أشنكحك وأمنكحك

أشنكحك وأمنكحك
كان فى ست غلبانه جدا مبتعرفش تقرأ ولا تكتب, كانت بتحب ربنا أوى و نفسها تقرا الانجيل ومش عارفة ...
المهم راحت لابونا و شكتله حالها إنها ولا بتقرأ فى الانجيل ولا بتصلى, فحاول ابونا يساعدها فقالها هديكى كل اسبوع جمله تحفظيها و تقوليها طول الاسبوع وتيجى الاسبوع اللى وراه تسمعيها وتاخدى الجديده قالها ماشى قالتله ماشى, قالها قولى ورايا أسبحك وأمجدك ياربى يسوع المسيح,
المهم حفظت الست الغلبانه الجملة وروحت بيتها وانها تفتكر اللى قاله ابونا مافتكرتش غير أشنكحك وأمنكحك ياربى يسوع المسيح وفضلت طول الاسبوع تقول الجملة دى وهى فرحانة وسعيدة بوجود ربنا فى حياتها
وجه ميعاد الجملة الجديدة فراحت لابونا وسمعت الجملة اللى حفظتها وبمجرد ما فتحت الست الغلبانة بقها وقالت أشنكحك وأمنكحك ياربى يسوع المسيح وانفجر ابونا فيها وقالها مادام مابتعرفوش تتكلموا مع ربنا بتتكلموا ليه لدرجه إنه حرمها من التناول. فالست مش فاهمة حاجة ولا عارفة هى عملت ايه تستاهل عليه كل ده و راحت فى اخر الكنيسه ومن العياط نامت وصحيت الصبح لقيت القداس هيبتدى فقالت احضره واحاول اتناول دا ابونا طيب وهيناولنى ,المهم ابونا ناولها و اداها بركه قربانه حمل كبيره سخنه وهى خارجه قابلت ابونا داخل فشكرته انه سامحها وناولها .قالها ناولتك!! هو انا اساسا بديت القداس , فقالتله ازاى يا ابونا دا انت حتى مدينى القربانه دى مسك ابونا القربانه منها لقاها سخنه فهم انها حضرت قداس مع الاباء السواح فقالها روحى يا بنتى شنكحيه و منكحيه براحتك
اذكرنى فى صلواتك عنى قدام.حبيبك يسوع ايتها المباركه

طُوبَى لِلأَنْقِيَاءِ الْقَلْبِ لأَنَّهُمْ يُعَايِنُونَ اللَّهَ. متى 5 : 8

تعليقات

إرسال تعليق

المشاركات الشائعة من هذه المدونة

نبات الزوفا

نسمع عن نبات الزوفا في الكتاب المقدس وفى مزمور 51 نقول"طهرني بالزوفا" ؟ ذكرت الزوفا تسع مرات في العهد القديم (خر 12: 22، لا 14: 4 و6 و49، عد 19: 6 و18، 1 مل 4: 13، مز 51: 7)، ومرتين في العهد الجديد، فنقرأ في إنجيل يوحنا: "وكان إناء موضوعاً مملوًّا خلاً، فملأوا اسفنجة من الخل ووضعوها علي زوفا وقدموها إلي فمه" (يو 19: 29). ويقول الرسول في الرسالة إلي العبرانيين: "لأن موسي بعد ما كلم جميع الشعب بكل وصية بحسب الناموس، أخذ دم العجول والتيوس مع ماء وصوفاً قرمزياً وزوفا ورش الكتاب نفسه وجميع الشعب، قائلاً: هذا هو دم العهد…." (عب 9: 19و20). وكان الرب قد أمر موسي قائلاً: "خذوا باقة زوفا واغمسوها في الدم الذي في الطست ومسوا العتبة العليا والقائمتين بالدم الذي في الطست" (حز 12: 22)، وكان هذا أساس الفصح. والإشارة في المزمور الحادي والخمسين: "طهرني بالزوفا" (مز 51: 7) تشير بكل وضوح إلي رش دم الحمل لأنه "بدون سفك دم لا تحصل مغفرة" (عب 9: 22). وفي وصف الكتاب لحكمة سليمان، يقول إنه "تكلم عن الأشجار من الأرز الذي في لبنان إلي الز...
قراءة المزيد

