العلاقة التربوية
العلاقة التربوية
أنا يادكتورة طول عمري بأحب ، العيال ولما خلفت بنتي كنت فرحانة قوي ، هي كانت بتعيط كتيير وهي صغيرة لكن انا كنت قاعدة في البيت ومش ورايا حاجة غيرها .
لكن فيه حاجة غريبة : حاسة كأنها مش بنتي هي فعلا شبه حماتي بس بأحس كأني مش أمها ، كأني متبنياها ، ومستغربة مشاعري قوي بأحس فيه حاجة بيني وبينها، مش بأقدر خالص اقعد ألعب معاها ، باحس إني بأتخنق ، بأزعق فيها جامد زي المجنونة.
انا اتربيت عند خالتي من عمر شهور ، ماما ودتني لها علشان خالتي مابتخلفش كانت ست طيبة بتهتم تأكلنا وتلبسنا ، ورحت بيت ماما لما المدارس ابتدت.
خالتي حتي لو احسن واحدة هي مش أني... ويمكن ده اللي مخلي الأم تحس إن بنتها مش بنتها .. مهم جدا ان اللي خلف هو اللي يربي ويعمل علاقة فيها قرب وحب ووقت ولعب وتواصل وانتماء .. الطفل بيعرف وبيحس إن دي أمه، وهي بتاعته وهو بتاعها ، مش لعبة حلوة او هدية باهادي بها اللي مابيخلفش .
يمكن كل اللي يعرفني سمع مني الكلمة ده كتير باسالها كتير ، باتكلم فيها كتير، وباشوف انها من اهم الحاجات في التربية ونقدر نقول هي اللي نقدر نوصل بيها التربية.
وفي مفهومي عن العلاقة زي ماالحبل السري في الرحم بيوصل للطفل كل احتياجاته علشان يكبر ويكبر سليم.
العلاقة داخل العيلة بين الاهل والطفل والطفل واخواته هي اللي من خلالها بيوصل كل ده.
_هو مين؟
-هو حلو وللا وحش ، مهم وللا لأ؟
-رأيه عن نفسه ، فهمه لنفسه ، قبوله لنفسه.
-ايه هو دوره في الحياة مهم وللا لأ ؟ وبيزيد مع سنه وللا لأ؟
ماهي العلاقة التربوية؟
• يحتاج الطفل لعلاقة مع كائن كبير ويحبه لكي يكبر .
• فمن خلال هذه العلاقة يشعر بالاحتواء والانتماء والأمان.
• يحتاج الطفل لهذه العلاقة ليتعلم كيف يكون ، عن طريق التقليد لاهله، فهو ينظر ويتعلم ويكون ويكبر .
• وتختلف وتتفاوت درجة عمق وقرب هذه العلاقة.
• اهم شيء يمكن ان نفعله كأهل مع اطفالنا هو ان تقيم علاقة جيدة وعميقة معهم.
• العلاقة هي القناة Channel التي من خلالها بنوصل لاطفالنا كل ما يحتاجونه من حب ، فهم ، تعليم.
• هي علاقة يبادر بصنعها الأهل بهدف فهم الاطفال ومساعدتهم في فهم انفسهم. ولااعتقد اننا نستطيع التأثير في سلوك اطفالنا وان نعلمهم شيئا دون وجود علاقة جيدة.
• بجيدة اعني ليس فقط التواجد وتسديد الاحتياجات الاساسية ولكن ان كنا نسعي ان يحظي اطفالنا بعلاقة صحية لانفسهم يجب ان ننشيء هذه العلاقة .
• عندما يكبر الطفل فإنه سيصنع مع نفسه نفس شكل العلاقة التي نصنعها نحن معه كأهل.
• فإن كنا نحنو ونصبر ونسامح عند الخطأ ونقبل العيوب والضعفات ونشجع علي الابداع ونعلم بصبر واحتمال فسيفعل الطفل مع نفسه ذلك، سيسامح نفسه وسيقبل نفسه وسيصبر علي نفسه .
• وان كنا مع كل هذا كنا حازمين في وضعنا الحدود وتوقعاتنا للنضوج ودفعنا لتحمل المسئولية والاستقلالية سيستطيع الطفل حين يكبر ان يمارس تحمل المسئولية وضبط النفس.
اشكال مختلفة من العلاقة بين الاهل والطفل
-علاقة المدرس والتلميذ
-علاقة الخادم والسيد
-علاقة مشحونة بالغضب
-علاقة اعتمادية
-علاقة المعالج والمريض
-علاقة الضابط والمتهم
-علاقة تربوية وحميمية
ابعاد العلاقة او مايميز العلاقة
الوقت الخاص
-هو وقت شبه يومي يقضيه الأب او الام مع الطفل .
-فيه تواصل شخصي ويشعر الطفل انه مهم وخاص جدا لدي الاهل.
-هذا يساعد علي توطيد العلاقة ويساعد علي الفهم .
-هذا الوقت يحافظ علي العلاقة من ان تضعف وتفقد معناها مع زحمة الحياة والمتطلبات من الطفل.
اللعب
-هو النشاط اليومي الوحيد الذي يمارسه الطفل.
-هو اي حركات منظمة او غير منظمة ، وقد لايكون لها هدف او ثمر .
-هو نوع من التعبير او خروج للطاقة الجسدية والنفسية .
-هو يمثل كثير من الثقافات التي نتوارثها .
-هو دافع داخلي يساعد الطفل علي اكتشاف العالم من حوله للنمو .
اهمية اللعب مع اطفالنا
-يساعدنا علي التقرب من عالم الطفل.
-يساعد الطفل علي التنفيس عن الطاقة البدنية والنفسية.
-يبني مهارات الطفل الذهنية والعضلية.
-يساعد الطفل علي فهم الكثير من قواعد الحياة .
-يساعد علي تنمية العلاقة مع الطفل ويعرفنا الكثير عن شخصية الاطفال .
-نستمتع بهم ومعهم .
-نعطيه ذكريات يحملها معه .
انواع اللعب
حركي-تعلمي -فني-خيالي -ابتكاري
التواصل اليومي
اهمية التواصل مع الاطفال
-عنصر اساسي ومهم في العلاقة .
-يوصل الكثير من معتقداتنا وقيمنا لاطفالنا ، كما يعلمهم الكثير من المعلومات عن انفسهم وعن العالم.
-يرسم الاطفال صورتهم عن انفسهم من خلال الطريقة الي نتواصل بها معهم .
-ينمو الاطفال من خلال كلام التشجيع والمدح.
-يساعد التواصل في تكوين الثقة بالنفس واحترامها .
علامات التواصل الإيجابي
• الاستماع الجيد .
• معاملة الطفل علي انه شخص له جميع الحقوق.
• احترام مشاعر الطفل حتي ولو كانت بسيطة.
• الغفران.
• الصبر والاستيعاب.
• اختيار توقيت الصراعات وانواعها .
• مواجهة المشاكل وعدم انكارها .
• الحرص علي رؤية الاطفال وهم بصنعون اشياء جديدة .
• التواصل بأقل قدر ممكن من المشاعر السلبية .
اساليب التواصل الخاطئة
# السخرية-التهديد-الكذب-الزن-النقد اللاذع -اللوم الشديد.
# استخدام التأديب الشديد مع الاطفال.
# استخدام الإحساس بالذنب للسيطرة علي الاطفال.
# تذكير الاطفال بأخطائهم بصورة مستمرة.
# وصف الاطفال وتسميتهم بصفات سيئة.
# التقليل من شأن الاطفال.
# عدم احترام مشاعر الاطفال .
# التواصل مع الاطفال اثناء موجات الغضب.
# مقاطعة الاطفال اثناء محاولة التعبير عن شيء.
التواصل في الاعمار المختلفة
من صفر الي سنة ( ٠-١٠)
• يستطيع الطفل ان يشعر بكثير ممن يحدث داخلك وماتحاولين قوله حتي لو لم يفهمه الكل
• يعتمد التواصل في هذا السن علي الاستجابة السريعة للانفعالات تعزيه البكاء
• يجب ان تستخدم الأم تعبيرات وجه مبالغ فيها
• حاولي ان تضعي معاني لمحاولات الطفل للتواصل
• استفيدي من اوقات الاكل والنظافة لتتحدثي مع طفلك
• استخدمي اصوات وحركات ملفتة للتواصل مع الطفل
من سنة الي ثلاث سنوات(١-٣)
• يستخدم الطفل بعض الكلمات والحركات للتواصل .
