بطانية جديدة

فى يوم أتت أرملة فى المساء إلى سمعان الخادم الجالس على باب مطرانية الفيوم فى خدمة القديس العظيم الانبا أَبْرَام و سألته : "ممكن أقابل سيدنا أنا عارفة الوقت متأخر"
قال لها : "هو انت فاكرها بوابة عليها حد ده سيدنا بيقابل أى حد أدخلى حتى و لو الوقت متأخر هو بيرحم نفسه"
قابلت الأرملة سيدنا و قالت : "سلام يا سيدنا أنا آسفة على الأزعاج لكن انت عارف عندى أربع أطفال و الشتا السنة دى برد جدا ما لقيش عند قدسك بطاطين"
قالها سيدنا الأنبا أَبْرَام : "للأسف يا بنتى مافيش فى المطرانية بطاطين و لا حتى فلوس و أنا حاسس بيكى يا بنتى الشتا السنة دى صعب جدا بس ما تخافيش هيبعت بس أنت روحى ناديلى سمعان"
نادت سمعان فدخل و سأل سيدنا : "عاوز حاجة يا سيدنا"
قال له سيدنا : "أطلع حجرتى و هات البطانية اللى فيها"
رد سمعان بغضب : "مافيش بطاطين فى حجرة نيافتك غير البطانية اللى على سريرك و مش معقولة هتديها بطانيتك و الجو برد شديد"
قالت الأرملة : "مستحيل أخدها أبدا"
رد سيدنا : "أبن الطاعه تحل عليه البركة أطلع يا سمعان هات البطانية و أدهالها و أنت أسمعى الكلام و خديها غطى بها أولادك"
طلع سمعان و هو بيكلم نفسه : ده نسى أنه راجل كبير فى السن و عضمة ضعف هيعمل إية طول الليل خليه يمكن لما البرد يتعبه هيتعلم الحكمة فى العطاء.
نزل سمعان و أعطى البطانية للأرملة بعد إلحاح من سيدنا قبلت الأرملة و أخذت البطانية و خرج سمعان ليجلس مكانه.
بعد شوية حضر رجل و سأل : "ممكن أقابل سيدنا أنا عارف الوقت متأخر".
رد سمعان بنرفزة : "و لا يهمك أدخل خليه يديلك هدومه".
دخل الرجل و فوجىء بعد شوية سيدنا خارج بنفسه ينادى عليه و يقول له : "سمعان تعرف بيت الست اللى أخدت البطانية روح ناديها و خليها ترجع بسرعه البطانية".
رد سمعان بغضب : "ما أنا قلت لك يا سيدنا الجو برد و عضمك مش هيستحمل ما تخافش يا سيدنا أنا عارف بيتها و هروح بسرعة".
راح سمعان نادى السيدة و جابها و جاب البطانية و رجعوا المطرانية لقوا سيدنا و معاه الراجل الزائر و كان طبعا طول الطريق سمعان عمال يبكت فى الأرملة أنها قبلت تأخذ بطانية سيدنا الراجل الكبير.
قال سيدنا للأرملة : "رجعى يا بنتى البطانية و روحى مع الراجل الطيب ده معاه فى العربية برة عشر بطاطين جداد روحى خدى اللى يعجبك و العدد اللى يكفيكى".
قالت بفرح : "ربنا يخليك لينا يا سيدنا".
أستشاط سمعان غضباً و قال : "بقى ربنا بعت ١٠ بطاطين جداد و تروح تبعتنى يا سيدنا فى عز البرد علشان أجيبلك بطانيتك دى كانت قديمة و مقطعة كنت سيبتها للصبح و كنت أتغطيت ببطانية جديدة".
رد سيدنا القديس الأنبا أَبْرَام قائلا : "معقولة يا إبنى هيجينى نوم طول الليل و أنا نايم متغطى ببطانية جديدة و المسيح متغطى ببطانية قديمه. .

