معين ليك ،،، مش عبء عليك
ارتبط بحد يكون "مُعين" ليك.. مش "عبء" ماشي تجُر فيه عشان الحياة تكمل ..
يكون "نظيرك".. يعني قدك وشبهك وزيك، مانتاش سابقُه بخطوات كتير وعمّال تعلمه ازاي يعيش، "مش جايبه "تربّيه" يعني، ولا يكون هو سابقك بخطوات كتير.. فا تعيش على حلمُه هو وأنت تدوب في النُص.
فا جمال الشكل مطلوب يا جماعة اه حلو، بس مش هو اللي بيشيل العلاقة في أوقات كتير.. ماينفعش ارتبط بحد شكله ومواصفاته حلوة ومشاعرنا كبيرة ناحية بعض.. بس "روحه فاضية"، مفيش حلم عايشُه.. مفيش "مرمطة" في حياته كبّرته وخلّته قادر يحتوي ويفهم يعني ايه تعب ووجع وحلم بحارب أوصلّه.
أنا مثلاً مقدرش اتخيل ارتبط بشخصية (حتى لو كانت جميلة وبينا مشاعر) بس تكون روحي "اوسع" منها.. (وبالمناسبة الروح بتكبر بالألم والمعاناة والصراع والبحث والتوهان والاكتئاب.. كل الكوكتيل اللطيف ده ده) ..
فا ساعتها لما اجي اقدم حب ملاقيش صعوبة، بس لما اجي استقبله اتوجع بإحساس وِحدة مُر.. لأني مش مفهوم.. ومش متشاف كُلّي.. واللي معايا مش فاهم ومش قادر يستوعب معظم اللي بعدّي فيه، وماجربش يعيش حياة شبه اللي عشتها ويصارع في نفس صراعاتي.
يعني ببساطة لو ارتبطت بحد "روحي اوسع منه" هلاقيني لما ابقى تعبان "بفلت" منه.. من حضنه.. وجوده وروحه مش هاتكفّيني وتسندني لما اتكسر..
والصعوبة دلوقتي مش اني الاقي الأجمل والأحسن في المواصفات.. الصعوبة بقت أني الاقي الأنسب.. اللي على مقاسي بالظبط، في تفكيري ومعاناتي و حلمي اللي عايشله.
عشان كدة بقيت مقتنع في الارتباط أنه آه الشكل مهم، بس في النهاية "مقاس الروح" هو الأهم ..
يكون "نظيرك".. يعني قدك وشبهك وزيك، مانتاش سابقُه بخطوات كتير وعمّال تعلمه ازاي يعيش، "مش جايبه "تربّيه" يعني، ولا يكون هو سابقك بخطوات كتير.. فا تعيش على حلمُه هو وأنت تدوب في النُص.
فا جمال الشكل مطلوب يا جماعة اه حلو، بس مش هو اللي بيشيل العلاقة في أوقات كتير.. ماينفعش ارتبط بحد شكله ومواصفاته حلوة ومشاعرنا كبيرة ناحية بعض.. بس "روحه فاضية"، مفيش حلم عايشُه.. مفيش "مرمطة" في حياته كبّرته وخلّته قادر يحتوي ويفهم يعني ايه تعب ووجع وحلم بحارب أوصلّه.
أنا مثلاً مقدرش اتخيل ارتبط بشخصية (حتى لو كانت جميلة وبينا مشاعر) بس تكون روحي "اوسع" منها.. (وبالمناسبة الروح بتكبر بالألم والمعاناة والصراع والبحث والتوهان والاكتئاب.. كل الكوكتيل اللطيف ده ده) ..
فا ساعتها لما اجي اقدم حب ملاقيش صعوبة، بس لما اجي استقبله اتوجع بإحساس وِحدة مُر.. لأني مش مفهوم.. ومش متشاف كُلّي.. واللي معايا مش فاهم ومش قادر يستوعب معظم اللي بعدّي فيه، وماجربش يعيش حياة شبه اللي عشتها ويصارع في نفس صراعاتي.
يعني ببساطة لو ارتبطت بحد "روحي اوسع منه" هلاقيني لما ابقى تعبان "بفلت" منه.. من حضنه.. وجوده وروحه مش هاتكفّيني وتسندني لما اتكسر..
والصعوبة دلوقتي مش اني الاقي الأجمل والأحسن في المواصفات.. الصعوبة بقت أني الاقي الأنسب.. اللي على مقاسي بالظبط، في تفكيري ومعاناتي و حلمي اللي عايشله.
عشان كدة بقيت مقتنع في الارتباط أنه آه الشكل مهم، بس في النهاية "مقاس الروح" هو الأهم ..
تعليقات
إرسال تعليق