• ساعدي طفلك في تكملة الحروف، في تسمية الاشياء ، في استكمال الجمل دون عصبية او توتر ، فنحن في مرحلة التعلم .
• اعطي الطفل امرا واحدا فقط في المرة.
• تحضير الطفل باستمرار لما سوف يحدث.
• احرصي علي التواصل مع طفلك اثناء فعل الاشياء سويا .
• اشرحي اسباب ماتريديه ان يفعله حسب مستوي فهمه.
• احكي مع طفلك عما تفعلين ، عودي نفسك علي التحدث مع طفلك فهذا له تاثير مهم علي العلاقة بينكم .
• سمي لطفلك مشاعره بتعبيرات الوجه ومن خلال القصص
من ثلاث سنوات الي ست سنوات (٣-٦)
• يحب الاطفال التحدث عما حدث في الماضي.
• يحب الاطفال التحدث مع نفسهم اثناء اللعب.
• اشتركي معه في العاب الخيال.
• الحكايات تساعد الطفل علي فهم او هضم ما يحدث في يومه .
• احرصي علي وقت خاص شبه يومي للتحدث عن مايهم الطفل .
وقت الدردشة العائلية
-يستطيع الطفل ان يعبر عن نفسه بشكل افضل .
-شجعيه ان يعرف ويعبر عن مايحب ومايكره ، وعن اللي فرحه واللي زعله في يومه .
-ايه اللي بيضايقه منك وايه اللي بيبسطه.
-علمي طفلك وضع بعض الاهداف في تغيير السلوك واستعيني بها لمساعدته .
-اختاري الوقت المناسب لك وله للكلام.
-العبي لعبة تبادل الادوار .
-التوجيه والتعليم في مهارات التواصل مع الآخرين مهم لهذه المرحلة .
-لما تلاقي مشكلة في تواصله مع الآخرين كوني حكيمة واحترمي ضعفه ، وفكري معه في الحل .. مرة اخري : الحوار والاجتماع الاسري فكرة جيدة .
نصائح:
+ كن مستمعا جيدا ، ليس فقط بأذنك ، بل بمشاعرك .
+ النظر في العين اثناء التواصل مهم لاننا نتواصل ليس فقط بالكلام .
+ استخدم عبارات قصيرة فيها الكثير من صيغة " انا" وليس" انت" .
+ حاول ان تشعر بما يشعر به طفلك.
+ عندما تتحدث مع طفلك ، حاول ان تتوقف عن عنل اي شيء آخر ( تليفون ، جرائد ،...الخ).
+ لاتقيس اولادك علي مقاييسك ، ولكن اقبل الاختلاف .
+ اعرف ان طفلك له رأي مهما صغر سنه ، واحترامك لهذا الرأي يبني شخصيته.
+ شجع طفلك وامدحهز.
+ لاتدخل في خناقة مع طفلك ( اذا فزت ، فقد خسرت!).
+ النقد البناء ( لاتنتقد شخص الطفل ، ولكن الذي فعله ) .
+ تعلم ان تعبر عن مشاعرك مع اطفالك ( التواصل شيء يحدث في اتجاهين).
+ لاتتحدث مع طفلك وانت تشعر بالغضب او التعب.
توقعات النضوج
_لازم واحنا بنربي العيال يكون في بالنا نكبرهم ونأخدهم للمرحلة التطورية القادمة.
-لازم نحضرهم للاستقلال عشان يقدروا يعملوا كل حاجة لوحدهم .
-مهم جدا ماأعملش للطفل اللي هو يقدر يعمله.
-يحتاج الطفل الي الحماية من المخاطر التي لايعرفها ولايستطيع حماية نفسه منها مثلا : الأكل ، النظافة ، التليفزيون ، المخاطر اليومية .
-يجب نعلم الاطفال ان يحموا انفسهم من المخاطر حسب السن .
-ان ادرك اني ساترك هذه الوظيفة حين اعلمه كل مايحتاج ان يعرفه ، حتي لو انا عندي وقت والموضوع مش صعب علي، لكن لابد ان اري ما هو اكثر فائدة للطفل .
فإن كنا نحنو ونصبر ونسامح عند الخطأ ونقبل العيوب والضعفات ونشجع علي الإبداع ونعلم بصبر واحتمال ، فسيفعل الطفل مع نفسه ذلك ، سيسامح نفسه وسيقبل نفسه وسيصبر علي نفسه .
وإن كنا مع كل هذا حازمين في وضعنا للنضوج ودفعنا لتحمل المسئولية والاستقلالية ، سيستطيع الطفل حين يكبر ان يمارس تحمل المسئولية وضبط النفس.
يمكن عمل ده كله عن طريق وقت خاص نقعده مع بعض، اللعب مع الطفل ، الدف والحب، التواصل اليومي الجيد ، عمل الاشياء معا .
احنا دورنا نفهم العيال ان عليهم مسئوليات ، ولازم تكون بتزيد مع السن طبعا لازم تكون مناسبة لسنهم .
انا بصراحة بأشوف مآسي من الاهل.. فاكرة انها كده بتريح العيال وهي بتمرضهم .
لازم الطفل يشعر انه ينتمي للبيت ده وللعيلة دي ، وبيساعد وبيعمل زيه ماما وبابا ، بس علي اد سنه وجسمه .. دي حاجة مهمة جدا في انتمائه للبيت.
البيت بيقدم حب ولعب وتواصل ووقت وصلاحيات كتير ، ومعاها مسئوليات بتكبر كل ما الطفل يكبر .
والحزء التاني المهم هو مسئوليته عن نفسه عن مذاكرته وده بقي اللي فعلا باشوف فيها مهازل :
الأمهات والآباء:
-يعني يادكتورة اسيبه يسقط ؟!
-لو مقعدتش معاه مش هيذاكر !
-هيعمل الواجب في ساعتين !
-كل شويه بيقوم !
-إلا العربي لازم أذاكره له مقدرش !!
-بس يعدي الثانوية وبعدين اسيبه!
-مابيمسكش كتاب لو سبته!
وبعدين ياامهات ؟!!!
هو إحنا مدرسين ولا اهل ؟ هو احنا دورنا ايه؟
دوري اتأكد إنه فاهم دروسه وبيعمل اللي عليه ..
دوري اعلمه إن دي مسئوليته ، مش بتاعتي..
يعني أول حاجة اننا احنا نعرف فعلا إنها مش مسئوليتنا ونصدق ده ..
إحنا مسئوليتنا إننا نعرفهم :
-يذاكروا إزاي ... المكتب نظيف .. الإضاءة كويسة .. يقعد فين ..
-وهو صغير اخليه يجيب الواجب ويقول لي هو عارف هيعمل ايه .. ولا عاوزني اقول له ؟
-اشوفه ، وابتدي اعمل حاجة ، وارجع اشوفه تاني ، وهكذا ..
-اعلمه حاجاته يحطها في الشنطة وازاي يحضرها .
-مثلا ممكن اشرح حاجة ، أملي.. اسمع شرحه لي.. يسمع لي ..
بعني اساعده يذاكر ، مش بأذاكر له !
لأن اذا كنت هأعمل له الحاجة الوحيدة المسئول عنها ، هيتعدم المسئولية ازاي ؟! هيكبر ازاي ؟!
انسحبوا بالتدريج .. شوية شوية .. وساعدوهم يعملوا دورهم ومسئوليتهم بنفسهم .
عارفين بتعمل ايه تاني العلاقة مع الطفل ؟
١ الطفل بيسمع مننا وبيعرف هو مين ، وبيساوي ايه .