المجد لاسمك يارب شفاعتك يا انبا ابرام ياقديس ياعظيم اذكرنا امام عرش النعمة

تعليقات

إرسال تعليق

المشاركات الشائعة من هذه المدونة

دجال هذا العصر

‏لكل زمان دجاله ودجال هذا الزمان بلا منازع قولاً واحدا هو السوشيال ميديا 👌 اولا : بعض البيوت بقت متفككة وما اكثرها مشاكل السؤال هنا هو انا ليه مثلا اقول لمراتى اني بحبها اصلا على السوشيال ميديا ؟ وليه هى تقول لى قدام الدنيا انى احسن اختيارتها ؟ ببساطة لاننا بنقول للناس مش لنفسنا لاننا لو صادقين فعلا مش هنحتاج نعمل ده 🤔 ‏ ثانيا : كارثة التكسب من السوشيال ميديا اللي خلت بنات كتير تتعري وترقص وامهات تسقف واباء يدوروا وشهم الناحية التانيه ويتخاذلوا فى تربية ابنائهم 🤔 واللى خلت ازواج يعملوا دويتوهات توصف ادق تفاصيل حياتهم الخصوصية علشان الفلوس والشهرة على السوشيال ميديا 🤔 الناس تخلت عن مبادئها وعلى حساب تدينها هل كان تداين ظاهرى !!!! اكيد 👌 ما كان دفع البعض لذلك 🤔 ‏ولا الناس اللى بتتطلع تتنطط وتستعرض نفسها بفلوسها على السوشيال ميديا ويكونوا سبب عثرة لغيرهم 🤔 ثالثا : وهى الاهم الناس اللى شافوا ناس من قاع المجتمع بقوا بلوجرز وانفلوينسرز ويوتيوبرز صور الڤيلل واللاند روفر وحفلات المشاهير والاعلانات 🤔 ‏العين تشوف .. والقلب يشتهى .. والموضوع يبان سهل .. والسبب "مد العي...
قراءة المزيد

كل من يتوكأ على عكاز الصلاة لا تذل قدماه

مستحق أنت وَهُمْ يَتَرَنَّمُونَ تَرْنِيمَةً جَدِيدَةً قَائِلِينَ: «مُسْتَحِقٌّ أَنْتَ أَنْ تَأْخُذَ السِّفْرَ وَتَفْتَحَ خُتُومَهُ، لأَنَّكَ ذُبِحْتَ وَاشْتَرَيْتَنَا لِلَّهِ بِدَمِكَ مِنْ كُلِّ قَبِيلَةٍ وَلِسَانٍ وَشَعْبٍ وَأُمَّةٍ، رؤ5: 9 إلهي! من غيرك مستحق.. فأنت مستحق كل مجد وكرامة وإكرام وسجود.. ومن غيرك يستحق كل الحياة.. فأنت من جبلتنا من التراب.. لذلك أنت مستحق.. أنت من خلقت الطبيعة وخلقت كل شيء لأجلي، لذا فأنت مستحق.. وأنت الذي تجسدت وشابهتني في كل شيء ما خلا الخطية وحدها، لذا فأنت مستحق.. وأنت الذي عشت في وسطنا كإنسان تعلمنا وتنير لنا الطريق، تشفي أمراض نفوسنا وأجسادنا وأرواحنا، لذا فأنت مستحق.. وأنت الذي احتملت من أجلي كل تعيير والعار والظلم والهوان، لذا فأنت مستحق.. وأنت الذي سفكت دمك على عود الصليب لكي تفدينا من خطايانا، لذا فأنت مستحق. وأنت الذي مُت من أجلي لكيما تسدد أجرة الخطية عني، لذا فأنت مستحق.. أنت الذي تركت لنا الكنيسة بكل أسرارها وأنت الذي ذهبت لتعد لي مكان في السماء حتى عندما تأتي في مجيئك الثاني تأخذني إليه وأسكن فيه معك إلى الأبد، لذا فأنت مستحق.. وأنت الذ...
قراءة المزيد

انا بكره امى 1

صورة
أيوه متستغربوش كنت طفل عمره 12 سنه لما حصل خلاف حاد بين والدي ووالدتي نتيجة أزمة مادية كان بيمر بيها بابا ماما كانت بتصرخ في وش بابا جامد وبتتهمه أنه عاجز يكون راجل ويتحمل مسئولية بيت شوفت دمعة في عين بابا ساعتها رفض ينزلها وساب ماما ومشي من البيت لما شوفت في عيونه نظرة حزن وقلة حيله منح وعجز وهو مش عارف يتصرف ليلتها ماما زعقت فيا وطلبت مني أدخل أوضتي نمت بصعوبة وانا حزين على الحالة اللي وصل لها بابا وماما ولما صحيت كان بابا رجع من بره وسألني عن ماما قولتله معرفش هي راحت فين.. يمكن نزلت تشتري شوية طلبات من بره وجايه.. ماما اتاخرت ومرجعتش ..واكتشفنا بعد كدا انها سابت جواب بخط ايدها بتقول فيه سامحني مش هقدر اكمل معاك.. انا هبعد وهعيش حياتي واحاول اعوض نفسي عن اللي فات من عمري معاك ماما اتخلت عني وبعدت في اكتر وقت انا محتاجها فيه ليه كدا انا بحبك ..حرام عليكي بابا دور عليها في كل مكان لكنها اختفت وملهاش اثر تعب نفسيا جدا.. كنت بشوفه بينهار كل يوم وهو بيحاول يبان متماسك قدامي رفض يتجوز وقرر يعيش عشاني انا وبس كنت الابن الوحيد.. رعاني كويس وكملت تعليمي واتخرجت.. ...
قراءة المزيد