أدوار البرد النفسية
أدوار البرد النفسية
بنتي يادكتورة بتسرق مني... عندها ٧ سنين ، أبوها مسافر وهي متعلقة به قوي، بس نعمل إيه يادكتورة الحياة صعبة ولازم يشتغل .
تاخد حاجات مش لازم فلوس ، ممكن ساعة أو غويشة، وأقعد أدور وهي بتشوفني وانا بأدور قدامها ومنهارة وبأتخانق مع الشغالةوبأسرقها ، وهي شايفة ده كله وما تقولش... وفين بعديها بساعات تقول لي روحي بصي كده.. والاقيها .
انا مش عارفة بتعمل كده في ليه يادكتورة؟؟؟
علي فكرة انا اللي بأسأل هنا ، إيه اللي انت بتعمليه مضايقها قوي كده ومخليها عاوزة تضايقك؟؟؟
مشاكل الاطفال
هأتكلم هنا عن اكتر مشاكل انا شخصيا بأشوفها وعلي الحاجات اللي يمكن معظم الاهالي بتشوفها.
كتير من المشكلات السلوكية التي يعاني منها الاطفال لها شقين:
-الأول هو عدم وجود علاقة صحية مع الطفل.
عدم وجود علاقة فيها فهم وحب وكلام وتواصل ولعب وكأني عاوزة أقول إنه جزء كبير من مشاكل الاطفال اللي بتيجي بتكون بسبب نقص علاقة صحية مع الاهل.
-إما الأهل بيضغطوا علي الطفل بطلبات وتعليقات كتيرة.
-وإما الأهل ماعندهمش وقت يقضوه مع الطفل وبالتالي مش بياخذ احتياجاته النفسية الاساسية.
الاهل بيستخدموا اساليب تأديب او تربوية غير صحيحةبالمرة تؤثر علي الطفل بشكل سلبي وتودي إلي سلوكيات خاطئة .
-وساعات الأهل بيبقي عندهم نقص شديد في الحدود او مش عارفين يعني إيه حدود فالحياة بتبقي عايمة.
يعني عدم فهمنا للأطفال أو محاولة التواصل معهم لفهمهم ، ولو عملنا ده بنعمله تحصيل حاصل علشان نبقي سمعناه، وبرضه لو علاقتنا مش كويسة معاه، الطفل مش هيعرف يتكلم ويعبر .
الطفل ممكن يكون جواه حاجات كتير حاصلة ومش عارف يعبر عنها ، فبيكون سلوكه ده هو طريقة التعبير .
مرات اسلوب الحياة الطبيعي اللي فيه حب وحدود ، بمعني ايه اللي بيتعمل ؟ وإمتي؟ ودور كل واحد .. بيقلل تلقائيا من مشاكل وسلوكيات الأطفال الخاطئة.
فمثلا:
١- الكذب
لما ام تيجي تقول ابني بيكذب كتير، فأول حاجة اعرفها هي اسلوب العقاب بتاعها .
كتير من الاطفال بتكذب لتفادي العقاب، وكثير بتكذب علشان مش عاوزة ماما او بابا يزعلوا لما يعرفوا إني غلطت!!
لازم نطمئن العيال ونفهمهم إن كلنا بنغلط، وكمان لازم نقلل العقاب للي هيغلط ويقول الصدق او يعترف إنه غلط. لازم نصفق لهم او نظهر اعجابنا رغم انه غلط لكن رجع وقال الحقيقة.
فكأننا بنعلي من قيمة( الصدق) عن ( الصح والغلط).
٢-بيجيب حاجات من المدرسة
طبعا ناس كتير بتسميها سرقة، انا باعتبرها تصرف طبيعي في السنوات الاولي للمدرسة، ساعات الطفل مش بيبقي فاهم الفرق بين الحاجة بتاعته او لأ.
فبحتاج نفهمه ونقول له رجع دي بكرة علشان مش بتاعتنا.
لو حاجة عجبتك اطلب من صاحبك تلعب بها وترجعها له! وخد معاك حاجة ممكن تديها له يلعب بها ، وانت تلعب بحاجته.
ولو الموضوع استمر ، عادة ومن خبرتي ، يبقي الطفل زهقان في المدرسة، او ظروف استجدت في البيت : الأب اتشغل وبطل يلعب معاه .. ماما مضغوطة وبتزعق كتير او حد بنحبه مسافر او توفي.