٢أد ايه هو مهم ... مش علشان شاطر وجميل وبيعرف يعمل حاجات ، لا علشان هو انسان خلقه الله الفنان .
٣علشان بصوته مش زي غيره .
٤علشان مفيش اتنين زي بعض حتي لو كانوا توأمين .
٥ علشان تركيبته وشكله وشخصيته والحاجات الحلوة اللي فيه ، والحاجات الوحشة اللي فيه مش زي اي حد .
٦ مميز .. بنقول مميز وفريد .
٧ مش علشان هو ابنك انت بس .. لا علشان ربنا خلق كل انسان كده يمثل قطعة فنية مميزة .
٨ علشان هو فاكهة زي البني آدمين كلهم فاكهة .
٩ دورك ياماما وبابا تشوفه وتبذل مجهود تفهمه وتفهمه نفسه علشان يعرف هو مين .
١٠ مش تتخانق معاه ومعها علشان يبقوا اللي انت عاوزه واللي الناس عاوزاه واللي يرضي تيتة وعمه وخالتو والمدير !
١١ عاوزين نساعد عيالنا يحبوا كياناتهم زي ماهي ، ويحاولوا يغيروا اللي عاوزينه لكن مايسمحوش لحد يشكلهم علي مزاجه.
١٢ انا عندي عيوب ومحاسن ، بس انا حلو واتحب.
١٣ عاوزين اطفالنا يفهموا يعني إيه انسان مميز ، يعني ايه مش لازم تبقي زي حد حتي ولو كان شاطر .
# "" بص صاحبك جاب كام !"""
#""" بص صاحبك بيعمل ايه !""
#"" بص اخوك مؤدي ازاي!""
# "" انت حلوة وقمورة يس لو تخسي!""
#"" بس لو يدردح كده !""
#"" بس لو يجمد كده ويقف للناس ويتكلم!""
عاوزين نفهمه عن شخصيته ، مثلا :
• عملي وللاحساس ومليان مشاعر ؟
• بيحب التغيير وللا صعب عليه وبيأخد وقت علي ما يتأقلم ؟
• بيشحن او بيحب التواجد مع الناس وللالوحده؟
• بيتكسف ولامعندوش مشكلة مع حد ؟
• وحاجات تانيه كتير ممكن نقرا ونتعلم عنه في ميول الشخصيات اللي عيالنا بيتولدوا بيها وعاوزين نفهمهم الاول ونفهمهم نفسنا .
• علي فكرة لو احنا كلأهل ماعملناش كدة محدش هيعرف وعيالنا بيبتدوا يتعرفوا علي نفسهم في العشرينات او الاربعينات لاول مرة!
انا بأحزن قوي قوي لما بأشوف أمهات كتير مش عارفة هي
مين ؟ بتحب ايه؟ايه اللي بيبسطها ؟
عايشة وخلاص بتعمل كل المطلوب منها.
واصعب سؤال : إنت بتحبي إيه؟؟
مابتعرفش تقول ""لا"" لحد .. لا للعيال ولا لجوزها ولا لجيرانها ولا لأي حد !
عارفين يعني ايه "" لا"" ؟ يعني حاسبي انت دايسة علي وعلي حتة مني !
السؤال هنا .. اذا كنت مش عارفة انا مين وفين حدودي هاعرف منين انك دايسة علي !؟
ابذلوا مجهود تفهموا عيالكم وتعرفوهم .. تقضوا معاهم وقت ، مش تظبطوهم .
حبوهم زي ماهم ، واشكروا ربنا علي الحلو والوحش ، وساعدوهم يكونوا اللي اتخلقوا عليه .. مش اللي احنا عاوزينه.
إزاي ؟؟
وقت ولعب ورؤية .. يعني اتفرج عليه هو ، مش بس علي تصرفاته .
اعمل حاجات معاهم .. اتمشي معاهم .. اقروا معاهم .. صلوا معاهم
كلوا معاهم ... اطلبوا منهم يساعدوا ويعملوا حاجات معاكم .
عارفين بتعمل إيه تاني العلاقة :
◦ بتعلمهم يتعاملوا ازاي مع نفسهم . لو احنا مش في علاقة حلوة معاهم فيها تواصل يومي مش هيبقوا عارفين ولامتواصلين ولاقريبين من نفسهم
◦ انا باشوف ناس كتير قوي عايشة وبتنحز ، لكن بعيدة جدا عن نفسها كأنها متبرمجة علي اسلوب حياة .. مش مختارة تعيش وتختار !
◦ فبيعملوا في نفسهم ومع نفسهم نفس اللي احنا بنعمله معاهم :
◦ اتفرجوا بتعملوا ايه مع عيالكم.. وللاسف هيعملوه بالضبط مع نفسهم او هيعملوا عكسه يمكن مش دلوقتي ،ألكن لما يكبروا واحنا صوتنا الخارجي يسكت في حياتهم ، هيطلع ده كله من جواهم !
◦ بنتخانق كتير معاهم هيتخانقوا كتير مع نفسهم !
◦ بنلومهم كتير هيلوموا نفسهم!
◦ بنطلب منهم فوق طاقتهم هيفضلوا طول عمرهم طالبين فوق طاقتهم من نفسهم !
◦ بنقارنهم بالناس هيقارنوا نفسهم !
◦ مش هنقبلهم مش هيعرفوا يقبلوا نفسهم وهيفضلوا بيحاولوا يغيروا حاجة ورا حاجة علشان يعرفوا يقبلوا نفسهم ويقعوا في فخ اسمه القبول والحب المشروط.
بنحترمهم ..
بنحبهم ..
بنطبطب عليهم ..
بنسامحهم ..
بنشوف التحسن والتغيير البسيط ونصفق لهم ..
بنقول لهم عن الحاجات الحلوة اللي فيهم ، هيعملوا كده مع نفسهم ويشفوها.
يعني إيه؟
١يعني نشوفهم علي بعض ، مش افعالهم تصرفاتهم واخطائهم .
٢ نحبهم زي ماربنا خلقهم، مش لما يعملوا اللي يرضينا .
٣ نقبل عيوبهم ونساعدهم مش نلومهم .
لو عاوزين اطفالنا علاقتهم بنفسهم تبقي سوية ، لازم احنا تكون علاقتنا بهم سوية.
مش بس كدة، معلش هاصعبها شوية : لازم نتعلم إحنا كمان نبقي في علاقة مريحة مع نفسنا ، يعني اعرف احبني واقبلني بالحلو والوحش.
اسمعني، اسمع احتياجاتي ومشاعري اشجعني احفزني افرح بإنجازاتي القليلة يعني اكبر في اني افهم نفسي واللي باحبه واللي بأكرهه.
يمكن اعمل مع نفسي اللي اهلي غلطوا فيه وماعرفوش يعملوه معايا ..
العلاقة المريحة مع الاهل اساس الصحة النفسية، بتخليني عارف نفسي فاهمها مرتاح معاها وقابلها .
عارف اسامح نفسي واشجع نفسي واحفز نفسي.
والعلاقة كمان بتعلمهم يعني ايه علاقة
بأعرف اعمل علاقة صحية وشبه سوية مع الناس اللي في حياتي لأن الأهل هم اول نموذج للعلاقة في حياتي. بأفهم منهم يعني ايه علاقة .
الحب المشروط
ان اكون اللي الآخر عاوزه وابتدي اعمل كده مع كل اللي اعرفهم ، عاوز ارضيهم علشان يحبوني ، هو ده اللي ماما وبابا علمهولي:
""" خليك حلو واسمع الكلام علشان احبك"""
وحتي لو مقلنهاش هنعملها
الحب غير المشروط
يعني أخد وعطا ء ، يعني انا وانت .. حدودك وحدودي واللي إنت عاوزه واللي انا عاوزه كمان ، مش إنت وبس.
عارفين بتعمل إيه تاني العلاقة بين الأهل والطفل؟ بتعمل علاقة بيني وبين نفسي!
يعني اعرف آخد وأدي معايا .. اطبطب واوبخ .
