انيسيفورس

#انيسيفورس
#صديق_المطفيين ❤
ده كان صديق بولس الرسول.. معني اسمه " جالب للنفع" اسم علي مسمي..👌
كان من افسس..اتذكر في الكتاب المقدس في 3 آيات بالظبط في رساله تيموثاوس الثانيه.. بس ثلاث ايات يحملوا معاني كتير للصداقه النادره اللي مش بنشوفها كتير.
- في أول آيه بيقول عنه بولس: إنه كان مصدر عزاء وراحه ليه في أصعب الاوقات.. في وقت الناس كلها سابت بولس واتقلبت ضده انسيفورس الوحيد اللي ماداش ظهره لبولس.
- في ثاني آيه بيقول عنه إنه لم يخجل من سجنه وحالته الصعبه وقيوده وسلسلته بل دايماً كان جنبه عشان يضمد جروحه ويخفف عنه..❤
- في ثالث آيه بيقول انه فتش عنه ودور عليه في سجلات سجون روما وعمل كل جهده واتعرض لمتاعب كتير ومخاطر الموت لحد ما لقاه..❤
كان ممكن انيسفورس يستني بولس لحد ما يخرج من السجن بس هو كان مستعد يموت عشانه عشان بس يلاقيه 😊❤مش دايما بنلاقي اصدقاء او اشخاص في حياتنا زي انيسفورس روحنا بترتاح معاهم.. بس هما موجودين بس مش نادرين ..أصدقاء مصره تدور علينا واحنا مطفيين وحالتنا صعبه وبتدور علينا بكل جهد واحنا مستخبين من عيون اللي سابونا وجرحونا وخانوا الوعود والصداقه.. بتدور علينا واحنا فاقدين كل معاني الثقه.. فاقدين كل أمل في ان اي نور يجي..أشخاص بس همها الوحيد انها تكون موجوده جنبنا عشان تسند وتقوي وتكون مصدر راحه وانتعاش لروحنا المطفيه.. وتضمد جروح عملها غيرها وتساعد في الشفاء.. أصدقاء بتشاركنا لحظاتنا المظلمه مش بس أيامنا المفرحه..أشخاص دايما تحمل لينا كل أحشاء محبه ورحمه كل وقت..ولان الله عظيم وصالح بيوجد في حياتنا أشخاص زي انيسفورس في كل وقت..😊❤
👈 كن انت انيسفورس في حياه اللي حواليك..كن صديقاً للمطفيين.. كن سبب في تخفيف الاثقال عن النفوس المرهقه ألم.. لو لقيت انيسيفورس في حياتك اوعي تسيبه او تفرط فيه 😊❤

تعليقات

إرسال تعليق

المشاركات الشائعة من هذه المدونة

نبات الزوفا

نسمع عن نبات الزوفا في الكتاب المقدس وفى مزمور 51 نقول"طهرني بالزوفا" ؟ ذكرت الزوفا تسع مرات في العهد القديم (خر 12: 22، لا 14: 4 و6 و49، عد 19: 6 و18، 1 مل 4: 13، مز 51: 7)، ومرتين في العهد الجديد، فنقرأ في إنجيل يوحنا: "وكان إناء موضوعاً مملوًّا خلاً، فملأوا اسفنجة من الخل ووضعوها علي زوفا وقدموها إلي فمه" (يو 19: 29). ويقول الرسول في الرسالة إلي العبرانيين: "لأن موسي بعد ما كلم جميع الشعب بكل وصية بحسب الناموس، أخذ دم العجول والتيوس مع ماء وصوفاً قرمزياً وزوفا ورش الكتاب نفسه وجميع الشعب، قائلاً: هذا هو دم العهد…." (عب 9: 19و20). وكان الرب قد أمر موسي قائلاً: "خذوا باقة زوفا واغمسوها في الدم الذي في الطست ومسوا العتبة العليا والقائمتين بالدم الذي في الطست" (حز 12: 22)، وكان هذا أساس الفصح. والإشارة في المزمور الحادي والخمسين: "طهرني بالزوفا" (مز 51: 7) تشير بكل وضوح إلي رش دم الحمل لأنه "بدون سفك دم لا تحصل مغفرة" (عب 9: 22). وفي وصف الكتاب لحكمة سليمان، يقول إنه "تكلم عن الأشجار من الأرز الذي في لبنان إلي الز...
قراءة المزيد

