عندي برفيوم بحبه جدا

عندي برفيوم بحبه جدا..
أول ما جبته رشيت منه رشة بسيطة أوي.. فضلت شامم ريحته اليوم كله.. وكنت مبسوط أوي..
كنت بحط منه حاجه بسيطه فكل مره عشان مايخلصش.. كنت بحافظ عليه أوي..
لحد ما كنت بحط منه ماكنتش بشم ريحته.. فزودت شويه ريحته بانت..
فضلت أزود.. لحد ما بقيت لا إرادي بحط كتير أوي منه وأنا مش حاسس.. بس كنت يا دوب قادر أشمه
لحد ما روحت عند واحد صاحبي قالي انت استحميت بالبرفيوم بتاعك ولا إيه ! الريحه جامده اوي!
طب إزاي بيقولي كدا وانا مش حاسس بيه وبريحته! غريبه ده أنا كنت فاكر إني كان لازم أزود كمان أكتر!
روحت ببص علي إزازه البرفيوم لقيتها قربت تخلص.. مع إني كنت محافظ عليها وماكنتش برش منها كتير.. وهي كانت دايما موجوده وعمرها ما قالتلي لا.. بتديني مهما فضلت أزود.. مسلوبه الاراده لحد ما قربت تنتهي..
وحتي لما قربت تنتهي أنا اكتشفت ده متأخر.. حتي ما اهتميتش إني أبص حتي أشوفها خلصت ولا لسه..

فيه ناس فحياتنا.. أول مانعرفهم تديهم أقل قدر من الاهتمام.. يفرحوا بيه جدا ويقدروه أوي.. مع الوقت تلاقيهم بيستنزفوك.. ويعتبروا اهتمامك ده حق مكتسب ليهم ماينفعش يقل.. لازم كل يوم يزيد.. تضغط علي نفسك وهما يضغطوا عليك وتفضل تحرق فنفسك وهما مش حاسين.. لحد مافيوم تلاقي نفسك حتي وانت قايد صوابعك العشره شمع ليهم شايفينك مقصر.. ومش مديلهم حقهم..
بس ساعتها هتيجي تبص لنفسك تلاقيها انهكت.. روحك تعبت.. حاجات كتير حلوه جواك مابقتش فمكانها..
تلاقي نفسك مجرد بقايا بعد ما هما خدوا الحلو اللي فيك وماحسوش بيه..
صحيح إن الاهتمام مابيتطلبش ولو اتطلب بيبقي بايخ.. بس الاهتمام بياخد حته من اللي بيديه..
فخد بالك من الشخص اللي بيديك اهتمام بأي صوره..
لأنه بيديك جزء من روحه.. ممكن مايعرفش يرجعها تاني أبدا..

تعليقات

إرسال تعليق

المشاركات الشائعة من هذه المدونة

انا بكره امى 1

صورة
أيوه متستغربوش كنت طفل عمره 12 سنه لما حصل خلاف حاد بين والدي ووالدتي نتيجة أزمة مادية كان بيمر بيها بابا ماما كانت بتصرخ في وش بابا جامد وبتتهمه أنه عاجز يكون راجل ويتحمل مسئولية بيت شوفت دمعة في عين بابا ساعتها رفض ينزلها وساب ماما ومشي من البيت لما شوفت في عيونه نظرة حزن وقلة حيله منح وعجز وهو مش عارف يتصرف ليلتها ماما زعقت فيا وطلبت مني أدخل أوضتي نمت بصعوبة وانا حزين على الحالة اللي وصل لها بابا وماما ولما صحيت كان بابا رجع من بره وسألني عن ماما قولتله معرفش هي راحت فين.. يمكن نزلت تشتري شوية طلبات من بره وجايه.. ماما اتاخرت ومرجعتش ..واكتشفنا بعد كدا انها سابت جواب بخط ايدها بتقول فيه سامحني مش هقدر اكمل معاك.. انا هبعد وهعيش حياتي واحاول اعوض نفسي عن اللي فات من عمري معاك ماما اتخلت عني وبعدت في اكتر وقت انا محتاجها فيه ليه كدا انا بحبك ..حرام عليكي بابا دور عليها في كل مكان لكنها اختفت وملهاش اثر تعب نفسيا جدا.. كنت بشوفه بينهار كل يوم وهو بيحاول يبان متماسك قدامي رفض يتجوز وقرر يعيش عشاني انا وبس كنت الابن الوحيد.. رعاني كويس وكملت تعليمي واتخرجت.. ...
قراءة المزيد

جندى ارجنتينى

اتصل جندي أرجنتيني بوالدته من مقر كتيبته وكان عائداً للتو من جزر فوكلاند بعد انتهاء الحرب ، وطلب منها أن تسمح له بأن يحضر معه إلى المنزل أحد رفاقه الذي تعرض لبتر بعض أعضائه نظراً لأن عائلته تسكن في مكان بعيد وهو بنفس عمره 19 عام إلا أنه قد خسر إحدى ساقيه وأحد ذراعيه وفقد بصره أيضاً وعلى الرغم من سعادة الأم بعد عودة ابنها حياً من الحرب إلا أنها أجابته بفزع قائلة بأنها لن تتحمل رؤية ذلك الشاب ورفضت أن تستقبله في بيتها. صمت ابنها ثم قطع الإتصال واطلق رصاصة على نفسه فقد كان هو ذلك الجندي الأبتر لكنه لم يرد أن تتحمل والدته عنايته طيلة حياته مجاملة له. غابرييل غارسيا ماركيز . قصة قصيرة الجندي الأبتر.
قراءة المزيد

نبات الزوفا

نسمع عن نبات الزوفا في الكتاب المقدس وفى مزمور 51 نقول"طهرني بالزوفا" ؟ ذكرت الزوفا تسع مرات في العهد القديم (خر 12: 22، لا 14: 4 و6 و49، عد 19: 6 و18، 1 مل 4: 13، مز 51: 7)، ومرتين في العهد الجديد، فنقرأ في إنجيل يوحنا: "وكان إناء موضوعاً مملوًّا خلاً، فملأوا اسفنجة من الخل ووضعوها علي زوفا وقدموها إلي فمه" (يو 19: 29). ويقول الرسول في الرسالة إلي العبرانيين: "لأن موسي بعد ما كلم جميع الشعب بكل وصية بحسب الناموس، أخذ دم العجول والتيوس مع ماء وصوفاً قرمزياً وزوفا ورش الكتاب نفسه وجميع الشعب، قائلاً: هذا هو دم العهد…." (عب 9: 19و20). وكان الرب قد أمر موسي قائلاً: "خذوا باقة زوفا واغمسوها في الدم الذي في الطست ومسوا العتبة العليا والقائمتين بالدم الذي في الطست" (حز 12: 22)، وكان هذا أساس الفصح. والإشارة في المزمور الحادي والخمسين: "طهرني بالزوفا" (مز 51: 7) تشير بكل وضوح إلي رش دم الحمل لأنه "بدون سفك دم لا تحصل مغفرة" (عب 9: 22). وفي وصف الكتاب لحكمة سليمان، يقول إنه "تكلم عن الأشجار من الأرز الذي في لبنان إلي الز...
قراءة المزيد