وكأني متصالحة ومرتاحة مع نفسي بعيوبها ومحاسنها .
وكمان متصالحة مع فكرة إن كل الناس فيها حلو ووحش ، وإني محتاجة لهم ومفيش حد كامل .
أعرف أنا مين وحاسة بإيه وبأحب إيه : يعني اكون عايشة بكل ابعادي ، اكون موجودة.. مختارة.. حية.. مش مغيبة .. مش منساقة .. مش ماشية زي ما الناس والدنيا والالتزامات ممشياني! مع احترامي الكامل لكل الامتيازات .
مش مخي بس واختياراتي بس.
واللي انا عاوزاه وحاساه ، مش ماشي مع ده.
بأشوف ناس عايشة بأجزاء من نفسها سنين طويلة من حياتها . يعني ايه؟؟
زي مابنشوف أهالي كتير مش بتسمع عيالها ولابتشوفهم عاوزين ايه، لكن بيزقوهم بالعافية ومرات بالذوق علشان يعملوا الصح والمفروض واللي الاهل شايفينه الاحسن والافيد ووووو..
وكأن الطفل بيعطل كل اللي جواه واللي حاسة ويفضل يكبر وينجز ويعمل الصح، واللي اهله عاوزينه ، وبعدين لما يكبر يسأل نفسه هو انا مين وعاوز ايه؟
وكأن فيه اتنين : حد جوة له دماغ ، وحد برة ماحدش سمعه ولا ساله رايك ايه، ولا حس اد ايه ممكن يكون بيصارع علشان يعمل المطلوب .
طبعا يمكن ده مش حال كتير من عيالنا في الجيل ده، بس حال كتير قوي من الامهات اللي باقابلهم .
انا بأتكلم علي كتير مننا كأمهات ما اتسألناش، لكن عيشنا وكبرنا ، فما اتعلمناش نسأل نفسنا بنحب ايه وعاوزين ايه !؟
وايه المشكلة يادكتورة مااحنا كويسين ومتربيين ومفيش حاجة ؟!
مالك طول الوقت تقولي نحس بنفسنا .. نعمل اللي بنحبه .. نختار .. نعوز.. نسمع نفسنا ..
علي فكرة فيه مشكلتين في ده :
اول حاجة هاقولها تاني كل واحد مميز ومختلف علي بعضه ومحدش زي حد ، فلو ما ادركناش ده وعرفنا احنا مين ومخلوقين نبقي إيه ونعمل إيه ، وإيه اللي بنحبه وإيه اللي بنتميز بيه ، وايه هي شخصياتنا ، سهل قوي نلاقي الناس والدنيا والظروف شكلتنا علي حاجة عكسنا تماما او علي الاقل مش احنا .
والحاجة التانية انه لو مافهمتش الكلام ده وماعرفتش ازاي اعمله مش هاعرف اعمله مع عيالي .
علاقة يعني إيه؟
هي بين اتنين لهم كيانات مختلفة ، لهم افكار ومشاعر وإرادة وأدوار مختلفة .. بأتواصل مش باقرب وبس، كل واحد في مكانه .
هي الماسورة اللي من خلالها باوصل للطفل احتياجاته من الحب والاعجاب والحنان والتقدير والفهم واحترام الكيان ومن خلالها باعلمه عن نفسه .
ومن خلال العلاقة بأدبه يعني باحط له الحدود .
علاقة يعني تواصل : بين فكري وفكر الطفل.
مشاعري ومشاعر الطفل ... ارادتي وارادته .
تواصل يعني اشوف الشخص ، اشوفه بابعاده التلاتة ، واحس بهم واتعامل معاهم ... مش بس بتعامل مع الجسد واحتياجاته .
العلاقة الوالدية السليمة
١هي التي اشعر فيها اني مقبول ومقبولة كما انا وبدون شروط.
٢هي التي اتمتع فيها بالتواصل المريح حيث اتكلم ويصغي لي .
٣عي التي اجد فيها التعلم والارشاد الذي قد يصل مرات ان اجد من يده بيدي ليعلمني كيف وليس فقط ان يقولها .
٤ في العلاقة الوالدية السليمة عندما انظر في مرآة ابي او امي اعرف الكثير عني محاسني ومساوئي ، اعرف من انا .
٥ في العلاقة الوالدية السليمة تسدد احتياجاتي النفسية من الحب والحدود .
٦ في العلاقة الوالدية السليمة تشعرني اني مهم لبعض الاشخاص ولكن لا تدور الدنيا حولي .
٧ في العلاقة الوالدية عندما يخطيء احد يعتذر وعندما يعتذر يسامح حتي وان بقي العقاب ساري في بعض الاحوال .
٨ في العلاقة الوالدية السليمة اتواصل مع اخر غير كامل ولكنه يحاول ان يعيش ويتغيير ويحلم ويحقق وكانني اتعلم واعرف كيف تعاش الحياة .
في العلاقة الوالدية السليمة اتعلم اني انسان اخطيء واصيب ولدي مناطق قوة ومناطق ضعف ... وأنه لايوجد مثلي في العالم بهذه التوليفة.
٩ في العلاقة الوالدية السليمة اتعلم انه يوجد بداخلي شيء اسمه المشاعر يجب تعلم فهمه التعبير عنه وكذلك التحكم فيه .
١٠ في العلاقة الوالدية السليمة اتعلم اني انسان حر ولي ارادة ولي الحق في الاختيار والاعتراض لان هذا يساعدني علي النمو.
١١ في العلاقة الوالدية السليمة تعلمت ان الوقت والصبر علي نفسي مهم واساسي في تعلم الكثيييير من الدروس من اجل التغيير.
١٢ في العلاقة الوالدية السليمة تعلمت ان التشجيع طاقة تساعدني ان انجز.
١٣ هي التي اشعر فيها اني مقبول ومقبولة زي ماانا من غييير شروط.
١٤ هي التي اتمتع فيها بالتواصل المريح حيث اتكلم ويصغي لي.
١٥ هي التي اجد فيها التعلم والارشاد الذي قد يصل مرات ان اجد من يده بيدي ليعلمني كيف وليس فقط ان يقولها .
١٦ في العلاقة الوالدية السليمة تعلمت ان احترم الآخر كما هو مهما كانت درجة اختلافه عني وعن مبادئي فهو انسان مثلي فيجب معاملته كما احب ان اعامل انا كإنسان .
١٧ في العلاقة الوالدية السليمة تعلمت ان الاعتذار مهم وان العلاقات تحتاج للصيانة التي تتضمن الوقت ومجهود التغيير من اجل الآخر .
اعراض اضطراب العلاقة او عدم وجود علاقة سليمة
١.العند الشديد .
٢.الغضب الشديد.
٣.اللزقة الجامدة لماما وصعوبة ترك الاهل.
٤.عدم رؤية الطفل لنفسه فلايشعر بهويته، يتقمص او يقلد اخرين بصورة مرضية.. يعني زيادة قوي .
٥.الاكتئاب والقلق.
دعاء
يارب اعطني القوة لكي اقبل الاشياء التي لا استطيع ان اغيرها .
والشجاعة لأغير الاشياء التي استطيع ان اغيرها .
والحكمة لاعرف الفرق بين الاثنين .
ساعدني ان احيا يوما بيوم.
استمتع بكل لحظة في وقتها .
ساعدني ان اقبل الصعاب واجتاز فيها لاصل للسلام .
ساعدني ان اقبل العالم والناس كما هم وليس كما اريدهم ان يكونوا .
ساعدني ان اتغير انا .
واثقا انك صاحب السلطان وسوف تفعل كل شيء حسنا ان سلمت قلبي وحياتي لمشيئتك.
التغيير سكة فيها بأجرب اغير طريقي .استفيد من العلم ومن خبرات امهات تانية علشان اكون ام افضل .. وسعيدة اكتر انا واطفالي .
التغيير سكة ( انا) باختار امشيها ، بأغير كتير من اختياراتي واسلوب حياتي .. تاخد زي ماتاخد .. المهم انا ماشية وبأتغير .
