حدث بالفعل اليوم

 حدث بالفعل 

الإربعاء  20/1/2021

النهاردة وانا فى طريقى للشغل ومسافر اسماعيلية والمطر يتساقط بشكل جميل والجو ساقع لقيت اتنين بيتكلموا مع بعض ومبسوطين وعلى وشهم احلى ابتسامة وواحد ماسك موبايل بيصور السماء  ...

استغربت وقلت ايه الناس اللى فرحانة وبتصور المطر والسحاب 🤔 

عديت الطريق ووقفت جانبهم وبصيت على السماء علشان اشوف الناس بتصور ايه ومبسوطين ليه  ،،، ؟؟؟🤔

لقيت منظر جميل وسط المطر والسقيع لقيت الوان جميلة متناسقة بشكل رائع 

انه 👈 #قوس_قزح  ووقتها قلبى فرح ☺️

وخواطر ورسائل جميلة دارت فى بالى !!! 

حبيت اشارككم فيها وهى كالاتى:

+انى بدأت يومى بربنا وشوفت عظمة اعمال ربنا فى السماء 

+ ربنا بيطمنى ويقولى اوعى تخاف انا موجود وسط التقلبات المناخية 

+ بفكركم بوعدى اننى لم اعد اهلك الارض مرة ثانية يا ترى فاكر ولا ناسى وعدى ليك

+ اطمن انا وياك وموجود والوباء اللى انت خايف منه هيزول 

+ لو ناسى وعدى ليك  انا فاكر  وبفكرك 👌

+ لو خايف وبتفكر كتير فى مشاغل وهموم الحياه انا بطمنك وبقولك انا موجود 

+ قرب يا ابنى منى وهتشوفنى  ... انا بفكرك بيا علشان انت ناسينى 

+ وحشنى صوتك يا ابنى وحبيبى ومشتاق ليك 💞


صدقونى حصل معايا النهاردة وكأن ربنا بيكلمنى وجوايا فرحان رغم مشقة العمل والسفر النهاردة  ...  

إلا ومازلت فرحان ومبسوط انى الهى حى وبيفتقدنى برسائل ظاهرة فى السماء وخواطر خفية تتحدث داخلى  💞🌹

اشكرك يارب على رسايلك الغير متوقعة والمفرحة والمطمئنة  

20/1/2021 

guirguis


تعليقات

إرسال تعليق

المشاركات الشائعة من هذه المدونة

نبات الزوفا

نسمع عن نبات الزوفا في الكتاب المقدس وفى مزمور 51 نقول"طهرني بالزوفا" ؟ ذكرت الزوفا تسع مرات في العهد القديم (خر 12: 22، لا 14: 4 و6 و49، عد 19: 6 و18، 1 مل 4: 13، مز 51: 7)، ومرتين في العهد الجديد، فنقرأ في إنجيل يوحنا: "وكان إناء موضوعاً مملوًّا خلاً، فملأوا اسفنجة من الخل ووضعوها علي زوفا وقدموها إلي فمه" (يو 19: 29). ويقول الرسول في الرسالة إلي العبرانيين: "لأن موسي بعد ما كلم جميع الشعب بكل وصية بحسب الناموس، أخذ دم العجول والتيوس مع ماء وصوفاً قرمزياً وزوفا ورش الكتاب نفسه وجميع الشعب، قائلاً: هذا هو دم العهد…." (عب 9: 19و20). وكان الرب قد أمر موسي قائلاً: "خذوا باقة زوفا واغمسوها في الدم الذي في الطست ومسوا العتبة العليا والقائمتين بالدم الذي في الطست" (حز 12: 22)، وكان هذا أساس الفصح. والإشارة في المزمور الحادي والخمسين: "طهرني بالزوفا" (مز 51: 7) تشير بكل وضوح إلي رش دم الحمل لأنه "بدون سفك دم لا تحصل مغفرة" (عب 9: 22). وفي وصف الكتاب لحكمة سليمان، يقول إنه "تكلم عن الأشجار من الأرز الذي في لبنان إلي الز...
قراءة المزيد