٣-التبول اللاارادي
بعض الحالات بتكون بسبب نقص الحدود بمعني الطفل بيأكل ويشرب في اي وقت مفيش ضوابط .
يعني لازم نوقف شرب ميه قبل النوم بساعتين ،
الطفل يغير الملاية لنفسه .
وممكن نعطي حافز او مكافأة للطفل لو صحي الصبح ناشف.
٤-قرقضة الاضافر
علامة قلق كتير من الاطفال بتمر بها.
لو الموضوع جديد نحاول نعرف لو فيه ضغوط محيطة.
نزود الفسح ، التمرينات ، المشي، السباحة، نلعب مع الاطفال اكتر .. نشغل الاطفال ( يعني نخلي ايدهم مشغولة) ، نفكر معاهم ايه اللي يساعدهم يوقفوا ونكافئهم لو ضوافرهم طولت .
كلها حاجات تقلل القلق ، لان في ضغوط مش هنقدر نشيلها زي الذهاب للمدرسة.. . وجود طفل جديد ... طلاق ... شخص توفي .
٥- النشاط الزيادة
في اطفال كتير نشاطها زيادة، والاولاد بنسبة اكبر طبعا .
لازم نعرف إزاي نوجه الطاقة دي.
لازم يقضي وقت أطول في أماكن مفتوحة.. تدريبات اكتر .
وفي الأماكن المقفولة زي البيت والعربية لازم يكون في حاجات كتير الطفل يقدر يلعب بها ويحرك إيده : يقرأ ، يلون ، يركب لعبة.
٦- العند
اسباب العند اللي كتير قوي بأشوفها هي الطريقة اللي الأهل بيتعاملوا بها مع الطفل والطريقة اللي بيطلبوا بها الحاجات .
إعطي أطفالك عشر دقايق بس في اليوم لكن إلعب معاه لعبته ، هيسمع الكلام .
اتفق معاه علي اللي إنت طالبه منه، لكن ماتديهوش اوامر علي الهواء ، هيسمع الكلام.
٧- العنف
طبعا كلنا عارفين إن العنف تصرف مكتسب بسبب الطريقة اللي بيتعامل بها الطفل.
لو بطلنا نعنفه وكلمناه بهدوء، هيبطل عنف.
لكن كمان لازم احنا كأهل نحط حدود للتصرف العنيف بمعني لو زعق او ضرب نشيل منه مميزات او حاجات من اللي بيحبها ، بس طبعا يكون باتفاق مسبق.
٨- القلق بأنواعه
من اكتر المشاكل اللي بتعاني منها الاطفال هي القلق بصوره المختلفة ، مثلا:
بتكتب وتمسح كتير قوي بطريقة مبالغ فيها .
بتوضب الحاجات بشكل معين.،
بتتأخر في الحمام لوقت طويل ،
بتغسل ايدها كذا مرة،
بتنشف جامد قوي وبتخلص ورق المناديل،
تتأكد كذا مرة إن الباب مقفول،
بتعيط جامد ومش عاوزة تسيب بابا وماما،
مش عاوزة تروح المدرسة وتسيبنا،
بتخاف من الحيوانات بشكل مبالغ فيه.
بتخاف من العرايس الكبيرة وغيره،
تتكلم كويس قوي في البيت وفي المدرسة وفي بعض الاماكن تسكت خالص،
اهالي كتير متعرفش كده وبيقولوا عليه دلع ، او علشان يريحوا العيال بيصدقوهم ويمشوا معاهم في اللي بيقولوه .
مرات الاطفال بتبقي عصبية وعنيفة قوي اكتر من الاهل نفسهم.
مرات الاطفال بتبقي حزينة ومكتئبة بدرجة كبيرة وممكن نسمع كلام عن انتحار .
مرات الاطفال بتقول ( لأ) فعلا علي كل حاجة حتي لو احنا اتفقنا واسلوبنا كويس وعملنا كل اللي نعرفه .
مرات الاطفال بتبقي فعلا مش بتقعد ومش بتركز خالص في المذاكرة .
مرات الاطفال خوفها بيبقي زيادة قوي وفعلا مش بتنام خالص.