أنا يادكتورة طول عمري بأحب ، العيال ولما خلفت بنتي كنت فرحانة قوي ، هي كانت بتعيط كتيير وهي صغيرة لكن انا كنت قاعدة في البيت ومش ورايا حاجة غيرها .
لكن فيه حاجة غريبة : حاسة كأنها مش بنتي هي فعلا شبه حماتي بس بأحس كأني مش أمها ، كأني متبنياها ، ومستغربة مشاعري قوي بأحس فيه حاجة بيني وبينها، مش بأقدر خالص اقعد ألعب معاها ، باحس إني بأتخنق ، بأزعق فيها جامد زي المجنونة.
انا اتربيت عند خالتي من عمر شهور ، ماما ودتني لها علشان خالتي مابتخلفش كانت ست طيبة بتهتم تأكلنا وتلبسنا ، ورحت بيت ماما لما المدارس ابتدت.
خالتي حتي لو احسن واحدة هي مش أني... ويمكن ده اللي مخلي الأم تحس إن بنتها مش بنتها .. مهم جدا ان اللي خلف هو اللي يربي ويعمل علاقة فيها قرب وحب ووقت ولعب وتواصل وانتماء .. الطفل بيعرف وبيحس إن دي أمه، وهي بتاعته وهو بتاعها ، مش لعبة حلوة او هدية باهادي بها اللي مابيخلفش .
يمكن كل اللي يعرفني سمع مني الكلمة ده كتير باسالها كتير ، باتكلم فيها كتير، وباشوف انها من اهم الحاجات في التربية ونقدر نقول هي اللي نقدر نوصل بيها التربية.
وفي مفهومي عن العلاقة زي ماالحبل السري في الرحم بيوصل للطفل كل احتياجاته علشان يكبر ويكبر سليم.
العلاقة داخل العيلة بين الاهل والطفل والطفل واخواته هي اللي من خلالها بيوصل كل ده.
_هو مين؟
-هو حلو وللا وحش ، مهم وللا لأ؟
-رأيه عن نفسه ، فهمه لنفسه ، قبوله لنفسه.
-ايه هو دوره في الحياة مهم وللا لأ ؟ وبيزيد مع سنه وللا لأ؟
ماهي العلاقة التربوية؟
• يحتاج الطفل لعلاقة مع كائن كبير ويحبه لكي يكبر .
• فمن خلال هذه العلاقة يشعر بالاحتواء والانتماء والأمان.
• يحتاج الطفل لهذه العلاقة ليتعلم كيف يكون ، عن طريق التقليد لاهله، فهو ينظر ويتعلم ويكون ويكبر .
• وتختلف وتتفاوت درجة عمق وقرب هذه العلاقة.
• اهم شيء يمكن ان نفعله كأهل مع اطفالنا هو ان تقيم علاقة جيدة وعميقة معهم.
• العلاقة هي القناة Channel التي من خلالها بنوصل لاطفالنا كل ما يحتاجونه من حب ، فهم ، تعليم.
• هي علاقة يبادر بصنعها الأهل بهدف فهم الاطفال ومساعدتهم في فهم انفسهم. ولااعتقد اننا نستطيع التأثير في سلوك اطفالنا وان نعلمهم شيئا دون وجود علاقة جيدة.
• بجيدة اعني ليس فقط التواجد وتسديد الاحتياجات الاساسية ولكن ان كنا نسعي ان يحظي اطفالنا بعلاقة صحية لانفسهم يجب ان ننشيء هذه العلاقة .
• عندما يكبر الطفل فإنه سيصنع مع نفسه نفس شكل العلاقة التي نصنعها نحن معه كأهل.
• فإن كنا نحنو ونصبر ونسامح عند الخطأ ونقبل العيوب والضعفات ونشجع علي الابداع ونعلم بصبر واحتمال فسيفعل الطفل مع نفسه ذلك، سيسامح نفسه وسيقبل نفسه وسيصبر علي نفسه .
• وان كنا مع كل هذا كنا حازمين في وضعنا الحدود وتوقعاتنا للنضوج ودفعنا لتحمل المسئولية والاستقلالية سيستطيع الطفل حين يكبر ان يمارس تحمل المسئولية وضبط النفس.
اشكال مختلفة من العلاقة بين الاهل والطفل
-علاقة المدرس والتلميذ
-علاقة الخادم والسيد
-علاقة مشحونة بالغضب
-علاقة اعتمادية
-علاقة المعالج والمريض
-علاقة الضابط والمتهم
-علاقة تربوية وحميمية
ابعاد العلاقة او مايميز العلاقة
الوقت الخاص
-هو وقت شبه يومي يقضيه الأب او الام مع الطفل .
-فيه تواصل شخصي ويشعر الطفل انه مهم وخاص جدا لدي الاهل.
-هذا يساعد علي توطيد العلاقة ويساعد علي الفهم .
-هذا الوقت يحافظ علي العلاقة من ان تضعف وتفقد معناها مع زحمة الحياة والمتطلبات من الطفل.
اللعب
-هو النشاط اليومي الوحيد الذي يمارسه الطفل.
-هو اي حركات منظمة او غير منظمة ، وقد لايكون لها هدف او ثمر .
-هو نوع من التعبير او خروج للطاقة الجسدية والنفسية .
-هو يمثل كثير من الثقافات التي نتوارثها .
-هو دافع داخلي يساعد الطفل علي اكتشاف العالم من حوله للنمو .
اهمية اللعب مع اطفالنا
-يساعدنا علي التقرب من عالم الطفل.
-يساعد الطفل علي التنفيس عن الطاقة البدنية والنفسية.
-يبني مهارات الطفل الذهنية والعضلية.
-يساعد الطفل علي فهم الكثير من قواعد الحياة .
-يساعد علي تنمية العلاقة مع الطفل ويعرفنا الكثير عن شخصية الاطفال .
-نستمتع بهم ومعهم .
-نعطيه ذكريات يحملها معه .
انواع اللعب
حركي-تعلمي -فني-خيالي -ابتكاري
التواصل اليومي
اهمية التواصل مع الاطفال
-عنصر اساسي ومهم في العلاقة .
-يوصل الكثير من معتقداتنا وقيمنا لاطفالنا ، كما يعلمهم الكثير من المعلومات عن انفسهم وعن العالم.
-يرسم الاطفال صورتهم عن انفسهم من خلال الطريقة الي نتواصل بها معهم .
-ينمو الاطفال من خلال كلام التشجيع والمدح.
-يساعد التواصل في تكوين الثقة بالنفس واحترامها .
علامات التواصل الإيجابي
• الاستماع الجيد .
• معاملة الطفل علي انه شخص له جميع الحقوق.
• احترام مشاعر الطفل حتي ولو كانت بسيطة.
• الغفران.
• الصبر والاستيعاب.
• اختيار توقيت الصراعات وانواعها .
• مواجهة المشاكل وعدم انكارها .
• الحرص علي رؤية الاطفال وهم بصنعون اشياء جديدة .
• التواصل بأقل قدر ممكن من المشاعر السلبية .
اساليب التواصل الخاطئة
# السخرية-التهديد-الكذب-الزن-النقد اللاذع -اللوم الشديد.
# استخدام التأديب الشديد مع الاطفال.
# استخدام الإحساس بالذنب للسيطرة علي الاطفال.
# تذكير الاطفال بأخطائهم بصورة مستمرة.
# وصف الاطفال وتسميتهم بصفات سيئة.
# التقليل من شأن الاطفال.
# عدم احترام مشاعر الاطفال .
# التواصل مع الاطفال اثناء موجات الغضب.
# مقاطعة الاطفال اثناء محاولة التعبير عن شيء.
التواصل في الاعمار المختلفة
من صفر الي سنة ( ٠-١٠)
• يستطيع الطفل ان يشعر بكثير ممن يحدث داخلك وماتحاولين قوله حتي لو لم يفهمه الكل
• يعتمد التواصل في هذا السن علي الاستجابة السريعة للانفعالات تعزيه البكاء
• يجب ان تستخدم الأم تعبيرات وجه مبالغ فيها
• حاولي ان تضعي معاني لمحاولات الطفل للتواصل
• استفيدي من اوقات الاكل والنظافة لتتحدثي مع طفلك
• استخدمي اصوات وحركات ملفتة للتواصل مع الطفل
من سنة الي ثلاث سنوات(١-٣)
• يستخدم الطفل بعض الكلمات والحركات للتواصل .