انا بكره امى 1

صورة
أيوه متستغربوش كنت طفل عمره 12 سنه لما حصل خلاف حاد بين والدي ووالدتي نتيجة أزمة مادية كان بيمر بيها بابا ماما كانت بتصرخ في وش بابا جامد وبتتهمه أنه عاجز يكون راجل ويتحمل مسئولية بيت شوفت دمعة في عين بابا ساعتها رفض ينزلها وساب ماما ومشي من البيت لما شوفت في عيونه نظرة حزن وقلة حيله منح وعجز وهو مش عارف يتصرف ليلتها ماما زعقت فيا وطلبت مني أدخل أوضتي نمت بصعوبة وانا حزين على الحالة اللي وصل لها بابا وماما ولما صحيت كان بابا رجع من بره وسألني عن ماما قولتله معرفش هي راحت فين.. يمكن نزلت تشتري شوية طلبات من بره وجايه.. ماما اتاخرت ومرجعتش ..واكتشفنا بعد كدا انها سابت جواب بخط ايدها بتقول فيه سامحني مش هقدر اكمل معاك.. انا هبعد وهعيش حياتي واحاول اعوض نفسي عن اللي فات من عمري معاك ماما اتخلت عني وبعدت في اكتر وقت انا محتاجها فيه ليه كدا انا بحبك ..حرام عليكي بابا دور عليها في كل مكان لكنها اختفت وملهاش اثر تعب نفسيا جدا.. كنت بشوفه بينهار كل يوم وهو بيحاول يبان متماسك قدامي رفض يتجوز وقرر يعيش عشاني انا وبس كنت الابن الوحيد.. رعاني كويس وكملت تعليمي واتخرجت.. ...
قراءة المزيد

فورة

قليل اللي يسمع باسم فورة فورة هو غلام جدعون كل ما ذكر عنه هو ايتين فقط في سفر القضاة 7 وَكَانَ فِي تِلْكَ اللَّيْلَةِ أَنَّ الرَّبَّ قَالَ لَهُ: «قُمِ انْزِلْ إِلَى الْمَحَلَّةِ, لأَنِّي قَدْ دَفَعْتُهَا إِلَى يَدِكَ. 10وَإِنْ كُنْتَ خَائِفاً مِنَ النُّزُولِ, فَانْزِلْ أَنْتَ وَفُورَةُ غُلاَمُكَ إِلَى الْمَحَلَّةِ, 11وَتَسْمَعُ مَا يَتَكَلَّمُونَ بِهِ, وَبَعْدُ تَتَشَدَّدُ يَدَاكَ وَتَنْزِلُ إِلَى الْمَحَلَّةِ». فَنَزَلَ هُوَ وَفُورَةُ غُلاَمُهُ إِلَى آخِرِ الْمُتَجَهِّزِينَ الَّذِينَ فِي الْمَحَلَّةِ. فورة برغم انه شخصية مجهولة ومختفية لكن هنتعلم منها كتير 1- فورة المعين فورة كان غلام جدعون وكان ملازم له وبرغم ان جدعون زي ما قال على نفسه انه وحيد وبلا قوة في عشيرته لكن فورة كان ملازم ليه لمساعدته 2- فورة المشجع اية 10 من سفر القضاة 7 تظهر فورة المشجع 10وَإِنْ كُنْتَ خَائِفاً مِنَ النُّزُولِ, فَانْزِلْ أَنْتَ وَفُورَةُ غُلاَمُكَ إِلَى الْمَحَلَّةِ, تخيلوا جدعون اللي ظهرله ملاك الرب وقال له انك هتخلص بني اسرائيل واعطاه اكتر من علامة يقول له لو كنت خايف خد فورة معاك يشجعك ...
قراءة المزيد