مرات الاطفال بتبقي مش عارفة توقف اكل او كذب او سرقة .
مرات الاطفال بتبقي مش قادرة توقف تتفرج علي مواقع غلط.
حسب درجة المشكلة لازم نتصرف !
في اطفال بتحتاج تروح لدكتور نفسي، وفي طرق كتيرة حسب عمر الطفل ، وفي اطفال بتحتاج ادوية ، وفي اطفال التواجد مع الاهل والتطمين والكلام بيساعد.
فلو الموضوع بيزيد ، ويؤثر علي سلوك وتصرفات الطفل يبقي لازم نتدخل ونروح لحد.
لأن القلق وبالذات الوسواس مؤلم جدا للطفل لدرجة العذاب ، والطفل فعلا بيبقي محتاج حد معاه فاهم ويساعده.
عاوزة اقول من خبرتي إنه كلما كان بدري يكون احسن .
وعاوزة اقول ان العلاج بيساعد جدا مش بس الطفل او المراهق ، لكن الأهم بيساعد الأهل يتصرفوا ازاي لان كتير من التحسن معتمد علي طريقة الاهل في التعامل مع المشكلة .
لازم نقرأ ونتعلم طول ما إحنا بنربي.. لازم نتعلم ونفهم ونحاور ونسأل ونتغير .. لازم نقبل ان اطفالنا فيهم مشاكل .. لازم نعرف ان اهم واشطر دور بنعمله كأهل في مشاكل الاطفال هو قبولهم زي ماهم... وبعدين ازاي نساعدهم .. وبعدين ازاي نتغير وفي إيه ، علشان يمكن احنا نكون السبب بشكل مباشر او غير مباشر . وبعدين بكتييييييييير نهتم برأي الناس.
التغيير سكة فيها بأجرب اغير طريقتي. استفيد من العلم ومن خبرات امهات تانية علشان اكون أم افضل .. وسعيدة اكتر انا واطفالي .
التغيير سكة ( انا) باختار امشيها ، باغير كتير من اختياراتي واسلوب حياتي .. تاخد زي ماتاخد المهم انا ماشية وباتغير
بنتي يادكتورة بتسرق مني... عندها ٧ سنين ، أبوها مسافر وهي متعلقة به قوي، بس نعمل إيه يادكتورة الحياة صعبة ولازم يشتغل .
تاخد حاجات مش لازم فلوس ، ممكن ساعة أو غويشة، وأقعد أدور وهي بتشوفني وانا بأدور قدامها ومنهارة وبأتخانق مع الشغالةوبأسرقها ، وهي شايفة ده كله وما تقولش... وفين بعديها بساعات تقول لي روحي بصي كده.. والاقيها .
انا مش عارفة بتعمل كده في ليه يادكتورة؟؟؟
علي فكرة انا اللي بأسأل هنا ، إيه اللي انت بتعمليه مضايقها قوي كده ومخليها عاوزة تضايقك؟؟؟
مشاكل الاطفال
هأتكلم هنا عن اكتر مشاكل انا شخصيا بأشوفها وعلي الحاجات اللي يمكن معظم الاهالي بتشوفها.
كتير من المشكلات السلوكية التي يعاني منها الاطفال لها شقين:
-الأول هو عدم وجود علاقة صحية مع الطفل.
عدم وجود علاقة فيها فهم وحب وكلام وتواصل ولعب وكأني عاوزة أقول إنه جزء كبير من مشاكل الاطفال اللي بتيجي بتكون بسبب نقص علاقة صحية مع الاهل.
-إما الأهل بيضغطوا علي الطفل بطلبات وتعليقات كتيرة.
-وإما الأهل ماعندهمش وقت يقضوه مع الطفل وبالتالي مش بياخذ احتياجاته النفسية الاساسية.
الاهل بيستخدموا اساليب تأديب او تربوية غير صحيحةبالمرة تؤثر علي الطفل بشكل سلبي وتودي إلي سلوكيات خاطئة .
-وساعات الأهل بيبقي عندهم نقص شديد في الحدود او مش عارفين يعني إيه حدود فالحياة بتبقي عايمة.