• ساعدي طفلك في تكملة الحروف، في تسمية الاشياء ، في استكمال الجمل دون عصبية او توتر ، فنحن في مرحلة التعلم .
• اعطي الطفل امرا واحدا فقط في المرة.
• تحضير الطفل باستمرار لما سوف يحدث.
• احرصي علي التواصل مع طفلك اثناء فعل الاشياء سويا .
• اشرحي اسباب ماتريديه ان يفعله حسب مستوي فهمه.
• احكي مع طفلك عما تفعلين ، عودي نفسك علي التحدث مع طفلك فهذا له تاثير مهم علي العلاقة بينكم .
• سمي لطفلك مشاعره بتعبيرات الوجه ومن خلال القصص
من ثلاث سنوات الي ست سنوات (٣-٦)
• يحب الاطفال التحدث عما حدث في الماضي.
• يحب الاطفال التحدث مع نفسهم اثناء اللعب.
• اشتركي معه في العاب الخيال.
• الحكايات تساعد الطفل علي فهم او هضم ما يحدث في يومه .
• احرصي علي وقت خاص شبه يومي للتحدث عن مايهم الطفل .
وقت الدردشة العائلية
-يستطيع الطفل ان يعبر عن نفسه بشكل افضل .
-شجعيه ان يعرف ويعبر عن مايحب ومايكره ، وعن اللي فرحه واللي زعله في يومه .
-ايه اللي بيضايقه منك وايه اللي بيبسطه.
-علمي طفلك وضع بعض الاهداف في تغيير السلوك واستعيني بها لمساعدته .
-اختاري الوقت المناسب لك وله للكلام.
-العبي لعبة تبادل الادوار .
-التوجيه والتعليم في مهارات التواصل مع الآخرين مهم لهذه المرحلة .
-لما تلاقي مشكلة في تواصله مع الآخرين كوني حكيمة واحترمي ضعفه ، وفكري معه في الحل .. مرة اخري : الحوار والاجتماع الاسري فكرة جيدة .
نصائح:
+ كن مستمعا جيدا ، ليس فقط بأذنك ، بل بمشاعرك .
+ النظر في العين اثناء التواصل مهم لاننا نتواصل ليس فقط بالكلام .
+ استخدم عبارات قصيرة فيها الكثير من صيغة " انا" وليس" انت" .
+ حاول ان تشعر بما يشعر به طفلك.
+ عندما تتحدث مع طفلك ، حاول ان تتوقف عن عنل اي شيء آخر ( تليفون ، جرائد ،...الخ).
+ لاتقيس اولادك علي مقاييسك ، ولكن اقبل الاختلاف .
+ اعرف ان طفلك له رأي مهما صغر سنه ، واحترامك لهذا الرأي يبني شخصيته.
+ شجع طفلك وامدحهز.
+ لاتدخل في خناقة مع طفلك ( اذا فزت ، فقد خسرت!).
+ النقد البناء ( لاتنتقد شخص الطفل ، ولكن الذي فعله ) .
+ تعلم ان تعبر عن مشاعرك مع اطفالك ( التواصل شيء يحدث في اتجاهين).
+ لاتتحدث مع طفلك وانت تشعر بالغضب او التعب.
توقعات النضوج
_لازم واحنا بنربي العيال يكون في بالنا نكبرهم ونأخدهم للمرحلة التطورية القادمة.
-لازم نحضرهم للاستقلال عشان يقدروا يعملوا كل حاجة لوحدهم .
-مهم جدا ماأعملش للطفل اللي هو يقدر يعمله.
-يحتاج الطفل الي الحماية من المخاطر التي لايعرفها ولايستطيع حماية نفسه منها مثلا : الأكل ، النظافة ، التليفزيون ، المخاطر اليومية .
-يجب نعلم الاطفال ان يحموا انفسهم من المخاطر حسب السن .
-ان ادرك اني ساترك هذه الوظيفة حين اعلمه كل مايحتاج ان يعرفه ، حتي لو انا عندي وقت والموضوع مش صعب علي، لكن لابد ان اري ما هو اكثر فائدة للطفل .
فإن كنا نحنو ونصبر ونسامح عند الخطأ ونقبل العيوب والضعفات ونشجع علي الإبداع ونعلم بصبر واحتمال ، فسيفعل الطفل مع نفسه ذلك ، سيسامح نفسه وسيقبل نفسه وسيصبر علي نفسه .
وإن كنا مع كل هذا حازمين في وضعنا للنضوج ودفعنا لتحمل المسئولية والاستقلالية ، سيستطيع الطفل حين يكبر ان يمارس تحمل المسئولية وضبط النفس.
يمكن عمل ده كله عن طريق وقت خاص نقعده مع بعض، اللعب مع الطفل ، الدف والحب، التواصل اليومي الجيد ، عمل الاشياء معا .
احنا دورنا نفهم العيال ان عليهم مسئوليات ، ولازم تكون بتزيد مع السن طبعا لازم تكون مناسبة لسنهم .
انا بصراحة بأشوف مآسي من الاهل.. فاكرة انها كده بتريح العيال وهي بتمرضهم .
لازم الطفل يشعر انه ينتمي للبيت ده وللعيلة دي ، وبيساعد وبيعمل زيه ماما وبابا ، بس علي اد سنه وجسمه .. دي حاجة مهمة جدا في انتمائه للبيت.
البيت بيقدم حب ولعب وتواصل ووقت وصلاحيات كتير ، ومعاها مسئوليات بتكبر كل ما الطفل يكبر .
والحزء التاني المهم هو مسئوليته عن نفسه عن مذاكرته وده بقي اللي فعلا باشوف فيها مهازل :
الأمهات والآباء:
-يعني يادكتورة اسيبه يسقط ؟!
-لو مقعدتش معاه مش هيذاكر !
-هيعمل الواجب في ساعتين !
-كل شويه بيقوم !
-إلا العربي لازم أذاكره له مقدرش !!
-بس يعدي الثانوية وبعدين اسيبه!
-مابيمسكش كتاب لو سبته!
وبعدين ياامهات ؟!!!
هو إحنا مدرسين ولا اهل ؟ هو احنا دورنا ايه؟
دوري اتأكد إنه فاهم دروسه وبيعمل اللي عليه ..
دوري اعلمه إن دي مسئوليته ، مش بتاعتي..
يعني أول حاجة اننا احنا نعرف فعلا إنها مش مسئوليتنا ونصدق ده ..
إحنا مسئوليتنا إننا نعرفهم :
-يذاكروا إزاي ... المكتب نظيف .. الإضاءة كويسة .. يقعد فين ..
-وهو صغير اخليه يجيب الواجب ويقول لي هو عارف هيعمل ايه .. ولا عاوزني اقول له ؟
-اشوفه ، وابتدي اعمل حاجة ، وارجع اشوفه تاني ، وهكذا ..
-اعلمه حاجاته يحطها في الشنطة وازاي يحضرها .
-مثلا ممكن اشرح حاجة ، أملي.. اسمع شرحه لي.. يسمع لي ..
بعني اساعده يذاكر ، مش بأذاكر له !
لأن اذا كنت هأعمل له الحاجة الوحيدة المسئول عنها ، هيتعدم المسئولية ازاي ؟! هيكبر ازاي ؟!
انسحبوا بالتدريج .. شوية شوية .. وساعدوهم يعملوا دورهم ومسئوليتهم بنفسهم .
عارفين بتعمل ايه تاني العلاقة مع الطفل ؟
١ الطفل بيسمع مننا وبيعرف هو مين ، وبيساوي ايه .