انا بكره امى 1

صورة
أيوه متستغربوش كنت طفل عمره 12 سنه لما حصل خلاف حاد بين والدي ووالدتي نتيجة أزمة مادية كان بيمر بيها بابا ماما كانت بتصرخ في وش بابا جامد وبتتهمه أنه عاجز يكون راجل ويتحمل مسئولية بيت شوفت دمعة في عين بابا ساعتها رفض ينزلها وساب ماما ومشي من البيت لما شوفت في عيونه نظرة حزن وقلة حيله منح وعجز وهو مش عارف يتصرف ليلتها ماما زعقت فيا وطلبت مني أدخل أوضتي نمت بصعوبة وانا حزين على الحالة اللي وصل لها بابا وماما ولما صحيت كان بابا رجع من بره وسألني عن ماما قولتله معرفش هي راحت فين.. يمكن نزلت تشتري شوية طلبات من بره وجايه.. ماما اتاخرت ومرجعتش ..واكتشفنا بعد كدا انها سابت جواب بخط ايدها بتقول فيه سامحني مش هقدر اكمل معاك.. انا هبعد وهعيش حياتي واحاول اعوض نفسي عن اللي فات من عمري معاك ماما اتخلت عني وبعدت في اكتر وقت انا محتاجها فيه ليه كدا انا بحبك ..حرام عليكي بابا دور عليها في كل مكان لكنها اختفت وملهاش اثر تعب نفسيا جدا.. كنت بشوفه بينهار كل يوم وهو بيحاول يبان متماسك قدامي رفض يتجوز وقرر يعيش عشاني انا وبس كنت الابن الوحيد.. رعاني كويس وكملت تعليمي واتخرجت.. ...
قراءة المزيد

فورة

قليل اللي يسمع باسم فورة فورة هو غلام جدعون كل ما ذكر عنه هو ايتين فقط في سفر القضاة 7 وَكَانَ فِي تِلْكَ اللَّيْلَةِ أَنَّ الرَّبَّ قَالَ لَهُ: «قُمِ انْزِلْ إِلَى الْمَحَلَّةِ, لأَنِّي قَدْ دَفَعْتُهَا إِلَى يَدِكَ. 10وَإِنْ كُنْتَ خَائِفاً مِنَ النُّزُولِ, فَانْزِلْ أَنْتَ وَفُورَةُ غُلاَمُكَ إِلَى الْمَحَلَّةِ, 11وَتَسْمَعُ مَا يَتَكَلَّمُونَ بِهِ, وَبَعْدُ تَتَشَدَّدُ يَدَاكَ وَتَنْزِلُ إِلَى الْمَحَلَّةِ». فَنَزَلَ هُوَ وَفُورَةُ غُلاَمُهُ إِلَى آخِرِ الْمُتَجَهِّزِينَ الَّذِينَ فِي الْمَحَلَّةِ. فورة برغم انه شخصية مجهولة ومختفية لكن هنتعلم منها كتير 1- فورة المعين فورة كان غلام جدعون وكان ملازم له وبرغم ان جدعون زي ما قال على نفسه انه وحيد وبلا قوة في عشيرته لكن فورة كان ملازم ليه لمساعدته 2- فورة المشجع اية 10 من سفر القضاة 7 تظهر فورة المشجع 10وَإِنْ كُنْتَ خَائِفاً مِنَ النُّزُولِ, فَانْزِلْ أَنْتَ وَفُورَةُ غُلاَمُكَ إِلَى الْمَحَلَّةِ, تخيلوا جدعون اللي ظهرله ملاك الرب وقال له انك هتخلص بني اسرائيل واعطاه اكتر من علامة يقول له لو كنت خايف خد فورة معاك يشجعك ...
قراءة المزيد