لكل فعل رد فعل


كل فكره وكل كلمه وكل فعل بيتجسد بسببك ..
مهو انت متشتكيش من شغلك وتروح وانت مش طايقه وترجع تقولي انا مش بترقي ليه ولا فلوسي بتزيد والناس اللي هناك مش طايقاني ...
.
متقعدش تقولي اعمل اي حظي وحش والدنيا مقفله ف وشي وربنا هو اللي عايز كده وانت معتقد ان فيه مؤامره كونيه ضدك...
.
متجيش تشتكي من عربيتك اللي بتعطل وموبايلك اللي بيفصل وانت بتعاملهم معامله زباله وبتتكلم عنهم انك عايز تغيرهم وتجيب غيرهم وهما حواليك اه والله بيسمعوا وبيحسوا الجماد حي..
.
متقعديش جنب بنتك تقولي انتي محسوده ومش هتجوزي ومعمولك عمل وترجعي تقولي بنتي مش بتجوز ليه .. مش انتي اللي طلبتي كده بكلامك وحطيتي  فكره ف دماغك وف دماغها ..
.

متقعدش تقولي انا شكلي تعبان وهتعب وتهزر بكلمتين " انا صاحب مرض ياعم " ولا تعمل نفسك متعجز وتقلد الناس العجزه او المشلوله واما يجيلك المرض تقولي ده ابتلاء.. لا ياجميل انت اللي طلبت ومثلت وجسدت وعقلك صدق الكلام ..
.
متشغليش اغاني كئيبه وحزينه وترجع تقول هو الاكتئاب مش سايبنا ليه وعايش ف خنقه ع طول ..؟
.
متدعليش الفقر والغلب اما حد يسالك عامل ايه وترد بكل غباء ع قد حالي والدنيا تعبانه وانت دنيا معاك كويسه اصلا " بتداري يعني " بلعكس انت كده هتزود وهتتقلب ضدك وهتتفقر فعلا مع انك مرتاح...
.
متصاحبليش ناس عمال ع بطال تفكيرهم سلبي وعايشين دور الغلابه وتدخلهم بيتك وتفضل طاقتك متاثره بيهم وتقولي الحال واقف ..
.
متكلمنيش ع الديون والفوانير الكتير وليل نهار قاعد تحسب فيهم وتقول هما بيزيدو ليه .بدل ما تفكر ف المكسب انت قاعد تفكر ف الخساره .. امال هو الفقير بيزيد فقر ليه والغني بيتغني ليه لان كل واحد بيطلب اللي هو بيفكر فيه واحد بيفكر ف ديون عمره ما فكر ف مكسب والتاني بيفكر ف مكسب لكن عمره ما فكر ف ديون ..

الحل ف عقلك تفكيرك اسلوبك مفيش شغل عفاريت ولا شياطين ولا خطط مكتوبالك عشان تبقي فقير او كئيب و خسران .
لكن فيه قانون بيحكم الكل عرفته والتزمت بيه هتعدي ... هتفضل عايش ف وهم هتقع ..
تانى " كل ما تطلبه تجده" ايا كان اي هو .......

تعليقات

إرسال تعليق

المشاركات الشائعة من هذه المدونة

انا بكره امى 1

صورة
أيوه متستغربوش كنت طفل عمره 12 سنه لما حصل خلاف حاد بين والدي ووالدتي نتيجة أزمة مادية كان بيمر بيها بابا ماما كانت بتصرخ في وش بابا جامد وبتتهمه أنه عاجز يكون راجل ويتحمل مسئولية بيت شوفت دمعة في عين بابا ساعتها رفض ينزلها وساب ماما ومشي من البيت لما شوفت في عيونه نظرة حزن وقلة حيله منح وعجز وهو مش عارف يتصرف ليلتها ماما زعقت فيا وطلبت مني أدخل أوضتي نمت بصعوبة وانا حزين على الحالة اللي وصل لها بابا وماما ولما صحيت كان بابا رجع من بره وسألني عن ماما قولتله معرفش هي راحت فين.. يمكن نزلت تشتري شوية طلبات من بره وجايه.. ماما اتاخرت ومرجعتش ..واكتشفنا بعد كدا انها سابت جواب بخط ايدها بتقول فيه سامحني مش هقدر اكمل معاك.. انا هبعد وهعيش حياتي واحاول اعوض نفسي عن اللي فات من عمري معاك ماما اتخلت عني وبعدت في اكتر وقت انا محتاجها فيه ليه كدا انا بحبك ..حرام عليكي بابا دور عليها في كل مكان لكنها اختفت وملهاش اثر تعب نفسيا جدا.. كنت بشوفه بينهار كل يوم وهو بيحاول يبان متماسك قدامي رفض يتجوز وقرر يعيش عشاني انا وبس كنت الابن الوحيد.. رعاني كويس وكملت تعليمي واتخرجت.. ...
قراءة المزيد

جندى ارجنتينى

اتصل جندي أرجنتيني بوالدته من مقر كتيبته وكان عائداً للتو من جزر فوكلاند بعد انتهاء الحرب ، وطلب منها أن تسمح له بأن يحضر معه إلى المنزل أحد رفاقه الذي تعرض لبتر بعض أعضائه نظراً لأن عائلته تسكن في مكان بعيد وهو بنفس عمره 19 عام إلا أنه قد خسر إحدى ساقيه وأحد ذراعيه وفقد بصره أيضاً وعلى الرغم من سعادة الأم بعد عودة ابنها حياً من الحرب إلا أنها أجابته بفزع قائلة بأنها لن تتحمل رؤية ذلك الشاب ورفضت أن تستقبله في بيتها. صمت ابنها ثم قطع الإتصال واطلق رصاصة على نفسه فقد كان هو ذلك الجندي الأبتر لكنه لم يرد أن تتحمل والدته عنايته طيلة حياته مجاملة له. غابرييل غارسيا ماركيز . قصة قصيرة الجندي الأبتر.
قراءة المزيد

نبات الزوفا

نسمع عن نبات الزوفا في الكتاب المقدس وفى مزمور 51 نقول"طهرني بالزوفا" ؟ ذكرت الزوفا تسع مرات في العهد القديم (خر 12: 22، لا 14: 4 و6 و49، عد 19: 6 و18، 1 مل 4: 13، مز 51: 7)، ومرتين في العهد الجديد، فنقرأ في إنجيل يوحنا: "وكان إناء موضوعاً مملوًّا خلاً، فملأوا اسفنجة من الخل ووضعوها علي زوفا وقدموها إلي فمه" (يو 19: 29). ويقول الرسول في الرسالة إلي العبرانيين: "لأن موسي بعد ما كلم جميع الشعب بكل وصية بحسب الناموس، أخذ دم العجول والتيوس مع ماء وصوفاً قرمزياً وزوفا ورش الكتاب نفسه وجميع الشعب، قائلاً: هذا هو دم العهد…." (عب 9: 19و20). وكان الرب قد أمر موسي قائلاً: "خذوا باقة زوفا واغمسوها في الدم الذي في الطست ومسوا العتبة العليا والقائمتين بالدم الذي في الطست" (حز 12: 22)، وكان هذا أساس الفصح. والإشارة في المزمور الحادي والخمسين: "طهرني بالزوفا" (مز 51: 7) تشير بكل وضوح إلي رش دم الحمل لأنه "بدون سفك دم لا تحصل مغفرة" (عب 9: 22). وفي وصف الكتاب لحكمة سليمان، يقول إنه "تكلم عن الأشجار من الأرز الذي في لبنان إلي الز...
قراءة المزيد