٢أد ايه هو مهم ... مش علشان شاطر وجميل وبيعرف يعمل حاجات ، لا علشان هو انسان خلقه الله الفنان .
٣علشان بصوته مش زي غيره .
٤علشان مفيش اتنين زي بعض حتي لو كانوا توأمين .
٥ علشان تركيبته وشكله وشخصيته والحاجات الحلوة اللي فيه ، والحاجات الوحشة اللي فيه مش زي اي حد .
٦ مميز .. بنقول مميز وفريد .
٧ مش علشان هو ابنك انت بس .. لا علشان ربنا خلق كل انسان كده يمثل قطعة فنية مميزة .
٨ علشان هو فاكهة زي البني آدمين كلهم فاكهة .
٩ دورك ياماما وبابا تشوفه وتبذل مجهود تفهمه وتفهمه نفسه علشان يعرف هو مين .
١٠ مش تتخانق معاه ومعها علشان يبقوا اللي انت عاوزه واللي الناس عاوزاه واللي يرضي تيتة وعمه وخالتو والمدير !
١١ عاوزين نساعد عيالنا يحبوا كياناتهم زي ماهي ، ويحاولوا يغيروا اللي عاوزينه لكن مايسمحوش لحد يشكلهم علي مزاجه.
١٢ انا عندي عيوب ومحاسن ، بس انا حلو واتحب.
١٣ عاوزين اطفالنا يفهموا يعني إيه انسان مميز ، يعني ايه مش لازم تبقي زي حد حتي ولو كان شاطر .
# "" بص صاحبك جاب كام !"""
#""" بص صاحبك بيعمل ايه !""
#"" بص اخوك مؤدي ازاي!""
# "" انت حلوة وقمورة يس لو تخسي!""
#"" بس لو يدردح كده !""
#"" بس لو يجمد كده ويقف للناس ويتكلم!""
عاوزين نفهمه عن شخصيته ، مثلا :
• عملي وللاحساس ومليان مشاعر ؟
• بيحب التغيير وللا صعب عليه وبيأخد وقت علي ما يتأقلم ؟
• بيشحن او بيحب التواجد مع الناس وللالوحده؟
• بيتكسف ولامعندوش مشكلة مع حد ؟
• وحاجات تانيه كتير ممكن نقرا ونتعلم عنه في ميول الشخصيات اللي عيالنا بيتولدوا بيها وعاوزين نفهمهم الاول ونفهمهم نفسنا .
• علي فكرة لو احنا كلأهل ماعملناش كدة محدش هيعرف وعيالنا بيبتدوا يتعرفوا علي نفسهم في العشرينات او الاربعينات لاول مرة!
انا بأحزن قوي قوي لما بأشوف أمهات كتير مش عارفة هي
مين ؟ بتحب ايه؟ايه اللي بيبسطها ؟
عايشة وخلاص بتعمل كل المطلوب منها.
واصعب سؤال : إنت بتحبي إيه؟؟
مابتعرفش تقول ""لا"" لحد .. لا للعيال ولا لجوزها ولا لجيرانها ولا لأي حد !
عارفين يعني ايه "" لا"" ؟ يعني حاسبي انت دايسة علي وعلي حتة مني !
السؤال هنا .. اذا كنت مش عارفة انا مين وفين حدودي هاعرف منين انك دايسة علي !؟
ابذلوا مجهود تفهموا عيالكم وتعرفوهم .. تقضوا معاهم وقت ، مش تظبطوهم .
حبوهم زي ماهم ، واشكروا ربنا علي الحلو والوحش ، وساعدوهم يكونوا اللي اتخلقوا عليه .. مش اللي احنا عاوزينه.
إزاي ؟؟
وقت ولعب ورؤية .. يعني اتفرج عليه هو ، مش بس علي تصرفاته .
اعمل حاجات معاهم .. اتمشي معاهم .. اقروا معاهم .. صلوا معاهم
كلوا معاهم ... اطلبوا منهم يساعدوا ويعملوا حاجات معاكم .
عارفين بتعمل إيه تاني العلاقة :
◦ بتعلمهم يتعاملوا ازاي مع نفسهم . لو احنا مش في علاقة حلوة معاهم فيها تواصل يومي مش هيبقوا عارفين ولامتواصلين ولاقريبين من نفسهم
◦ انا باشوف ناس كتير قوي عايشة وبتنحز ، لكن بعيدة جدا عن نفسها كأنها متبرمجة علي اسلوب حياة .. مش مختارة تعيش وتختار !
◦ فبيعملوا في نفسهم ومع نفسهم نفس اللي احنا بنعمله معاهم :
◦ اتفرجوا بتعملوا ايه مع عيالكم.. وللاسف هيعملوه بالضبط مع نفسهم او هيعملوا عكسه يمكن مش دلوقتي ،ألكن لما يكبروا واحنا صوتنا الخارجي يسكت في حياتهم ، هيطلع ده كله من جواهم !
◦ بنتخانق كتير معاهم هيتخانقوا كتير مع نفسهم !
◦ بنلومهم كتير هيلوموا نفسهم!
◦ بنطلب منهم فوق طاقتهم هيفضلوا طول عمرهم طالبين فوق طاقتهم من نفسهم !
◦ بنقارنهم بالناس هيقارنوا نفسهم !
◦ مش هنقبلهم مش هيعرفوا يقبلوا نفسهم وهيفضلوا بيحاولوا يغيروا حاجة ورا حاجة علشان يعرفوا يقبلوا نفسهم ويقعوا في فخ اسمه القبول والحب المشروط.
بنحترمهم ..
بنحبهم ..
بنطبطب عليهم ..
بنسامحهم ..
بنشوف التحسن والتغيير البسيط ونصفق لهم ..
بنقول لهم عن الحاجات الحلوة اللي فيهم ، هيعملوا كده مع نفسهم ويشفوها.
يعني إيه؟
١يعني نشوفهم علي بعض ، مش افعالهم تصرفاتهم واخطائهم .
٢ نحبهم زي ماربنا خلقهم، مش لما يعملوا اللي يرضينا .
٣ نقبل عيوبهم ونساعدهم مش نلومهم .
لو عاوزين اطفالنا علاقتهم بنفسهم تبقي سوية ، لازم احنا تكون علاقتنا بهم سوية.
مش بس كدة، معلش هاصعبها شوية : لازم نتعلم إحنا كمان نبقي في علاقة مريحة مع نفسنا ، يعني اعرف احبني واقبلني بالحلو والوحش.
اسمعني، اسمع احتياجاتي ومشاعري اشجعني احفزني افرح بإنجازاتي القليلة يعني اكبر في اني افهم نفسي واللي باحبه واللي بأكرهه.
يمكن اعمل مع نفسي اللي اهلي غلطوا فيه وماعرفوش يعملوه معايا ..
العلاقة المريحة مع الاهل اساس الصحة النفسية، بتخليني عارف نفسي فاهمها مرتاح معاها وقابلها .
عارف اسامح نفسي واشجع نفسي واحفز نفسي.
والعلاقة كمان بتعلمهم يعني ايه علاقة
بأعرف اعمل علاقة صحية وشبه سوية مع الناس اللي في حياتي لأن الأهل هم اول نموذج للعلاقة في حياتي. بأفهم منهم يعني ايه علاقة .
الحب المشروط
ان اكون اللي الآخر عاوزه وابتدي اعمل كده مع كل اللي اعرفهم ، عاوز ارضيهم علشان يحبوني ، هو ده اللي ماما وبابا علمهولي:
""" خليك حلو واسمع الكلام علشان احبك"""
وحتي لو مقلنهاش هنعملها
الحب غير المشروط
يعني أخد وعطا ء ، يعني انا وانت .. حدودك وحدودي واللي إنت عاوزه واللي انا عاوزه كمان ، مش إنت وبس.
عارفين بتعمل إيه تاني العلاقة بين الأهل والطفل؟ بتعمل علاقة بيني وبين نفسي!
يعني اعرف آخد وأدي معايا .. اطبطب واوبخ .
وكأني متصالحة ومرتاحة مع نفسي بعيوبها ومحاسنها .
