعادة الأم بعد عودة ابنها حياً من الحرب إلا أنها أجابته بفزع قائلة بأنها لن تتحمل رؤية ذلك الشاب ورفضت أن تستقبله في بيتها. صمت ابنها ثم قطع الإتصال واطلق رصاصة على نفسه فقد كان هو ذلك الجندي الأبتر لكنه لم يرد أن تتحمل والدته عنايته طيلة حياته مجاملة له. غابرييل غارسيا ماركيز . قصة قصيرة الجندي الأبتر.
قراءة المزيد

نبات الزوفا

نسمع عن نبات الزوفا في الكتاب المقدس وفى مزمور 51 نقول"طهرني بالزوفا" ؟ ذكرت الزوفا تسع مرات في العهد القديم (خر 12: 22، لا 14: 4 و6 و49، عد 19: 6 و18، 1 مل 4: 13، مز 51: 7)، ومرتين في العهد الجديد، فنقرأ في إنجيل يوحنا: "وكان إناء موضوعاً مملوًّا خلاً، فملأوا اسفنجة من الخل ووضعوها علي زوفا وقدموها إلي فمه" (يو 19: 29). ويقول الرسول في الرسالة إلي العبرانيين: "لأن موسي بعد ما كلم جميع الشعب بكل وصية بحسب الناموس، أخذ دم العجول والتيوس مع ماء وصوفاً قرمزياً وزوفا ورش الكتاب نفسه وجميع الشعب، قائلاً: هذا هو دم العهد…." (عب 9: 19و20). وكان الرب قد أمر موسي قائلاً: "خذوا باقة زوفا واغمسوها في الدم الذي في الطست ومسوا العتبة العليا والقائمتين بالدم الذي في الطست" (حز 12: 22)، وكان هذا أساس الفصح. والإشارة في المزمور الحادي والخمسين: "طهرني بالزوفا" (مز 51: 7) تشير بكل وضوح إلي رش دم الحمل لأنه "بدون سفك دم لا تحصل مغفرة" (عب 9: 22). وفي وصف الكتاب لحكمة سليمان، يقول إنه "تكلم عن الأشجار من الأرز الذي في لبنان إلي الز...
قراءة المزيد