يعني عدم فهمنا للأطفال أو محاولة التواصل معهم لفهمهم ، ولو عملنا ده بنعمله تحصيل حاصل علشان نبقي سمعناه، وبرضه لو علاقتنا مش كويسة معاه، الطفل مش هيعرف يتكلم ويعبر .
الطفل ممكن يكون جواه حاجات كتير حاصلة ومش عارف يعبر عنها ، فبيكون سلوكه ده هو طريقة التعبير .
مرات اسلوب الحياة الطبيعي اللي فيه حب وحدود ، بمعني ايه اللي بيتعمل ؟ وإمتي؟ ودور كل واحد .. بيقلل تلقائيا من مشاكل وسلوكيات الأطفال الخاطئة.
فمثلا:
١- الكذب
لما ام تيجي تقول ابني بيكذب كتير، فأول حاجة اعرفها هي اسلوب العقاب بتاعها .
كتير من الاطفال بتكذب لتفادي العقاب، وكثير بتكذب علشان مش عاوزة ماما او بابا يزعلوا لما يعرفوا إني غلطت!!
لازم نطمئن العيال ونفهمهم إن كلنا بنغلط، وكمان لازم نقلل العقاب للي هيغلط ويقول الصدق او يعترف إنه غلط. لازم نصفق لهم او نظهر اعجابنا رغم انه غلط لكن رجع وقال الحقيقة.
فكأننا بنعلي من قيمة( الصدق) عن ( الصح والغلط).
٢-بيجيب حاجات من المدرسة
طبعا ناس كتير بتسميها سرقة، انا باعتبرها تصرف طبيعي في السنوات الاولي للمدرسة، ساعات الطفل مش بيبقي فاهم الفرق بين الحاجة بتاعته او لأ.
فبحتاج نفهمه ونقول له رجع دي بكرة علشان مش بتاعتنا.
لو حاجة عجبتك اطلب من صاحبك تلعب بها وترجعها له! وخد معاك حاجة ممكن تديها له يلعب بها ، وانت تلعب بحاجته.
ولو الموضوع استمر ، عادة ومن خبرتي ، يبقي الطفل زهقان في المدرسة، او ظروف استجدت في البيت : الأب اتشغل وبطل يلعب معاه .. ماما مضغوطة وبتزعق كتير او حد بنحبه مسافر او توفي.
٣-التبول اللاارادي
بعض الحالات بتكون بسبب نقص الحدود بمعني الطفل بيأكل ويشرب في اي وقت مفيش ضوابط .
يعني لازم نوقف شرب ميه قبل النوم بساعتين ،
الطفل يغير الملاية لنفسه .
وممكن نعطي حافز او مكافأة للطفل لو صحي الصبح ناشف.
٤-قرقضة الاضافر
علامة قلق كتير من الاطفال بتمر بها.
لو الموضوع جديد نحاول نعرف لو فيه ضغوط محيطة.
نزود الفسح ، التمرينات ، المشي، السباحة، نلعب مع الاطفال اكتر .. نشغل الاطفال ( يعني نخلي ايدهم مشغولة) ، نفكر معاهم ايه اللي يساعدهم يوقفوا ونكافئهم لو ضوافرهم طولت .
كلها حاجات تقلل القلق ، لان في ضغوط مش هنقدر نشيلها زي الذهاب للمدرسة.. . وجود طفل جديد ... طلاق ... شخص توفي .
٥- النشاط الزيادة
في اطفال كتير نشاطها زيادة، والاولاد بنسبة اكبر طبعا .
لازم نعرف إزاي نوجه الطاقة دي.
لازم يقضي وقت أطول في أماكن مفتوحة.. تدريبات اكتر .
وفي الأماكن المقفولة زي البيت والعربية لازم يكون في حاجات كتير الطفل يقدر يلعب بها ويحرك إيده : يقرأ ، يلون ، يركب لعبة.
٦- العند
اسباب العند اللي كتير قوي بأشوفها هي الطريقة اللي الأهل بيتعاملوا بها مع الطفل والطريقة اللي بيطلبوا بها الحاجات .
إعطي أطفالك عشر دقايق بس في اليوم لكن إلعب معاه لعبته ، هيسمع الكلام .
اتفق معاه علي اللي إنت طالبه منه، لكن ماتديهوش اوامر علي الهواء ، هيسمع الكلام.