وكمان متصالحة مع فكرة إن كل الناس فيها حلو ووحش ، وإني محتاجة لهم ومفيش حد كامل .
أعرف أنا مين وحاسة بإيه وبأحب إيه : يعني اكون عايشة بكل ابعادي ، اكون موجودة.. مختارة.. حية.. مش مغيبة .. مش منساقة .. مش ماشية زي ما الناس والدنيا والالتزامات ممشياني! مع احترامي الكامل لكل الامتيازات .
مش مخي بس واختياراتي بس.
واللي انا عاوزاه وحاساه ، مش ماشي مع ده.
بأشوف ناس عايشة بأجزاء من نفسها سنين طويلة من حياتها . يعني ايه؟؟
زي مابنشوف أهالي كتير مش بتسمع عيالها ولابتشوفهم عاوزين ايه، لكن بيزقوهم بالعافية ومرات بالذوق علشان يعملوا الصح والمفروض واللي الاهل شايفينه الاحسن والافيد ووووو..
وكأن الطفل بيعطل كل اللي جواه واللي حاسة ويفضل يكبر وينجز ويعمل الصح، واللي اهله عاوزينه ، وبعدين لما يكبر يسأل نفسه هو انا مين وعاوز ايه؟
وكأن فيه اتنين : حد جوة له دماغ ، وحد برة ماحدش سمعه ولا ساله رايك ايه، ولا حس اد ايه ممكن يكون بيصارع علشان يعمل المطلوب .
طبعا يمكن ده مش حال كتير من عيالنا في الجيل ده، بس حال كتير قوي من الامهات اللي باقابلهم .
انا بأتكلم علي كتير مننا كأمهات ما اتسألناش، لكن عيشنا وكبرنا ، فما اتعلمناش نسأل نفسنا بنحب ايه وعاوزين ايه !؟
وايه المشكلة يادكتورة مااحنا كويسين ومتربيين ومفيش حاجة ؟!
مالك طول الوقت تقولي نحس بنفسنا .. نعمل اللي بنحبه .. نختار .. نعوز.. نسمع نفسنا ..
علي فكرة فيه مشكلتين في ده :
اول حاجة هاقولها تاني كل واحد مميز ومختلف علي بعضه ومحدش زي حد ، فلو ما ادركناش ده وعرفنا احنا مين ومخلوقين نبقي إيه ونعمل إيه ، وإيه اللي بنحبه وإيه اللي بنتميز بيه ، وايه هي شخصياتنا ، سهل قوي نلاقي الناس والدنيا والظروف شكلتنا علي حاجة عكسنا تماما او علي الاقل مش احنا .
والحاجة التانية انه لو مافهمتش الكلام ده وماعرفتش ازاي اعمله مش هاعرف اعمله مع عيالي .
علاقة يعني إيه؟
هي بين اتنين لهم كيانات مختلفة ، لهم افكار ومشاعر وإرادة وأدوار مختلفة .. بأتواصل مش باقرب وبس، كل واحد في مكانه .
هي الماسورة اللي من خلالها باوصل للطفل احتياجاته من الحب والاعجاب والحنان والتقدير والفهم واحترام الكيان ومن خلالها باعلمه عن نفسه .
ومن خلال العلاقة بأدبه يعني باحط له الحدود .
علاقة يعني تواصل : بين فكري وفكر الطفل.
مشاعري ومشاعر الطفل ... ارادتي وارادته .
تواصل يعني اشوف الشخص ، اشوفه بابعاده التلاتة ، واحس بهم واتعامل معاهم ... مش بس بتعامل مع الجسد واحتياجاته .
العلاقة الوالدية السليمة
١هي التي اشعر فيها اني مقبول ومقبولة كما انا وبدون شروط.
٢هي التي اتمتع فيها بالتواصل المريح حيث اتكلم ويصغي لي .
٣عي التي اجد فيها التعلم والارشاد الذي قد يصل مرات ان اجد من يده بيدي ليعلمني كيف وليس فقط ان يقولها .
٤ في العلاقة الوالدية السليمة عندما انظر في مرآة ابي او امي اعرف الكثير عني محاسني ومساوئي ، اعرف من انا .
٥ في العلاقة الوالدية السليمة تسدد احتياجاتي النفسية من الحب والحدود .
٦ في العلاقة الوالدية السليمة تشعرني اني مهم لبعض الاشخاص ولكن لا تدور الدنيا حولي .
٧ في العلاقة الوالدية عندما يخطيء احد يعتذر وعندما يعتذر يسامح حتي وان بقي العقاب ساري في بعض الاحوال .
٨ في العلاقة الوالدية السليمة اتواصل مع اخر غير كامل ولكنه يحاول ان يعيش ويتغيير ويحلم ويحقق وكانني اتعلم واعرف كيف تعاش الحياة .
في العلاقة الوالدية السليمة اتعلم اني انسان اخطيء واصيب ولدي مناطق قوة ومناطق ضعف ... وأنه لايوجد مثلي في العالم بهذه التوليفة.
٩ في العلاقة الوالدية السليمة اتعلم انه يوجد بداخلي شيء اسمه المشاعر يجب تعلم فهمه التعبير عنه وكذلك التحكم فيه .
١٠ في العلاقة الوالدية السليمة اتعلم اني انسان حر ولي ارادة ولي الحق في الاختيار والاعتراض لان هذا يساعدني علي النمو.
١١ في العلاقة الوالدية السليمة تعلمت ان الوقت والصبر علي نفسي مهم واساسي في تعلم الكثيييير من الدروس من اجل التغيير.
١٢ في العلاقة الوالدية السليمة تعلمت ان التشجيع طاقة تساعدني ان انجز.
١٣ هي التي اشعر فيها اني مقبول ومقبولة زي ماانا من غييير شروط.
١٤ هي التي اتمتع فيها بالتواصل المريح حيث اتكلم ويصغي لي.
١٥ هي التي اجد فيها التعلم والارشاد الذي قد يصل مرات ان اجد من يده بيدي ليعلمني كيف وليس فقط ان يقولها .
١٦ في العلاقة الوالدية السليمة تعلمت ان احترم الآخر كما هو مهما كانت درجة اختلافه عني وعن مبادئي فهو انسان مثلي فيجب معاملته كما احب ان اعامل انا كإنسان .
١٧ في العلاقة الوالدية السليمة تعلمت ان الاعتذار مهم وان العلاقات تحتاج للصيانة التي تتضمن الوقت ومجهود التغيير من اجل الآخر .
اعراض اضطراب العلاقة او عدم وجود علاقة سليمة
١.العند الشديد .
٢.الغضب الشديد.
٣.اللزقة الجامدة لماما وصعوبة ترك الاهل.
٤.عدم رؤية الطفل لنفسه فلايشعر بهويته، يتقمص او يقلد اخرين بصورة مرضية.. يعني زيادة قوي .
٥.الاكتئاب والقلق.
دعاء
يارب اعطني القوة لكي اقبل الاشياء التي لا استطيع ان اغيرها .
والشجاعة لأغير الاشياء التي استطيع ان اغيرها .
والحكمة لاعرف الفرق بين الاثنين .
ساعدني ان احيا يوما بيوم.
استمتع بكل لحظة في وقتها .
ساعدني ان اقبل الصعاب واجتاز فيها لاصل للسلام .
ساعدني ان اقبل العالم والناس كما هم وليس كما اريدهم ان يكونوا .
ساعدني ان اتغير انا .
واثقا انك صاحب السلطان وسوف تفعل كل شيء حسنا ان سلمت قلبي وحياتي لمشيئتك.
التغيير سكة فيها بأجرب اغير طريقي .استفيد من العلم ومن خبرات امهات تانية علشان اكون ام افضل .. وسعيدة اكتر انا واطفالي .
التغيير سكة ( انا) باختار امشيها ، بأغير كتير من اختياراتي واسلوب حياتي .. تاخد زي ماتاخد .. المهم انا ماشية وبأتغير .
تعليقات
إرسال تعليق