ايه الكلام ده

فقامت مريم ف تلك الأيام وذهبت بسرعه الى الجبال الى مدينة يهوذا ..لوقا ٣٩:١
هى العدرا جايه منين .. من الناصره ..
طب رايحه فين .. مدينة يهوذا ..
طب المسافة ما بين الناصرة لمدينة يهوذا اد ايه .. أميال اخدتها العدرا ف ايام ماشيه بين الجبال والصحراء ..

ممكن استاذنكم تدخلوا معايا الانجيل وتفكروا العدرا هتقول ايه لاليصابات بعد تعب السفر دا كله ..

طبيعى اول ما تشوف اليصابات تقولها انا خلصانه من الطريق والحر .. ما انت عارفه السكه .. بس انت حبيبتى انت غاليه علي انت عارفه .. مقدرش اعرف انك تعبانه وماجلكيش ..
و تبتدى بقا الحكاوى عن الناصره انت عارفه اللى حاصل عندنا ف الناصره دى الاسعار بقت نار والدنيا والناس والجشع والتجار والبلد بقت مايتعاش فيها ..

لا لا مافيش كلام من ده ..
امال قالتلها ايه ..

تعظم نفسى الرب وتبتهج روحى بالله مخلصى

ايه ده .. ايه الكلام ده ..
دى العدرا .. بتشكر وبتعظم وبتبتهج
دى بتكلم اليصابات
بس حتى وهى بتتكلم مع واحده قريبتها بتتكلم عن ربنا ..

اخطيت متزعلوش ..
احنا كم مره زورنا حد واتكلمنا اى كلام بوظنا بيه الدنيا .. لخبطنا الناس وقومنا ناس على ناس وفقدنا سلامنا وافقدناهم سلامهم بكلمتين قولناهم مكانش ليهم اى لازمه ..
بقصه حكيناها مكانش فيه اى داعى منها ..
وكم مره كلامنا عمل مشاكل ماتخلصش .. مشاكل عاشت سنين مزعله الناس من بعضها عشان كلمه قولناها ..

فلانه حاطه صوره ع الفيس .. اه يبقى راحت كذا وجت من كذا ما هم موراهمش غير الفسح .. هى جوزها بيشتغل ايه .. دول لسه مش عارف عاملين وشاريين ايه ..

وانا مالى ..
ماتخلينا نسكت ماتخلينا نستر حتى لو فعلا تصرفاتهم غلط ما احنا تصرفات كتير بنعملها ملخبطه ومستورين .. هو احنا بجد كويسين ..
مالنا ومال الناس بيعملوا ايه ..

نطلب صلاه من اجل امر معين ..
منكرش المحبه ومئات التفاعل والنشر لكن للاسف اول ما ربنا دبر الامر ظهرت مئات الاسئله
فين ومع مين وازاى وامتى وليه واحكولنا وقولولنا ..

هو دا الستر يا مسيحيين هو دا الغفران
هو دا الحب ..
هنحكى ف أسرار الناس وخصوصياتهم ..
كم جمله قولناها النهارده مالهاش لازمه ..
طب كم جمله الاسبوع ده ..
طب ف عمرنا كم جمله قولناها منغير ما نحسبها ..
اد كده العمر رخيص بيضيع ف كلام ف ولا حاجه ..
ضع يارب حافظاً لفمى وباباً حصيناً لشفتى ..
كل كلمه بطاله تعطون عنها حساب ..

