دجال هذا العصر

‏لكل زمان دجاله ودجال هذا الزمان بلا منازع قولاً واحدا هو السوشيال ميديا 👌 اولا : بعض البيوت بقت متفككة وما اكثرها مشاكل السؤال هنا هو انا ليه مثلا اقول لمراتى اني بحبها اصلا على السوشيال ميديا ؟ وليه هى تقول لى قدام الدنيا انى احسن اختيارتها ؟ ببساطة لاننا بنقول للناس مش لنفسنا لاننا لو صادقين فعلا مش هنحتاج نعمل ده 🤔 ‏ ثانيا : كارثة التكسب من السوشيال ميديا اللي خلت بنات كتير تتعري وترقص وامهات تسقف واباء يدوروا وشهم الناحية التانيه ويتخاذلوا فى تربية ابنائهم 🤔 واللى خلت ازواج يعملوا دويتوهات توصف ادق تفاصيل حياتهم الخصوصية علشان الفلوس والشهرة على السوشيال ميديا 🤔 الناس تخلت عن مبادئها وعلى حساب تدينها هل كان تداين ظاهرى !!!! اكيد 👌 ما كان دفع البعض لذلك 🤔 ‏ولا الناس اللى بتتطلع تتنطط وتستعرض نفسها بفلوسها على السوشيال ميديا ويكونوا سبب عثرة لغيرهم 🤔 ثالثا : وهى الاهم الناس اللى شافوا ناس من قاع المجتمع بقوا بلوجرز وانفلوينسرز ويوتيوبرز صور الڤيلل واللاند روفر وحفلات المشاهير والاعلانات 🤔 ‏العين تشوف .. والقلب يشتهى .. والموضوع يبان سهل .. والسبب "مد العين" .. السوشيال ميديا هي الراعى الرسمى لمد العين الناسف للرضا والجالب للسخط والتذمر على كل النعم وعلى حساب حالة استقرار البيوت 🤔 احذروا استخدام السوشيال ميديا فى الامور المرعبة والمريبة انه دجال العصر واتباعه بالملايين يسرق الوقت ويفضح امور الكثيرين 👌 وكورونا ساهمت فى كده وساهمت فى عزل الناس ووحدتهم فى مكان واحد اسمه السوشيال ميديا 👌 هل لنا ان نستيقظ قبل فوات الاوان وان نعتبره وسيلة وليس هدف ،،، 👌👍 لكن فى نفس الوقت من يُحسن استخدامه ويحدد احتياجاته يكون حكيم فى اخذ ما يحتاجه لاموره البناءة ويعتبر شئ ايجابى حينما تستخدمه مثلا يمكن استخدامه فى بعض احتياجاتك الدراسية والاستفادة منه والحصول على شهادات علمية وكوروسات معتمدة من اماكن معروفة او تتواصل مع احبائك للاطمئنان عليهم وبشكل لا يمنع السؤال عنهم تليفونياً او مشاهدتهم اذ امكن ولا يكون بديل لذلك وغيره من الاستفادات ،،، احذروا السوشيال ميديا دجال العصر