٧- العنف
طبعا كلنا عارفين إن العنف تصرف مكتسب بسبب الطريقة اللي بيتعامل بها الطفل.
لو بطلنا نعنفه وكلمناه بهدوء، هيبطل عنف.
لكن كمان لازم احنا كأهل نحط حدود للتصرف العنيف بمعني لو زعق او ضرب نشيل منه مميزات او حاجات من اللي بيحبها ، بس طبعا يكون باتفاق مسبق.
٨- القلق بأنواعه
من اكتر المشاكل اللي بتعاني منها الاطفال هي القلق بصوره المختلفة ، مثلا:
بتكتب وتمسح كتير قوي بطريقة مبالغ فيها .
بتوضب الحاجات بشكل معين.،
بتتأخر في الحمام لوقت طويل ،
بتغسل ايدها كذا مرة،
بتنشف جامد قوي وبتخلص ورق المناديل،
تتأكد كذا مرة إن الباب مقفول،
بتعيط جامد ومش عاوزة تسيب بابا وماما،
مش عاوزة تروح المدرسة وتسيبنا،
بتخاف من الحيوانات بشكل مبالغ فيه.
بتخاف من العرايس الكبيرة وغيره،
تتكلم كويس قوي في البيت وفي المدرسة وفي بعض الاماكن تسكت خالص،
اهالي كتير متعرفش كده وبيقولوا عليه دلع ، او علشان يريحوا العيال بيصدقوهم ويمشوا معاهم في اللي بيقولوه .
مرات الاطفال بتبقي عصبية وعنيفة قوي اكتر من الاهل نفسهم.
مرات الاطفال بتبقي حزينة ومكتئبة بدرجة كبيرة وممكن نسمع كلام عن انتحار .
مرات الاطفال بتقول ( لأ) فعلا علي كل حاجة حتي لو احنا اتفقنا واسلوبنا كويس وعملنا كل اللي نعرفه .
مرات الاطفال بتبقي فعلا مش بتقعد ومش بتركز خالص في المذاكرة .
مرات الاطفال خوفها بيبقي زيادة قوي وفعلا مش بتنام خالص.
مرات الاطفال بتبقي مش عارفة توقف اكل او كذب او سرقة .
مرات الاطفال بتبقي مش قادرة توقف تتفرج علي مواقع غلط.
حسب درجة المشكلة لازم نتصرف !
في اطفال بتحتاج تروح لدكتور نفسي، وفي طرق كتيرة حسب عمر الطفل ، وفي اطفال بتحتاج ادوية ، وفي اطفال التواجد مع الاهل والتطمين والكلام بيساعد.
فلو الموضوع بيزيد ، ويؤثر علي سلوك وتصرفات الطفل يبقي لازم نتدخل ونروح لحد.
لأن القلق وبالذات الوسواس مؤلم جدا للطفل لدرجة العذاب ، والطفل فعلا بيبقي محتاج حد معاه فاهم ويساعده.
عاوزة اقول من خبرتي إنه كلما كان بدري يكون احسن .
وعاوزة اقول ان العلاج بيساعد جدا مش بس الطفل او المراهق ، لكن الأهم بيساعد الأهل يتصرفوا ازاي لان كتير من التحسن معتمد علي طريقة الاهل في التعامل مع المشكلة .
لازم نقرأ ونتعلم طول ما إحنا بنربي.. لازم نتعلم ونفهم ونحاور ونسأل ونتغير .. لازم نقبل ان اطفالنا فيهم مشاكل .. لازم نعرف ان اهم واشطر دور بنعمله كأهل في مشاكل الاطفال هو قبولهم زي ماهم... وبعدين ازاي نساعدهم .. وبعدين ازاي نتغير وفي إيه ، علشان يمكن احنا نكون السبب بشكل مباشر او غير مباشر . وبعدين بكتييييييييير نهتم برأي الناس.
التغيير سكة فيها بأجرب اغير طريقتي. استفيد من العلم ومن خبرات امهات تانية علشان اكون أم افضل .. وسعيدة اكتر انا واطفالي .
التغيير سكة ( انا) باختار امشيها ، باغير كتير من اختياراتي واسلوب حياتي .. تاخد زي ماتاخد المهم انا ماشية وباتغير
تعليقات
إرسال تعليق