تعليقات

إرسال تعليق

المشاركات الشائعة من هذه المدونة

نبات الزوفا

نسمع عن نبات الزوفا في الكتاب المقدس وفى مزمور 51 نقول"طهرني بالزوفا" ؟ ذكرت الزوفا تسع مرات في العهد القديم (خر 12: 22، لا 14: 4 و6 و49، عد 19: 6 و18، 1 مل 4: 13، مز 51: 7)، ومرتين في العهد الجديد، فنقرأ في إنجيل يوحنا: "وكان إناء موضوعاً مملوًّا خلاً، فملأوا اسفنجة من الخل ووضعوها علي زوفا وقدموها إلي فمه" (يو 19: 29). ويقول الرسول في الرسالة إلي العبرانيين: "لأن موسي بعد ما كلم جميع الشعب بكل وصية بحسب الناموس، أخذ دم العجول والتيوس مع ماء وصوفاً قرمزياً وزوفا ورش الكتاب نفسه وجميع الشعب، قائلاً: هذا هو دم العهد…." (عب 9: 19و20). وكان الرب قد أمر موسي قائلاً: "خذوا باقة زوفا واغمسوها في الدم الذي في الطست ومسوا العتبة العليا والقائمتين بالدم الذي في الطست" (حز 12: 22)، وكان هذا أساس الفصح. والإشارة في المزمور الحادي والخمسين: "طهرني بالزوفا" (مز 51: 7) تشير بكل وضوح إلي رش دم الحمل لأنه "بدون سفك دم لا تحصل مغفرة" (عب 9: 22). وفي وصف الكتاب لحكمة سليمان، يقول إنه "تكلم عن الأشجار من الأرز الذي في لبنان إلي الز...
قراءة المزيد

انا بكره امى 1

صورة
أيوه متستغربوش كنت طفل عمره 12 سنه لما حصل خلاف حاد بين والدي ووالدتي نتيجة أزمة مادية كان بيمر بيها بابا ماما كانت بتصرخ في وش بابا جامد وبتتهمه أنه عاجز يكون راجل ويتحمل مسئولية بيت شوفت دمعة في عين بابا ساعتها رفض ينزلها وساب ماما ومشي من البيت لما شوفت في عيونه نظرة حزن وقلة حيله منح وعجز وهو مش عارف يتصرف ليلتها ماما زعقت فيا وطلبت مني أدخل أوضتي نمت بصعوبة وانا حزين على الحالة اللي وصل لها بابا وماما ولما صحيت كان بابا رجع من بره وسألني عن ماما قولتله معرفش هي راحت فين.. يمكن نزلت تشتري شوية طلبات من بره وجايه.. ماما اتاخرت ومرجعتش ..واكتشفنا بعد كدا انها سابت جواب بخط ايدها بتقول فيه سامحني مش هقدر اكمل معاك.. انا هبعد وهعيش حياتي واحاول اعوض نفسي عن اللي فات من عمري معاك ماما اتخلت عني وبعدت في اكتر وقت انا محتاجها فيه ليه كدا انا بحبك ..حرام عليكي بابا دور عليها في كل مكان لكنها اختفت وملهاش اثر تعب نفسيا جدا.. كنت بشوفه بينهار كل يوم وهو بيحاول يبان متماسك قدامي رفض يتجوز وقرر يعيش عشاني انا وبس كنت الابن الوحيد.. رعاني كويس وكملت تعليمي واتخرجت.. ...
قراءة المزيد

مكرم اسكندر

ولد مكرم اسكندر نيقولا في  19 يوليو 1942 م. بمدينة المنصورة. ولكن والده أصلاً من دمياط. من أسرة عريقة ومتدينة. فهو من عائلة القديس سيدهم بشاي. تنيح والده المهندس إسكندر نقولا وتركه في سن الرابعة من عمره، فتولى عمه الأستاذ ألفونس نقولا تربيته ورعايته بدمياط. تلقى دراسته الأولى في بورسعيد، ثم جاء إلى الإسكندرية حيث حصل على بكالوريوس الهندسة (قسم كهرباء) بتقدير امتياز عام 1963 م. من جامعة الإسكندرية وكان عمره في ذلك الوقت أقل من 21 سنة. عُيِّنَ معيدًا بكلية الهندسة بالإسكندرية. وتقدم في الدراسة للحصول على درجة الماجستير في الهندسة الميكانيكية. فحصل على درجة الماجستير في يوم 28 مايو 1968 م. اما عن الناحية الروحية تأثر نيافته بالقمص بيشوي كامل، والقمص تادرس يعقوب ملطى. أيضا تأثر نيافته بقداسة البابا شنوده الثالث -كما يقول نيافته- "خصوصًا أثناء القداس الإلهي الذي كان يصليه بروحانية عجيبة.. ورأيت فيه صورة الراهب الحقيقي".  كان لكلمات قداسة البابا شنوده عن حياة التكريس في مؤتمرات الخدام بكنيسة مارمينا بالمندرة – الإسكندرية تأثيرها العميق، والشعور بالدعوة الخاصة لحياة التكري...
قراءة المزيد