انا بكره امى 1

صورة
أيوه متستغربوش كنت طفل عمره 12 سنه لما حصل خلاف حاد بين والدي ووالدتي نتيجة أزمة مادية كان بيمر بيها بابا ماما كانت بتصرخ في وش بابا جامد وبتتهمه أنه عاجز يكون راجل ويتحمل مسئولية بيت شوفت دمعة في عين بابا ساعتها رفض ينزلها وساب ماما ومشي من البيت لما شوفت في عيونه نظرة حزن وقلة حيله منح وعجز وهو مش عارف يتصرف ليلتها ماما زعقت فيا وطلبت مني أدخل أوضتي نمت بصعوبة وانا حزين على الحالة اللي وصل لها بابا وماما ولما صحيت كان بابا رجع من بره وسألني عن ماما قولتله معرفش هي راحت فين.. يمكن نزلت تشتري شوية طلبات من بره وجايه.. ماما اتاخرت ومرجعتش ..واكتشفنا بعد كدا انها سابت جواب بخط ايدها بتقول فيه سامحني مش هقدر اكمل معاك.. انا هبعد وهعيش حياتي واحاول اعوض نفسي عن اللي فات من عمري معاك ماما اتخلت عني وبعدت في اكتر وقت انا محتاجها فيه ليه كدا انا بحبك ..حرام عليكي بابا دور عليها في كل مكان لكنها اختفت وملهاش اثر تعب نفسيا جدا.. كنت بشوفه بينهار كل يوم وهو بيحاول يبان متماسك قدامي رفض يتجوز وقرر يعيش عشاني انا وبس كنت الابن الوحيد.. رعاني كويس وكملت تعليمي واتخرجت.. ...
قراءة المزيد

مكرم اسكندر

ولد مكرم اسكندر نيقولا في  19 يوليو 1942 م. بمدينة المنصورة. ولكن والده أصلاً من دمياط. من أسرة عريقة ومتدينة. فهو من عائلة القديس سيدهم بشاي. تنيح والده المهندس إسكندر نقولا وتركه في سن الرابعة من عمره، فتولى عمه الأستاذ ألفونس نقولا تربيته ورعايته بدمياط. تلقى دراسته الأولى في بورسعيد، ثم جاء إلى الإسكندرية حيث حصل على بكالوريوس الهندسة (قسم كهرباء) بتقدير امتياز عام 1963 م. من جامعة الإسكندرية وكان عمره في ذلك الوقت أقل من 21 سنة. عُيِّنَ معيدًا بكلية الهندسة بالإسكندرية. وتقدم في الدراسة للحصول على درجة الماجستير في الهندسة الميكانيكية. فحصل على درجة الماجستير في يوم 28 مايو 1968 م. اما عن الناحية الروحية تأثر نيافته بالقمص بيشوي كامل، والقمص تادرس يعقوب ملطى. أيضا تأثر نيافته بقداسة البابا شنوده الثالث -كما يقول نيافته- "خصوصًا أثناء القداس الإلهي الذي كان يصليه بروحانية عجيبة.. ورأيت فيه صورة الراهب الحقيقي".  كان لكلمات قداسة البابا شنوده عن حياة التكريس في مؤتمرات الخدام بكنيسة مارمينا بالمندرة – الإسكندرية تأثيرها العميق، والشعور بالدعوة الخاصة لحياة التكري...
قراءة المزيد